1 KORINTUS 5:10 - BOWOT BOHUA

¹⁰ Ijo ahku hondakoh eam ulun-ulun pongihal, ata'ai bokuhu, ata'ai pobalik, ata'ai nyembah dewa, ijo samasino eam kosono Pohotala. Eam! Ahku eam nohuangoh iro; kobain amat ihkam harus ngomahcuoh iro, mahka kopunaioh ihkam porulu soluka samasino tahkan kolunon tuh.

1 KORINTUS 5:10 ပူးပေါင်းရင်းမြစ်များ

LUKAS 18:11

Ulun Parisi rih tombok bongoi hawui bodo'a, ‘Pohotala, ahku ngohawot torimakasih ahkan-Mu, tului ahku eam kolou ulun bohkon, ijo bokuhu, curang, ata'ai hobandung. Ahku botorimakasih, tului ahku eam kolou ponagih pajak orih rih.

YOHANES 15:19

Jahkaioh ihkam puna ain kolunon, ihkam ahkan tonokasih bain kolunon rih kolou puna aiuoh. Tahpi Ahku jari ngopili ihkam tahkan kolunon tuh, jadi ihkam eam hino punaain kolunon. Orihrih kotuluioh kolunon ngohiri ihkam.

YOHANES 17:6

Ahku jari pokosonorih Amai ahkan ulun-ulun tahkan kolunon tuh, ijo jari Amai nongaoh ahkak-Ku. Iro anairih ain Amai, tutang Amai jari nongaoh iro ahkak-Ku. Iro jari numbunoh auh Amai.

YOHANES 17:9

Ahku bodo'a bagi iro. Ahku eam bodo'a bagi kolunon, molekan bagi ulun-ulun ijo jari Amai nongaoh ahkak-Ku, tului iro anairih ain Amai.

YOHANES 8:23

Turus Yesus nuhtui umba iro, ‘‘Ihkam lombut tahkan pinda; tahpi Ahku lombut tahkan diang. Ihkam tahkan kolunon; Ahku eam tahkan kolunon.

1 KORINTUS 1:20

Nah, inon gunai ulun-ulun pintar rih? Inon gunai ulun-ulun ahpik rih? Inon gunai karon-ahli pikir ang tana tuh? Pohotala jari ngorinah kokaron kopihtar kolunon tuh, puna uras auh alik iou!

1 KORINTUS 10:27

Amat ihkam tona'ah kuman bain ihcobehti ijo eam Kristen, tutang ihkam norima pona'ah rih, koman iou inon ijo tonyorungan ahkan'kam. Eam usah nohtoani tahkan umoh polombutoh ukun rih, mangat eam anai kobahat-kobahat ang luwang ahtoi bua'kam.

1 KORINTUS 5:11

Konohuang'ku iorih, ijo ihkam ara pahkat umba ulun ijo ngahku aropoh ulun Kristen, tahpi ulun rih nguan kokihal, ata'ai bokuhu, ata'ai ponyembah dewa, ata'ai jorik ngonja'at-ja'at ulun bohkon, ata'ai pobusou, ata'aika ponahkou. Tuot kuman umba ulun rih ka a'ai!

1 KORINTUS 5:9

Ang luwang surat'ku ijo soun, ahku mborihta ahkan'kam, mangat ara hojelut umba ulun ijo kihal.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

1 YOHANES 4:5

Nabi-nabi polasu rih nuhtui tohou hal-hal kolunon, tutang kolunon ngonih auh iro, tului iro ain kolunon.

1 YOHANES 4:7

Konduang-konduang ijo tonyita! Olairih ihto hokasih ihco umba ijobohkon, bain kasih asaroh tahkan Pohotala. Ulun ijo mongasih anairih Anak Pohotala, tutang io ngosono Pohotala.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.