1 KORINTUS 4:8 - BOWOT BOHUA

⁸ Puna ihkam eam porulu ino-inon hino! Ihkam jari tahtou! Ihkam jari monjadi lahca! Tutang ihkai eam. Eaminon kopiosoh amat ihkam tu'u morong monjadi lahca, mangat ihkai duon moretah homboh ihkam.

1 KORINTUS 4:8 ပူးပေါင်းရင်းမြစ်များ

MATEUS 5:1

Ohkot Yesus nohto ulun aro rih, Io nuhkat nokuh pupung lukuh. Uli Io tuot, murid-murid-Oh lombut doni umba Io,

LUKAS 6:25

Colahkarih ihkam ijo bosuh huntuh; tului ihkam ahkan bolo'u! Colahkarih ihkam ijo ngota'o huntuh; tului ihkam ahkan poros ahtoi, tutang nangih!

KESAH RASUL-RASUL 26:29

‘‘Aang ohkot ijo iwak ata'ai aang ohkot ijo ombu,’’ hion Paulus, ‘‘ahku bodo'a umba Pohotala, mangat Lahca tutang Tuan-tuan paringoh, ijo ngonih auh tuhtui'ku ondou tuh duon jadi kolou ahku – sobali pasang tuh tontuoh!’’

RUMA 12:3

Pohotala jari nonga pononganasi ahkak'ku. Orih kotuluioh ahku moningakoh Konduang-konduang paringoh: Ara komo arop labih isun tahkan ijo kotu'uioh. Hondakoh Konduang-konduang monilai koada'an arop'kam honong randah ahtoi; nyino-nyinong behti monilai aropoh numbun koduon ijo tonongaoh Pohotala ahkaioh bain kotului io porocaya ahkan Yesus.

1 KORINTUS 1:5

Kotului ihkam monjadi ain Kristus, mahka pombolum'kam tahtou a'ang dolang hal. Pongotaan'kam tohou dolang angihco puna timbon, tutang ihkam ahpik ngajar pongotaan rih.

1 KORINTUS 4:18

Pira-pira ulun ang louk'kam, jari monjadi bojuhu, kobain iro eam ngohu, ahku eam ahkan lombut nakuh'kam.

1 KORINTUS 5:6

Eam pahtut ihkam komo bojuhu. Mihkohoh, ihkam jari kosono porobasa tuh, ‘‘Ragi ijo honjiot nguan hopus-golahpung kamir!’’

2 KORINTUS 11:1

Nyuhurih ahku nguan kolou uong honjiot. Tou, kowa?

2 KORINTUS 13:9

Ihkai sonang amat ihkai bolomu, tutang ihkam ba'as. Ihkai bodo'a ka'a, mangat ihkam monjadi soporuna.

GALATIA 6:3

Amat ihcobehti ngohu aropoh boguna, podahal eam, ulun rih ngobalik aropoh bongoi.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

PONGORINAH 3:17

Ihkam nuhtui, ‘Ihkai tahtou tutang uras sukup; ihkai eam tahpas ino-inon.’ Tahpi ihkam eam kota'an eaminon komolarat tutang eaminon kosedihoh koada'an'kam! Ihkam porosbolum, hoburang, tutang bobulen.

PONGORINAH 5:10

Ihko jari ngonjodian iro ihco uhtus khusus imam-imam, mangat iro mohalu Pohotalan ihto tutang moretah ang ngosan tana.’’