1 KORINTUS 4:5 - BOWOT BOHUA

⁵ Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

1 KORINTUS 4:5 ပူးပေါင်းရင်းမြစ်များ

MATEUS 10:26

“Ararih mihkoh umba kolunon. Eam aro ijo bosuhuk, ijo eam ahkan gihtan, tutang eam anai ijo tongulimoh ijo eam ahkan bokuap.

MATEUS 24:30

Ulimba rih tanda Anak Ulun ahkan gihtan ang langit. Aang ohkot rih paring uhtus ang tana ahkan nangih. Iro ahkan nohto Anak Ulun lombut ang ngosan baunondou hapan kowasa tutang kohajoi ijo hajo.

MATEUS 24:46

Eam inon kosanangoh pohalu orih amat tuanoh buli tutang sombang io rahat nguan gawiuoh.

MATEUS 25:21

‘Hinut,’ hion tuan rih, ‘ihko tuh pohalu ijo pios tutang sotia tului ihko duon konoharap umba ijo isut, ahku ahkan morocaya ihko ijo aro ahkan'mu. Nyolongrih tutang umbarih jorih-jorih homboh ahku!’

MATEUS 25:23

‘Hinut,’ hion tuan rih, ‘ihko jihpon ijo morong tutang sotia. Tului ihko duon konoharap umba ang isut, ahku morocaya ijo aro ahkan'mu. Nyolongrih tutang umbarih jorih-jorih homboh ahku!’

LUKAS 6:37

‘‘Ararih mosara ulun bohkon, mangat ihkam bongom ka'a eam tomosara bain Pohotala. Ararih mohukum ulun bohkon mangat ihkam bongon ka'a ara tomohukum Pohotala. Ngapunrih ulun bohkon, mangat Pohotala ka'a ngapun ihkam.

YOHANES 21:22

Yesus mutah, ‘‘Jahkai Ahku kani io mohcon bolum johcok Ahku lombut, orih eam urusan'kam. Tahpi ihko ngahasu Ahku!’’

YOHANES 21:23

Mahka tosiar borihta ang marak murid Yesus, ijo murid orih eam ahkan mahtoi. Padahal Yesus eam nuhtui ijo murid rih eam ahkan mahtoi, molekan: ‘‘Jahkaioh Ahku kani io bolum nyiring Ahku lombut, orih eam urusan'kam.’’

YOHANES 5:44

Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

RUMA 14:4

Iaikah Konduang, nyiring Konduang harus mosara jihpon ulun bohkon? Kuwoh jihpon rih tocahap ata'ai tombok, orihrih urusan tuan aiu. Tutang puna jihpon rih ahkan hihkat tombok, tului Tuhan sanggup nguanoh hihkat tombok.

RUMA 2:1

Bain tului orih, Konduang-konduang, Iairih Konduang, nyiring Konduang nosalanoh ulun bohkon? Konduang eam tepun ino-inon ahkan mombela arop! Tului amat Konduang nosalanoh ulun bohkon, podahar Konduang bongon nguanoh gawi ijo sama kolou iro; mahka Konduang ngohtunohhukum ngosan arop'mu bongor ka'a.

RUMA 2:16

Kodorih rih ijo ahkan nyolung noin aang ondou ijo jari tonahtapoh rih. Aang ondou orih – numbun Kabar Hinut ijo ahku mborihtaoh – Pohotala nguha Yesus Kristus, ahkan mosara kokaron kulim ahtoi, tutang tiruk paring ulun.

RUMA 2:29

Tobalikoh ihcobehti Yahudi ijo sojahti anairih ulun ijo ahtoioh bohomboruan Yahudi; tutang sunat ijo sojahti, anairih sunat ang ahtoi ijo tonguan bain Roh Pohotala, eam ijo tonyurat ang buhku ih. Ulun somahcam orih monorima taraoh tahkan Pohotala, eam tahkan ulun.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

1 KORINTUS 1:7

nyiring ihkam eam kurang ihco borehkat ka, pondehan ihkam ngindoi Tuhan ihto Yesus Kristus lombut, tutang gihtan kobain paring ulun.

1 KORINTUS 11:16

Orih! Amat anai ijo kani hojawab tohou masalah tuh, ihco-ihcooh ijo ahku dahpot nuhtuioh, iorih ijo pios ihto oluka ukup-ukup Pohotala bohkon, aang ulunaro tihkas tepun ihco kopatuh rih ang ukup; bohkon tahkanumba rih eam anai.

1 KORINTUS 11:26

Puna nyinong tikat ihkam kuman ruhte tuh, tutang ngorih anggur tuh, ihkam mborihta popahtoi Tuhan, nyiring Io lombut.

1 KORINTUS 15:23

Tahpi nyino-nyinong ahkan tonombolum numbun giliraiu; ijo pahtukoh Kristus, pongohuli noin ang ohkot Io lombut hino, nutut gilir ulun-ulun ijo barih ain Kristus.

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

1 KORINTUS 3:14

Amat gedung ijo tonombok ulun ang ngosan galang rih tahan pahpong baho, ulun rih ahkan norima upahoh.

1 KORINTUS 3:8

Koduooh anai kosamaoh. Nyino-nyinong tihkas ahkan norima opah numbun hekabo'o iro.

2 KORINTUS 10:18

Tului ulun ijo botara, orihrih ulun ijo tonara bain Tuhan, eam ulun ijo monara aropoh bongoi.

2 KORINTUS 10:9

Ahku eam kani ihkam komo, ijo ahku mopiko-pikoh ihkam umba surat-surat'ku.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

2 KORINTUS 5:10

Kotului musti ihto paringoh ahkan konomin nokuh noharep bosaran Kristus, tutang nyino-nyinong ahkan dahpot balosoh, sorurui umba gawiuoh ang kolunon tuh – gawi pios, ata'ai ka kaja'at.

1 TESALONIKA 5:2

Kotului ihkam bongon kota'an honong jelas, ijo Ondou polombut Tuhan rih ahkan johcok kolou ponyilou lombut a'ang ngolomi ondou.

IBRANI 4:13

Eam aro ihco mahluk ka ijo bosuhuk tahkan ponopahjah Pohotala. Kokaron angihco paring hoburang tutang bokuap ang husuk-Oh. Tutang ihto harus nonga tanggung-jawab ahkai-Oh.

YAKOBUS 4:11

Konduang-konduang, ara saling moncela ata'ai monosalan. Ulun ijo moncela ata'ai nosalan konduangoh ijo sama-sama Kristen, io moncela ata'ai nosalan hukum Pohotala. Tutang amat ihkam nosalan hukum Pohotala, orih rimai ihkam eam numbun hukum-hukum rih, molekan monjadi hakimoh.

YAKOBUS 5:7

Bain orih, bosabarrih Konduang-konduang'ku, nyiring Tuhan lombut. Nohto rih koloukuwoh sabaroh ihcobehti Pongumo ngindoi, nyiring umoioh polombut buaoh ijo borega ahkaioh. Umba kosabar io ngindoi uhjan musim ngonyahtu tutang uhjan musim dolak.

YAKOBUS 5:9

Ara bokuhtuk tutang saling hotosalan, mangat ihkam eam kona hukum bain Pohotala. Ingat! Hakim ius doni, tohtap ahkan lombut.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

1 PETRUS 5:4

Tutang ang ohkot Sokahtik Hajo rih lombut noin, ihkam ahkan norima mahkota ijo gomilang, ijo eam ahkan kawus kogomilangoh.

2 PETRUS 3:12

kotahin ihkam ngindoioh tutang morinduoh polombutoh Ondou Pohotala. Aang Ondou rih langit ahkan opah bosaha, tutang tului kopodioh, mahka ramu-ramu ijo ang langit ahkan lonyuh.

2 PETRUS 3:4

honong nuhtui koloutuh, ‘‘Hioioh, Tuhan nobowot ahkan lombut! Uhuntuh umoh Io? Amai-amai tahtu ajuh lomoi jari palus, tahpi kokaron-karonoh magun sama iou kolou tahkanuhun tona'oioh pindalangit!’’

YUDAS 1:14

Henoh, lihit ijo kopitu tahkan Adam, lomoi pu'u nujum tohou ulun-ulun rih. Henoh homouh, ‘‘Nohto, Tuhan ahkan lombut umba bokuhjan-kuhjan molehkat-molehkat-Oh ijo borasih,

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!

PONGORINAH 20:12

Tutang ahku nohto ulun-ulun mahtoi, hajo, koik, tombok toharep pododusan rih. Mahka surat-surat ka tonomirang. Turus ihco kobalun surat ijo bohkon tonomirang, yorih Surat Ulun Bolum. Pongohuli hukum tongonyahtu nokuh ngosan ulun-ulun mahtoi, hotohorong umba dolang gawin iro, numbun ijo tosurat luwang surat-surat rih.