1 KORINTUS 4:10 - BOWOT BOHUA

¹⁰ Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

1 KORINTUS 4:10 ပူးပေါင်းရင်းမြစ်များ

MATEUS 24:9

Pongohuli ihkam ahkan tonawan, tutang tonyarah ahkan tonyiksa, tutang tomunu. Hopus kolunon ahkan bosingi ihkam, tului ihkam murid-Ku.

MATEUS 5:11

Kosanangsolamat ahkan ihkam amat tonosalan, tonoporos tutang tongonja'at tului Ahku.

LUKAS 10:16

Turus Yesus nuhtui umba murid-murid-Oh, ‘‘Ulun ijo ngonih ihkam, io ngonih Ahku ka. Ulun ijo nulak ihkam, io nulak Ahku, ka'a nulak Io ijo jari nyuhu Ahku.’’

LUKAS 18:9

Yesus monyorihta ka'a porobasa tuh, ijo tonuju-Oh ahkan ulun ijo nopahjah hina ulun bohkon, tahpi yahkin ijo aropoh bongoi pios.

LUKAS 6:22

Kosanangoh ihkam, amat konohiri ulun, tonulak, tonohina tutang tonopitnah bain tului Anak Ulun!

KESAH RASUL-RASUL 17:18

Guru-guru aliran Epikuros tutang aliran Stoa hokolawan ka'a umba io. Pira-pira tahkan iro nuhtui, ‘‘Ulun tuh kota'an inon? Pongotaanoh baya honjiot, tahpi aro nyamaioh!’’ Pira-pira ijo bohkon nuhtui, ‘‘Kolouoh io mborihta tohou dewa-dewa uhtus bohkon.’’ Iro nuhtui kolouorih, tului Paulus pander tohou Yesus, tutang tohou bolum hoduli uli mahtoi.

KESAH RASUL-RASUL 17:32

Kotihka ulun-ulun rih ngonih tohou bolum hoduli uli popahtoi, anai tahkan louk iro ngota'oauh Paulus rih. Anai ka'a ijo nuhtui, ‘‘Ihkai jolik ngonih Konduang mborihta hino tohou hal orih.’’

KESAH RASUL-RASUL 26:24

Pondehan Paulus nyapai pombelaoh rih, Festus ngorahang, ‘‘Ihko jari bobucon Paulus! Ilmu'mu ijo aro rih jari nguan ihko bobucon!’’

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 KORINTUS 1:23

Tahpi ihto tuh tihkas mborihta Kristus ijo mahtoi ang sopolahki. Borihta rih nyinggung pokomon ulun Yahudi, tutang tongohu tuhtui uong bain ulun-ulun bohkon Yahudi. Tutang ulun bohkon Yahudi ngohu orih ihco kouong.

1 KORINTUS 1:25

Kotului ijo gihtan ko-uong aang Pohotala, anai lobien pihtar tahkan kopihtaran kolunon; tutang ijo gihtaioh bolomu aang Pohotala, orih molowi ba'as tahkanumba koba'as kolunon.

1 KORINTUS 10:12

Ulun ijo ngohu aropoh tombok ba'as, konohuangoh bua-buah; a'ai nyiring io bolukang.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

1 KORINTUS 2:3

Kotihka ahku anai umba ihkam, ahku bolomu tutang moruguh mihkoh.

1 KORINTUS 3:18

Ararih ihcobehti ka ngabalik aropoh bongoi. Amat anai ulun ang louk'kam, komo aropoh horahti numbun tihpong kolunon tuh, ulun rih harus kolou ulun uong, mangat io monjadi moro-morong horahti.

1 KORINTUS 3:2

Lomoi ahku baya duon nonga ahkan'kam ukun ngoa, eam ukun ulun oko; kotului ihkam jaha sukupba'as ahkan orih. Tahpi huntuhka ihkam, magun jaha ba'as ahkan orih,

1 KORINTUS 4:8

Puna ihkam eam porulu ino-inon hino! Ihkam jari tahtou! Ihkam jari monjadi lahca! Tutang ihkai eam. Eaminon kopiosoh amat ihkam tu'u morong monjadi lahca, mangat ihkai duon moretah homboh ihkam.

2 KORINTUS 10:10

Ulun nuhtui, ‘‘Surat-surat Paulus rih tegas tutang bopongaroh, tahpi amat io bongoi anai ang tohun-tohun ihto, aropbongoioh bolomu tutang tuhtui-tuhtuioh eam borima ino-inon.’’

2 KORINTUS 11:19

Ihkam hawui sanang ahtoi, bosabar toharep ulun ijo uong, kotului ihkam komo arop kodorih ahpik!

2 KORINTUS 11:29

Amat anai ijo bolomu, ahku ka umba komo kolomu ka'a. Amat anai ijo botahak ang luwang dusa, ahtoi'ku umba lonyuh.

2 KORINTUS 13:9

Ihkai sonang amat ihkai bolomu, tutang ihkam ba'as. Ihkai bodo'a ka'a, mangat ihkam monjadi soporuna.

2 KORINTUS 4:12

Jituh rimai ijo ang luwang arop ihkai popahtoi rahat giat molalus porananoh, tahpi ihkai jorih, ijo pombolumrih ijo rahat giat ang luwang behtin'kam.

2 KORINTUS 6:8

Ihkai tonohoromat, tahpi ihkai dahpot pohina'an ka'a, tonotara, tutang tonopitnah hino. Olu ka ihkai morong, tahpi tonondawa bobalik.

1 TESALONIKA 4:8

Ulun ijo nulak ajaran tuh, eamoh nulak ulun molekan nulak Pohotala, ijo nonga Roh-Oh ijo borasih ahkan'kam.

1 PETRUS 4:14

Ihkam botuah amat ihkam tonohina, kotului ihkam murid Kristus. Orih rimai Roh ijo tohoromat yorih Roh Pohotala anai aang ihko.