1 KORINTUS 4:1 - BOWOT BOHUA

¹ Ngohurih ihkai pohalu-pohalu Kristus ijo botanggung-jawab mborihtaoh rancana-rancana Pohotala ijo jaha tongota'an kolunon.

1 KORINTUS 4:1 ပူးပေါင်းရင်းမြစ်များ

MATEUS 13:11

Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

MATEUS 24:45

Hion Yesus hino, “Amat kolourih pohalu ijo umoh rih ijo bokehtep tutang piosbosaraoh? Io rih ijo tongopili bain tuanoh monjadi okon pohalu-pohalu bohkon, mangatoh nonga iro ukun ang ohkotoh.

MARKUS 4:11

Mahka Yesus nuhtui umba iro, ‘‘Ihkam jari tononga pononga, mangat ngota'an dolang bokulim tohou koloukuwoh Pohotala moretah. Tahpi ulun-ulun ijo luar, tonongajar umba porobasa,

LUKAS 1:2

Iro nyurat hotohorong umba ijo jari tomorihta ahkan ihto bain ulun-ulun ijo nohto bongoi karonaang nyolung orih tahkan pahtukoh, tutang pongohino mborihtaoh kabar orih.

LUKAS 12:42

Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh?

LUKAS 8:10

Yesus mutah, ‘‘Ihkam jari tononga pononga ahkan ngota'an ijo bokulim, tohou koloukuwoh Pohotala moretah kolou Lahca. Tahpi ulun-ulun bohkon tongajar umba porobasa, mangat iro nohtoanioh, tahpi eam ta'an inon ijo nyolung; tutang iro ngonih, tahpi eam solembang.’’

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

1 KORINTUS 3:5

Kotu'ui iai Apolos rih? Tutang iai Paulus rih? Ihkai tihkas dolang pohalu Pohotala, ijo ius niting ihkam ahkan porocaya umba Kristus. Ihkai baya molalus gawi ijo tonyuhu Tuhan ahkan ihkai nyinong behti.

1 KORINTUS 4:13

amat ulun ngonja'at-ja'at ihkai, ihkai malosoh umba auh-auh ihco manih. Ihkai eam labih tahkan luhtik-puhuk kolunon tuh; nyiring uhuntuh ihkai magun tonongohu kolou luhtik-puhuk tana.

1 KORINTUS 4:2

Ijo pahtu-pahtuk tonutut tahkan pohalu ijo kodorih, iorih ijo io bokehtep umba tuanoh.

2 KORINTUS 11:23

Pohalu-pohalu Kristuskah iro? Naingoh kolou ahku ius nihou ahkal, tahpi ahku puna pohalu ijo puna labih morong tahkan iro paringoh! Ahku bogawi labih karas, ahku labih bojoin ponosolong ang luwang sipir, ahku labih aro tonyiksa tutang bojoin nyiring mahtoi.

2 KORINTUS 12:6

Jahkaoh ahku jolik ka'a monamam angihco, ahku eam kani monjadi panderngahus ijo auh puang; ahku ahkan ngohawot ijo morong. Tahpi ahku nahan arop, mangat eam anai ulun ijo ngohu ahku labih tahkanumba inon ijo jari io nohto ahku nguai, ata'ai ijo jari io ngonihoh ahku nuhtuioh.

2 KORINTUS 4:5

Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

2 KORINTUS 6:4

Sobalikoh, a'ang kokaron hal, ihkai ngorinah ijo ihkai anairih jihpon-jihpon Pohotala. Tului, karon mahcam kosusah jari ihkai ngarotoh hawui sabar,

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 6:19

Tutang bodo'a ka'a ahkak'ku mangat ang ohkot ahku mborihta, Pohotala nonga ahkak'ku tuhtui-tuhtui ijo kona. Tutang mangat ahku honong bohanyi dahpot mborihta rahasia Kabar Hinut rih.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

KOLOSE 4:3

Bodo'a ka'a ahkan ihkai mangat Pohotala nonga ahkan ihkai kotihka ijo pios ahkan monyiaroh, borihta tohou rahasia Kristus. Kotului hal orihrih mahka ahku huntuh anai ang luwang sipir.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

1 TIMOTEUS 3:6

Ihcobehti pohalu ukup, eam tou ulun ijo bohua iou monjadi Kristen, tului noin io monjadi bojuhu, turus tonulut kolou Sehtan lomoi.

1 TIMOTEUS 3:9

Iro harus nambit ba'a-ba'as umba ahtoi homboruan ijo borasih aang ajar koporocayaan Kristen, ijo jari tongorinah bain Pohotala.

TITUS 1:7

Okon ukup, anai ulun ijo hogoguan gawin Pohotala, io eam tou josala-sala. Io eam tou bojuhu, ata'ai ponyingi, ata'ai pobusou, ata'ai jolik hokolahi, ata'ai jolik mahta duitan.

1 PETRUS 4:10

Ihkam nyino-nyinong jari norima pononga-pononga ijo hokobohkon tahkan Pohotala. Kotului orih kolou ponggawi ijo pios tahkan ponongan-ponongan Pohotala, hondakrih ihkam monggunaoh pongonduon rih ahkan kogunan sama-sama.