1 KORINTUS 3:8 - BOWOT BOHUA

⁸ Koduooh anai kosamaoh. Nyino-nyinong tihkas ahkan norima opah numbun hekabo'o iro.

1 KORINTUS 3:8 ပူးပေါင်းရင်းမြစ်များ

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

LUKAS 19:19

Umba pohalu orih lahca rih nuhtui, ‘Ihko ahkan monjadi pongowasa isung limo lowu.’

RUMA 2:6

Tului Pohotala ahkan malos nyinong ulun sotimpal umba karon aanggawiuoh.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

1 KORINTUS 3:14

Amat gedung ijo tonombok ulun ang ngosan galang rih tahan pahpong baho, ulun rih ahkan norima upahoh.

1 KORINTUS 3:7

Jadi ijo boguna iorih Pohotala, tului Io ijo mombolumoh. Ijo ngombulan tutang ijo nyiramoh eam boguna.

1 KORINTUS 3:9

Ihkai anairih ulun-ulun ijo hombo-homboh bogawi ahkan Pohotala; tutang ihkam anairih kolou umon Pohotala. Konduang-konduang anairih ka'a kolou lohpou Pohotala.

1 KORINTUS 4:15

Kobain ahku ijo monjadi amai ihkam, oluka tousama kolou ulun Kristen, ihkam ius tepun sopulu ribu guru. Ang luwang pombolum'mu kolou ulun-ulun ijo ihco umba Kristus, ahku ijo monjadi amai ahkan'kam, kotului ahku ijo ngomin Kabar Hinut tohou Kristus ahkan'kam.

1 KORINTUS 9:7

Eam aro jolahan sorodadu ijo pahtut ngurah ukus aropoh bongoi, ang luwang posukan kolahi! Eam anai pongumo ijo ngombulan anggur ang pobulanoh, turus eam kuman bua anggur rih tahkan pombulan orih! Eam anai sokahtik ijo mohaga tobirioh, turus eam ngorih susu tahkan tobiri-tobirioh rih!

GALATIA 6:4

Nyinong ulun harus moriksa bongoi inonrih hadatdasaroh rih pios ata'ai ja'at. Amat pios io tou komo tamam ngosan hal rih. Tahpi eam usah io monyamaoh umba inon ijo tonguan ulun bohkon.

GALATIA 6:5

Kotului nyino-nyinong ulun harus ngohtun puat aiu bongoi.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

1 PETRUS 5:4

Tutang ang ohkot Sokahtik Hajo rih lombut noin, ihkam ahkan norima mahkota ijo gomilang, ijo eam ahkan kawus kogomilangoh.

2 YOHANES 1:8

Tului orih jagarih, ara nyiring ihkam nihou, inon ijo jari ihkai usahaoh ahkan ihkam. Bousaharih, mangat ihkam norima tahkan Pohotala upah'kam koparingoh.

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.

PONGORINAH 22:12

‘‘Nohtoaniohrih tuh!’’ hion Yesus, ‘‘Eam tahi hino Ahku ahkan lombut, ahkan ngomin upah, ahkan malos nyinong ulun numbun inon ijo jari io nguaioh.