1 KORINTUS 3:18 - BOWOT BOHUA

¹⁸ Ararih ihcobehti ka ngabalik aropoh bongoi. Amat anai ulun ang louk'kam, komo aropoh horahti numbun tihpong kolunon tuh, ulun rih harus kolou ulun uong, mangat io monjadi moro-morong horahti.

1 KORINTUS 3:18 ပူးပေါင်းရင်းမြစ်များ

MATEUS 13:22

Bonyi ijo tonuhkan ang tohun ruwut duhi, nindung ulun-ulun ijo ngonih kabar orih, tahpi mihkoh tohou pombolum iro tutang jolik bolum molowi. Tului orih kabar tahkan Pohotala tonohahpit ang luwang ahtoi iro nyiring eam momua.

MATEUS 18:4

Ulun ijo porandah aropoh tutang monjadi kolou anak-inyam tuh, io rih ijo hajo ang louk ukup Pohotala.

MARKUS 10:15

Ingat tuh! Iai eam nohimo Pohotala kolou ihcobehti anak-inyam, eam ahkan monjadi anak ukup ain Pohotala.’’

LUKAS 18:17

Ingatrih! Ulun ijo eam noharep Pohotala kolou ihcobehti anak-inyam, io eam ahkan monjadi anak ukup Pohotala.’’

LUKAS 21:8

Yesus nuhtui, ‘‘Rondo-rondongrih, ara nyiring ihkam tongobula. Aro ulun ahkan lombut tutang mahapa arak-Ku, tutang nuhtui, ‘Ahku tuh Io!’ tutang ‘Johcok ohkotoh.’ Tahpi a'ai ihkam ngohasu iro.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 12:16

Bolum rukun ihco umba 'jobohkon. Ara pokarah isung ahtoi, tahpi nyama arop'kam umba ulun ijo pinda ponuotoh. Ara madu arop labih pitar tahkanumba ijo komorongoh.

1 KORINTUS 15:33

Ara konaalik! Kopahkat ijo ja'at, morusak hadat ijo pios.

1 KORINTUS 3:17

Amat anai ulun ijo morusak Lohpou Pohotala, Pohotala ka ahkan morusak ulun rih. Kotului Lohpou Pohotala anai khusus ain Pohotala iou, tutang ihkam Lohpou rih.

1 KORINTUS 4:10

Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

1 KORINTUS 6:9

Kota'ankah ihkam ijo ulun-ulun, ijo eam numbun konohuang Pohotala, eam ahkan monjadi anak ukup Pohotala? Ara kona alik! Ulun-ulun ijo nguan kokihal, ulun-ulun ijo nyembah songiang, ijo pohobandung, ijo nguan gawiou ijo momi'a toharep sama tapaioh,

GALATIA 6:3

Amat ihcobehti ngohu aropoh boguna, podahal eam, ulun rih ngobalik aropoh bongoi.

GALATIA 6:7

A'ai konobalik. Pohotala eam duon tongonjea! Inon ijo tongombulan orih ka ijo ahkan tongohtom.

EPESUS 5:6

Ara ihkam tonihpu bain pander-pander ijo buang. Kobain hal-hal atuh, ijo polombut kosangit Pohotala, toharep ulun-ulun ijo eam te'et umba Io.

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

YAKOBUS 1:22

Kohandakrih ihkam nguanrih inon ijo tonuhtui bain Pohotala, ara baya ngonihoh iou, nyiring hawui kolouorih ihkam monihpu arop bongon.

YAKOBUS 1:26

Amat anai ihcobehti, ijo ngomo aropoh ihcobehti ijo te'et boagama, tahpi io eam monjaga ilatoh, mahka io ngobula aropoh bongoi; sombayangoh eam anai gunaioh.

1 YOHANES 1:8

Amat ihto nuhtui ijo ihto eam bodusa, ihto nihpu arop ihto bongon; tutang Pohotala eam mohcon ang luwang ahtoi ihto.