1 KORINTUS 3:12 - BOWOT BOHUA

¹² Anai ijo mangun ang ngosan galang rih, hawui hapan bulou, anai ijo hapa perak, anai ijo hapa bahtu permata, anai hino ijo hapan kahju, anai ijo hapa uru koring ata'aika topilai.

1 KORINTUS 3:12 ပူးပေါင်းရင်းမြစ်များ

KESAH RASUL-RASUL 20:30

Malah tahkan louk Konduang-konduang bongon ka, ahkan lombut ulun-ulun ijo ahkan monyiar borihta ijo eam morong. Iro nguan kodorih ahkan ulun-ulun ijo jari porocaya umba Tuhan Yesus Kristus monjadi lacat tutang nutut iro.

RUMA 16:17

Konduang-konduang! Ahku nyawot umba'kam: Ati-atirih toharep ulun-ulun ijo polombut kopisah tutang monderoh koporocaya ulun ahkan Tuhan. Hal rih hokolawan umba inon ijo jari tongajar ahkan ihkam. Ngomahcurih iou, ulun-ulun kolou orih.

1 KORINTUS 3:11

Tului Pohotala bongoi jari potuot Yesus Kristus kolou ihco-ihcooh, galang ahkan gedung rih; eam aro galang ijo bohkon.

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

2 KORINTUS 2:17

Ihkai eam kolou aro ulun mohapan borihta tahkan Pohotala monjadi ramun dagang iou. Tihtun-tihtun ihkai anai borasih, tului ihkai tonyuhu bain Pohotala. Tutang Pohotala bongoi nopahjah, ijo ihkai monyiaroh borihta orih, kolou pohalu-pohalu Kristus.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

KOLOSE 2:8

Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

1 TIMOTEUS 6:3

Ia-iai ngajar ajaran ijo bohkon tahkanmba orih, tutang eam sotuju umba ajaran ijo morong tahkan Tuhan ihto Yesus Kristus, tutang umba ajaran agaman ihto,

2 TIMOTEUS 2:20

Ang luwang lohpou ijo hajo, todahpot mahca-mahcam pokahkas. Anai ijo tonapa tahkan perak, ata'ai bulou, tahpi anai ka'a ijo tahkan kahju, ata'ai tana. Anai ijo tohapan ahkan gunan ijo mombahtang, tutang anai ka'a tohapan ahkan koporluan bahut.

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

2 TIMOTEUS 3:7

Ulunbawi-ulunbawi rih turus hototurus nyawot tongajar, tahpi eam pu'u dahpot ngosono ajaran ijo morong tahkan Pohotala.

2 TIMOTEUS 4:3

Tului ahkan johcok ohkotoh, ulun eam hino norima ajaran ijo morong. Tobalikoh, iro ahkan numbun kojolik iro bongoi, tutang mupung aro guru, guna majar hal-hal ijo momih konahan ang tolingan'ndo.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

PONGORINAH 2:14

Tahpiolu kolourih, anai pira-pira hal ijo Ahku eam ngojorihoh tahkan ihkam: Anai ihcokobagi ulun ang louk ihkam ijo nutut umba ijo tongajar, bain Bileam. Bileam majar Balak koloukuwoh nombohos ukup Israel koluwang dusa; honong ngota'u iro kuman ukun ijo jari tononga ahkan dewa tutang nguan gawi ijo kihal.

PONGORINAH 21:18

Dinding lowu rih, tonapa tahkan bahtu baiduri pandan, rahatbahtang lowuoh bongoi tahkan bulou borasih, kotining kolou soramin.

PONGORINAH 3:18

Tului orih Ahku ningak ihkam mangat moli tahkanumba Ahku bulou, yorih bulou ijo borasih, mangat ihkam monjadi tahtou. Moli ka'a pokahjan puhti ijo tahkan aang Ahku, mangat ihkam hopokajan, tutang nuhtup keada'an'kam, ijo hoburang tutang ngomia. Tutang molirih hino totamba ahkan tomalit ang mahtan'kam, mangat ihkam dahpot nopahjah.