1 KORINTUS 3:10 - BOWOT BOHUA

¹⁰ Umba kotoun ijo tononga Pohotala, ahku kolou ahli mangun, hawuiius ngina galang ahkan gedung rih, tutang ulun bohkon mangun gedung ang isun galang rih. Nyinong ulun harus nohtoanioh moro-morong koloukuwoh io mangunoh ang ngosan galang rih.

1 KORINTUS 3:10 ပူးပေါင်းရင်းမြစ်များ

MATEUS 24:45

Hion Yesus hino, “Amat kolourih pohalu ijo umoh rih ijo bokehtep tutang piosbosaraoh? Io rih ijo tongopili bain tuanoh monjadi okon pohalu-pohalu bohkon, mangatoh nonga iro ukun ang ohkotoh.

MATEUS 7:24

“Nah, ulun ijo ngonih auh-Ku tuh, tutang numbun orih, sama kolou ulun horati ijo nombok lohpouoh ang ngosan bahtu.

LUKAS 11:35

Tului orih, bua-buah, ara nyiring koloang ijo anai ang ihkam rih monjadi pindong.

LUKAS 21:8

Yesus nuhtui, ‘‘Rondo-rondongrih, ara nyiring ihkam tongobula. Aro ulun ahkan lombut tutang mahapa arak-Ku, tutang nuhtui, ‘Ahku tuh Io!’ tutang ‘Johcok ohkotoh.’ Tahpi a'ai ihkam ngohasu iro.

KESAH RASUL-RASUL 18:27

Pongohuli Apolos nohuang tulak nokuh Akhaya. Mahka ulun-ulun ijo porocaya umba Yesus ang Epesus nyurat surat ahkan konduang-konduang ijo porocaya ang Akhaya, mangat iro kani norima Apolos. Tutang ohkot Apolos johcok Akhaya, pondohopoh bokorinah paham gunai ahkan ulun-ulun ijo tului ponongaasi Pohotala jari porocaya umba Yesus.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 12:3

Pohotala jari nonga pononganasi ahkak'ku. Orih kotuluioh ahku moningakoh Konduang-konduang paringoh: Ara komo arop labih isun tahkan ijo kotu'uioh. Hondakoh Konduang-konduang monilai koada'an arop'kam honong randah ahtoi; nyino-nyinong behti monilai aropoh numbun koduon ijo tonongaoh Pohotala ahkaioh bain kotului io porocaya ahkan Yesus.

RUMA 15:15

Tahpi tohou hal-hal ijo botatu ahku mopingat ihkam hawui tegas aang surat tuh, tului Pohotala jari nyarah ahkak'ku gawi tuh.

RUMA 15:20

Cihta-cihta ahtoi'ku iorih mborihta Kabar Hinut tahkan Pohotala ang karon-unuk ang amoh ulun jaha ngonih tohou Kristus. Tului ahku eam kani nombok ang konuak'ku isun galang ijo konina bain ulun bohkon.

1 KORINTUS 3:11

Tului Pohotala bongoi jari potuot Yesus Kristus kolou ihco-ihcooh, galang ahkan gedung rih; eam aro galang ijo bohkon.

1 KORINTUS 9:2

Amatka ulun-ulun bohkon eam kani ngahku ahku kolou rasul, paling honjiot ihkam ngahku orih! Tului pombolum'mu kolou ulun Kristen, anairih bukti ahku ihcobehti rasul.

2 KORINTUS 10:15

Ihkai eam ka'a monara arop, ngosan gawin ulun bohkon, ijo anai ang ruar tihkas ijo tonuhkas Pohotala ahkan ihkai. Sobalikoh ihkai tohtap ang luwang tihkas-tihkas, ijo tonuhkas Pohotala ahkan ihkai, tutang boharap ijo ihkam mahi-mahi porocaya umba Kristus, mangat ihkai dahpot nguan gawi ijo labih hajo ang louk ihkam.

EPESUS 2:20

Ihkam ka tonombok ang ngosan galang, ijo tongina bain rasul-rasul tutang nabi-nabi, hawui Kristus Yesus kolou bahtu ijo mombahtang.

KOLOSE 1:29

Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

KOLOSE 4:17

Tutang nyorihta iou ahkan Arkhipus: ‘‘Ngopah karon gawiu ijo tononga ahkan'kam guna mohalu Tuhan.’’

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

2 TIMOTEUS 2:15

Hondakrih ihko bousaha tu'u-tu'u mangat tongahku bain Pohotala, kolou ulun ijo layak bogawi bagi-Oh. Bousaha iou mangat ihko eam mia tohou gawin'mu, molekan majar hawui kona ajaran-ajaran morong tahkan Pohotala.

YAKOBUS 3:1

Konduang-konduang! Ara aro-aro tahkan louk'kam ijo kani monjadi guru. Ihkam kota'an, ijo ihto ijo monjadi guru ahkan tomosara umba labih paham tahkan ulun bohkon.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

2 PETRUS 3:15

Ngohurih kosabar Tuhan ihto kolou kosapet ijo tononga-Oh ahkan'kam, mangat dahpot solamat. Paulus, konduang ihto ijo tonokasih, jari nyurat ijo kolourih ka'a ahkan'kam. Io nyurat rih umba kopihtaran ijo tononga Pohotala ahkaioh.

PONGORINAH 21:14

Dinding kotalowu rih tonombok ang ngosan duo balas bahtu galang. Aang bahtu-bahtu galang rih tonyurat aran-aran koduo balas rasul Anak Tobiri rih.

PONGORINAH 21:19

Bahtu-bahtu galang lowu rih tonawas umba kokaron mahcam bahtu poromata. Bahtu galang ijo pahtuk tonawas tahkan bahtu baiduri pandan, ijo koduo tahkan bahtu nilam, kotolu tahkan bahtu yakut, koohpat tahkan bahtu zamrud,