1 KORINTUS 3:1 - BOWOT BOHUA

¹ Konduang-konduang! Kotu'uioh ahku eam duon bopander umba konduang, kolou umba ulun ijo tepun Roh Pohotala. Ahku tihkas duon bopander umba ihkam, kolou umba ulun ijo magun bolum numbun kojolik kolunon; kolou umba ulun ijo magun ngoa aang koporocayaoh umba Kristus.

1 KORINTUS 3:1 ပူးပေါင်းရင်းမြစ်များ

MATEUS 16:23

Yesus ngulos turus nuhtui umba Petrus, “Hahtun tahkan ohtoi Ponihkos! Ihko mohala-halang Ahku. Tiruk'mu rih tiruk kolunon, bohkon tiruk Pohotala!”

RUMA 7:14

Ihto kota'an ijo hukum agama Yahudi, asar tahkan Roh Pohotala, tahpi ahku tuh ulun bolomu. Ahku jari ponodagang monjadi jihpon dusa.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

1 KORINTUS 14:37

Amat anai ulun ijo nanyam anai pononga, ahkan nyiar mborihta tahkan Pohotala, ata'ai io anai pononga ijo bohkon, tahkan Roh Pohotala, ulun rih harus sadar, ijo inon ijo ahku nyuratoh tuh anairih poretah tahkan Tuhan.

1 KORINTUS 2:6

Oluka kodorih ang louk ulun-ulun ijo pombolum rohanioh jari botuo, ahku puna pander tohou kopihtar. Tahpi kopihtar tuh bohkon kopihtaran kolunon, ata'ai kopihtaran dolang pongowasaoh jaman tuh, ijo kowasaioh ahkan dilap.

GALATIA 6:1

Konduang-konduang! Amat ihcobehti sombang nguan ihco dusa, hondakoh ihkam ijo bolum numbun Roh Pohotala, niting ulun rih buli nitoi jalan ijo morong. Tahpi ihkam harus nguan orih umba bolomu lembaiahtoi, tutang bojaga a'ai nyiring ihkam bongom taputtonihkos ka'a.

IBRANI 5:13

Ulun ijo magun ngorih susu, rimai io magun ngoa, io jaha anai aro pongalamoh, tohou inon ijo morong tutang inon ijo sala.

1 YOHANES 2:12

Ahku nyurat ahkan'kam, Anak-inyam, bain dusan'kam jari tonapunoh, tului Kristus.