1 KORINTUS 2:13 - BOWOT BOHUA

¹³ Kotului rih, amat ihkai monarang dolang hal tohou Pohotala ahkan ulun-ulun ijo anaingina Roh Pohotala, ihkai eam monarangoh numbun kopihtaran kolunon, molekan numbun ajar Roh Pohotala.

1 KORINTUS 2:13 ပူးပေါင်းရင်းမြစ်များ

LUKAS 12:12

Tului inon ijo harus ihkam nuhtuioh rih ahkan tomara bain Roh Pohotala ahkan'kam ang ohkotoh.’’

KESAH RASUL-RASUL 2:4

Iro paring konowasa bain Roh Pohotala tutang nopara hopander a'ang hokobohkon basa. Iro pander numbun inon ijo tononga Roh rih ahkan iro mangat konohawotoh.

1 KORINTUS 1:17

Kristus nyuhu ahku, eam ahkan mopondus ulun, molekan ahkan mborihta Kabar Hinut tahkan Pohotala; tutang orih ka harus ahku nguai, eam aro hapan koahpik'ku bopander numbun kolunon, mangat kowasa tahkan popahtoi Kristus ang sopolahki, eam monjadi sia-sia.

1 KORINTUS 14:2

Ulun ijo bopander a'ang basa ijo helan, ulun rih eamoh pander ahkan ulun; io bopander umba Pohotala. Eam aro ulun ijo horahti inon ijo io nuhtuioh, kotului Roh Pohotala ijo ngotuluioh io ngohawot hal-hal ijo tihkas ang tongota'an Pohotala.

1 KORINTUS 2:1

Konduang-konduang! Aang ohkot ahku lombut nohkuh ihkam tutang mborihta ahkan'kam tohou rancana Pohotala ijo jaha ngota'an kobain kolunon, ahku eam hapa kohorahtin kolunon tuh, ata'ai pander umba auh ijo muluk-muluk.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

1 KORINTUS 2:4

Borihta ijo ahku nyiaroh ahkan'kam, eam ahku nyapaioh umba tuhtui monyak nyaling numbun kohorahtin ulun. Tahpi ahku monyiaroh rih umba cara ijo korinah, ijo Roh Pohotala bokowasa.

1 KORINTUS 9:11

Ihkai ius monyi bonyi Rohani ang luwang pombolum'kam. Mahka amat ihkai ngohtom borehkat-borehkat ramun kolunon tahkan ihkam, inon orih rimai ihkai nutut labih aro tahkan'kam?

EPESUS 5:19

Hapa tuhtui-tuhtui tahkan Masmur, monyanyi karon-tara tutang lagu rohani a'ang pander-pander'mu. Hondakrih ihkam hawui ahtoi ijo jorih monyanyi karon-tara ahkan Tuhan.

KOLOSE 3:16

Hondakrih ajar-ajar Kristus ijo tuwi borehkat nyorap ahkan luwang ahtoi'kam. Hondakrih ihkam saling majar tutang saling nonga tingak sokopihtar soduondahpot. Monyanyioh rih masmur tutang tara-tara hawui lagu-lagu rohani; monyanyi iou ahkan Pohotala, honong nanyam norimakasih ang luwang ahtoi'kam.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

2 PETRUS 1:16

Ang ohkot ihkai momborihta ahkan'kam, eaminon kohajoioh polombut Tuhan ihto Yesus Kristus, ihkai eam bohahpang aang dongeng-dongeng kabar-alik bain kolunon. Kohajon Yesus Kristus rih jari ihkai nohtooh umba mahta kuhung bongon.