1 KORINTUS 2:10 - BOWOT BOHUA

¹⁰ Tahpi Pohotala jari ngorinahoh ahkan ihto hawui nguha Roh-Oh. Roh Pohotala moriksa dolang hal'co, nyiring umba dolang rancana Pohotala ijo paling bosuhuk samasino ka.

1 KORINTUS 2:10 ပူးပေါင်းရင်းမြစ်များ

MATEUS 13:11

Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

MATEUS 16:17

“Utung sino ihko, Simon anak Yona!” hion Yesus. “Tului eamoh kolunon ijo nyarihta hal rih ahkan'kam, molekan Amai-Ku ijo ang soruga.

LUKAS 10:21

Aang ohkot rih ka'a, Yesus jorih tului konowasa bain Roh Pohotala. Yesus nuhtui, ‘‘Amai, Tuhan ijo mongowasa langit tutang tana! Ahku norimakasih ahkan-Mu, tului paring orih Ihko ngulimoh tahkan ulun-ulun ijo pitar tutang boilmu, tahpi Ihko ngorinah ahkan ulun-ulun ijo eam pitarhorahti. Orih ijo ngojorih ahtoi Amai.

LUKAS 2:26

tutang Roh Pohotala jari monyorihta ahkaioh ijo io eam ahkan mahtoi, amat jaha nohto Lahca Ponyolamat ijo nobowot Tuhan.

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 16:13

Tahpi amat Roh orih lombut, yorih Io ijo ngorinah komorong tohou Pohotala, ihkam ahkan toniting-Oh ahkan ngosono paring komorong. Io eam ahkan bopander tahkan arop-Oh bongoi, tahpi nuhtui inon ijo jari konahan-Oh, tutang Io ahkan mborihtaoh ahkan'kam, inon ijo ahkan nyolung ang ondou pongo.

1 KORINTUS 14:30

Tahpi amat jahkaoh borihta tahkan Pohotala rih, lombut aang ihcobehti bohkon, ijo tuot a'ang puhpung rih, mahka ulun ijo rahat bopander rih, harus tondo.

1 KORINTUS 2:11

Kotului ijo mongota'an usin ahtoi ihcobehti, orihrih roh ulun rih bongoi, kowa? Kodorih ka'a tohou Pohotala. Ijo ngota'an usin ahtoi Pohotala tihkas Roh Pohotala rih bongoi!

GALATIA 1:12

Ahku eam norima kabar rih tahkan kolunon, tutang eam ihcobehti ka ijo majaroh ahkak'ku. Yesus Kristus bongoi ijo nguaprihoh usin Kabar Hinut rih ahkak'ku.

EPESUS 3:3

Pohotala ngorinah rahasia rancana-Oh tutang mborihta orihrih ahkak'ku. (Tohou hal tuh jari ahku nyuratoh ang diang honong iwak,

EPESUS 3:5

Lomoi rahasia orih eam pu'u tomborihta ahkan ulun, tahpi huntuh Roh Pohotala ius ngorinahohrih ahkan rasul-rasuloh tutang nabi-nabi-Oh.

1 TIMOTEUS 4:1

Roh Pohotala honong tegas nuhtui, ijo ang ohkot-ohkot ijo ahkan lombut, 'cokobagi ulun ahkan murtad, ngobele Kristus. Iro ahkan ponumbun umba roh-roh ijo monyosat tutang nutut ajaran-ajaran roh ja'at,

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 YOHANES 2:20

Tahpi ihkam jari monorima Roh Pohotala, ijo tonusuh bain Yesus Kristus, tutang orih kotuluioh ihkam paringoh kosono ajar ijo morong rih.

1 YOHANES 2:27

Tahpi tohou ihkam bongon, Kristus jari nusuh Roh-Oh aang'kam. Tutang kotahin Roh-Oh anai aang ihkam, eam usah ulun bohkon hino majar ihkam. Bain Roh-Oh majar ihkam tohou kokaro aangihco; tutang inon ijo tongajar-Oh rih morong, eam alik, Bain orih hondakrih ihkam te'et, ahkan inon ijo tongajar bain Roh rih, tutang hondakrih ihkam tahtap bolum hihco umba Kristus.

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 2:24

Tahpi ihkam ijo bohkon-bohkonoh ang Tiatira eam umba ajar ijo ja'at rih, tutang eam balajar ilmu-ilmu Sehtan. Ahku nuhtui, ijo Ahku eam ahkan nambah ahkan'kam puat ijo ngombahat.