1 KORINTUS 15:3 - BOWOT BOHUA

³ Inon ijo ahku mborihtaoh ahkan Konduang-konduang, anairih ijo jari ahku norima ka'a. Ijo boguna, kolou ijo tonyurat a'ang Surat Borasih, ahku nyiaroh ahkan'kam ijo Kristus mahtoi kotului dusa-dusan ihto,

1 KORINTUS 15:3 ပူးပေါင်းရင်းမြစ်များ

MATEUS 26:24

Punaoh Anak Ulun ahkan mahtoi kolou ijo tonyurat ang luwang Surat Borasih. Tahpi colahkalah ulun ijo ngarana Anak Ulun! Labih pios ahkan ulun rih, amat io eam pu'u konanak samasino!”

MATEUS 26:28

Tului tuhrih daha-Ku ijo monsah bowot Pohotala – daha ijo tonusuh ahkan aro ulun ahkan pongapun dusan'ndo.

LUKAS 24:25

Turus Yesus nuhtui umba iro, ‘‘Ihkam puna balehoh! Dalou dandah ihkam porocaya paring ijo jari tonuhtui nabi-nabi!

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

KESAH RASUL-RASUL 17:2

Mahka Paulus ka tulak nokuh lohpou sombayang rih – kolou ijo bahutoh io nguaioh amat anai lohpou sombayang ulun Yahudi – turus hokurah-tiruk umba ulun-ulun ang anan tohou ayat-ayat Surat Borasih. Io nguan kolourih, tolu ondou Sabat hototurus.

KESAH RASUL-RASUL 3:18

Tutang tului orihrih nyolung ka'a inon ijo jari nuhtui bain Pohotala soun lomoi hopatau nabi-nabi-Oh ijo Lahca Ponyolamat ijo tonobowot rih harus ngarot.

KESAH RASUL-RASUL 8:32

Tuh io ayat ijo konomasaoh rih, ‘‘Io kolou tobiri ijo onin ahkan tonyombalih, kolou anak tobiri ijo eam ngoriak amat buluioh tonguting, kodorih ka'a io eam nuhtui ihco kotihkap auh ka.

RUMA 3:25

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

RUMA 4:25

Yesus rih jari tonyorahoh ahkan tomunu tului dusa-dusan ihto; turus Io tonombolum hoduli bain Pohotala mangat nonga-jalan ihto hokohinut hoduli umba Pohotala.

1 KORINTUS 11:2

Ahku nara ihkam, kobain ihkam toturus mingat ahku, tutang numbun auh ajar, ijo ahku nongaoh ahkan'kam.

1 KORINTUS 11:23

Tului ijo ahku majaroh ahkan'kam, iorih ahku torimaoh tahkan Tuhan bongoi; ijo ang ngolomi orih, kotihka Yesus Tuhan ihto tomotanah, Io ngomin ruhte,

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 1:12

Ahku eam norima kabar rih tahkan kolunon, tutang eam ihcobehti ka ijo majaroh ahkak'ku. Yesus Kristus bongoi ijo nguaprihoh usin Kabar Hinut rih ahkak'ku.

GALATIA 1:4

Mone'et kohondak Pohotala, Amai ihto, Kristus monyorahrih arop-Oh monjadi porahpah bagi dusa-dusan ihto, mangat ihto tonyolamat tahkan jaman ijo ja'at tuh.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

IBRANI 5:1

Nyinong imam hajo tonopili tahkan louk ukup, tutang tonotuot ahkan mohalu Pohotala kolou wakil iro. Gawiouoh iorih, monyorah ahkan Pohotala pononga-pononga tutang porahpah-porahpah ijo ahkan ngapun dusa.

IBRANI 5:3

Tutang kotului io bongoi bolomu, mahka io harus nyorah porahpah, eam bewe tului dusa-dusan ukup, tahpi ka'a kotului dusa-dusanoh bongoi.

1 PETRUS 1:11

Iro nyolidik koloukuwoh, tutang mira hal orih ahkan nyolung, ijo konohuangoh bain Roh Kristus ijo anai ang luwang arop iro. Ang ohkot rih, Roh-Oh monujum ahkan iro, tohou karot-karot ijo harus tonyuru bain Kristus tutang tohou kohajoi-Oh ijo ahkan nutut ulimba rih.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,