1 KORINTUS 15:2 - BOWOT BOHUA

² Amat ihkam nambit tehen, aang inon ijo ahku mborihtaoh rih, mahka Kabar Hinut rih monyolamat ihkam; kocoali amat Konduang porocaya earo horahtioh.

1 KORINTUS 15:2 ပူးပေါင်းရင်းမြစ်များ

LUKAS 8:13

Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

KESAH RASUL-RASUL 2:47

Iro turus nara-nara Pohotala tutang tongonjorih paring ulun. Nyinong ondou jumbalah iro turus botambah. Tului Tuhan nonga rahat iro ulun-ulun ijo puna ahkan tonyolamat.

KESAH RASUL-RASUL 8:13

Simon bongoi ka'a porocaya. Tutang uli ponopondus io turus nutut Pilipus. Tandahelan-tandahelan ijo nyolung, nguan Simon tohelan-helan.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 11:22

Jadi ang ohtoi ihto nohto eaminon kopiosoh Pohotala, tutang eaminon mahangoh ka'a Io. Io botindak mahang toharep iro ijo bodusa, tahpi Io hinut ahtoi tohimo Konduang – asar Konduang tehtep bolum tahkan kohinut-Oh. Amat eam, mahka Konduang ka'a ahkan konondian.

1 KORINTUS 1:18

Kotului ahkan ulun-ulun ijo nihtu korusak, borihta tohou popahtoi Kristus aang sopolahki, monjadi panderkouong. Tahpi ahkan ihto ijo nitu solamat kobain Pohotala, borihta rih puna tu'u caraoh Pohotala ngorinah kowasai-Oh.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 KORINTUS 11:2

Ahku nara ihkam, kobain ihkam toturus mingat ahku, tutang numbun auh ajar, ijo ahku nongaoh ahkan'kam.

1 KORINTUS 15:14

Tutang amat jahkaoh, Kristus eam tonombolum hoduli tahkan popahtoi, mahka earo gunaioh ihkai mborihta ino-inon, tutang eam anai gunaioh hino ihkam porocaya, kotului koporocayan'kam rih eam ngina galang ino-inon.

2 KORINTUS 2:15

Tului ihkai sama kolou buan manyan ijo harum, ijo tomahpong bain Kristus ahkan Pohotala. Toharep ulun-ulun ijo uhun nitu kolonyuhoh, ihkai tuh kolou buan popahtoi ijo tomunu, tahpi toharep ulun-ulun ijo rahat tunyolamat, ihkai kolou buan harum ijo ngomin pombolum. Nah, iai ijo dahpot nguan gawi tuh?

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

GALATIA 3:4

Ngahus iourih paring ijo ihkam ngomooh rih? Ombairih ngahus!

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

2 TESALONIKA 2:15

Bain Kotului orih, Konduang-konduang, tombok segah tutang nambit hototurus ahkan ajaran-ajaran, ijo jari ihkai nonga ahkan'kam pios socara tuhtui oluka socara surat.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

IBRANI 10:23

Kohondakrih ihto nambit segah aang koharap ijo ihto ngahkuoh, kobain Pohotala dahpot tomorocaya tutang Io ahkan ngonyolung bowot-Oh.

IBRANI 2:1

Orihrih kotuluioh ihto harus labih tu'u-tu'u nambit aang ajaran-ajaran ijo jari ihto ngonihoh, mangat ihto ara nohtah koporocayan ihto.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

YAKOBUS 2:14

Konduang-konduang! Inon gunaioh ulun nuhtui, ‘‘Ahku ulun ijo porocaya,’’ amat io eam ngorinahoh umba gawiuoh? Dahpot-rih koporocaya somahcam rih monyolamatoh?

YAKOBUS 2:17

Kolourih ka'a umba koporocaya, jahka eam ngorinahoh umba gawi, mahka koporocaya rih eam anai gunaioh.

YAKOBUS 2:26

Nah, koloukuwoh behti eam-anai roh anai rih behti ijo mahtoi, kolourih ka'a koporocaya eamanai gawiu iorih porocaya ijo mahtoi.