1 KORINTUS 14:3 - BOWOT BOHUA

³ Tobalikoh ulun ijo nyiar borihta tahkan Pohotala, io monyiaroh ahkan ulun, mangat ngoba'as'ndo, ahkan nonga somangat ahkan'ndo tutang ahkan mapung'ndo.

1 KORINTUS 14:3 ပူးပေါင်းရင်းမြစ်များ

LUKAS 3:18

Kolourihrih Yohanes ningak ulun-ulun, umba mahca-mahcam cara aang ohkot io monyiar Kabar Hinut.

KESAH RASUL-RASUL 13:15

Uliorih Buhku Museh tutang buhku nabi-nabi tonombasa, okon-okon lohpou sombayang rih nyuhu ulun ngisok umba Paulus tutang injah-injahoh, ‘‘Konduang-konduang, amat konduang anai angihco nasehat ahkan ulun-ulun tuh, olairih ihkam nyapai nasehat rih.’’

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

KESAH RASUL-RASUL 15:32

Yudas tutang Silas ijo puna nabi ka'a, tahi tu'u bopander umba Konduang-konduang ijo porocaya ang Antiokhia rih, ahkan nonga koba'as tutang kohanyi ahkan'ndo.

KESAH RASUL-RASUL 4:36

Kodorih ka'a umba Yusep. Io ka modagang tana aiuoh, turus duit ponjualan rih io ngitot tutang nyorahoh ahkan rasul-rasul. Yusep rih anai ihcobehti lihit Lewi tahkan Siprus; rasul-rasul ngohawot io Barnabas (rimai Ngonjorih).

KESAH RASUL-RASUL 9:31

Mahka ukup-ukup ang hopus Yudea, Galilea tutang Samaria nyolung boranai. Aang pondohop Roh Pohotala, homboh mihkoh umba Tuhan ukup-ukup rih botambah ba'as tutang mondahang aro.

RUMA 12:8

Ulun ijo tepun pononga nonga somangat ahkan ulun bohkon, harus io tu'u-tu'u nonga somangat, ahkan ulun bohkon. Ulun ijo tepun pononga ahkan moronga umba ulun bohkon, inon ijo anai iotepuioh, harus nguaioh orih honong kolomun ahtoi numbun koharusoh. Ulun ijo tepun pononga ahkan monjadiokon, harus tu'u-tu'u monjadiokon ulun. Ulun ijo tepun pononga ahkan ngorinahoh pongasioh ahkan ulun bohkon pahtut molalusoh honong sanang ahtoi.

RUMA 14:19

Tului orih titun ihto harusrih toturus ahkan hal-hal ijo ngonjorian kobuah tutang saling nguanang.

RUMA 15:2

Tombolikoh ihto nyino-nyinong koharusoh monyanang ahtoi sosama konduang ihto ahkan kopiosoh, mangat koyakinanoh botambah ba'as.

1 KORINTUS 10:23

Hion ulun, ‘‘Ihto tou nguan anginon bewe ijo ihto kani.’’ Tu'u! Tahpi eam paring ijo ihto kani rih boguna. ‘‘Ihto tou nguan inon iou ijo ihto kani.’’ – Tahpi eam paring ijo ihto kani orih rih, monombok pombolum ihto.

1 KORINTUS 14:12

Tohou ihkam bongom, ahku kota'an ihkam jolik samasino dahpot pononga-pononga tahkan Roh Pohotala. Tahpi ijo mombahtang samasino, harusrih ihkam ngurahjalan ahkan hapan kosanggup ijo dohop ukup monjadi miar.

1 KORINTUS 14:17

Oluka do'a torimakasih'mu ahkan Tuhan orih labih pios, tahpi do'a rih eam anai gunaioh samasino bagi ulun bohkon.

1 KORINTUS 14:26

Jadi, Konduang-konduang, inon rimaioh paringoh rih? Amat ihkam hopuhpung ahkan nyembah Tuhan, anai ijo monyanyi, anai ijo majar, anai ijo mborihta angihco tahkan Pohotala, anai ijo bopander a'ang basa ijo helan, tutang anai ijo monarang inon ijo tonuhtui rih. Tahpi paringoh orih harus nguaioh mangat majar tutang mangat ahkan kopios paringoh.

1 KORINTUS 14:31

Honong cara ijo kodorih, Konduang-konduang paringoh, mihco-mihco tou monyapaioh borihta tahkan Pohotala; mangat paringoh duon norima ajar tutang monjadi mahi porocaya.

1 KORINTUS 8:1

Uhuntuh tohou ukun ijo jari tonyorah kolou pononga ahkan Songiangdewa. Puna morong kolou hion ulun ‘‘Ihto paringoh uras ahpik.’’ Tahpi koahpik napa ulun monjadi bojuhu, rahatoh kasih mangun pribadi ulun.

2 KORINTUS 1:4

Io ngoba'as homboruan ihkai ang nyinong kosusah ijo ihkai nyuruoh, mangat hapa koba'as rih ijo ihkai norimaoh tahkan Pohotala, ihkai ka dahpot ngoba'as homboruan paring ulun ijo a'ang kosusahan.

2 KORINTUS 2:7

Uhuntuh ihkam harus mapun io tutang nonga juhung hino ahkaioh, mangat io a'ai dalou poros ahtoi nyiring puhtus asa.

EPESUS 4:29

Amat ihkam pander ara hapa tuhtui-tuhtui ijo ja'at. Hapa iourih tuhtui-tuhtui ijo majar tutang nonga pondohop ahkan ulun bohkon. Tuhtui-tuhtui kolourih ahkan mompolombut komorong ahkan ulun-ulun ijo ngonihoh.

EPESUS 6:22

Orihrih kotuluioh ahku nyuhu io nakuh ihkam, ahkan nyorihta koada'an ihkai, ahkan'kam paringoh, mangat mopohajo ahtoi'kam.

KOLOSE 4:8

Ahku nyuhu io nohkuh'kam honong alasan mangat ihkam kota'an koada'an ihkai ohtoi tutang ihkam sanang ahtoi.

1 TESALONIKA 2:11

Ihkam ta'an, ijo ihkai mohaga ihkam nyino-nyinong, kolou ihcobehti Amai mohaga anak-anakoh.

1 TESALONIKA 2:3

Poimbit kai ahkan'kam eamoh angihco koliru; ka'a eam umba konohuang ijo eam morong ata'ai ahkan monihpu.

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.

1 TESALONIKA 4:1

Laiuoh Konduang-konduang, ihkai jari nonga sutu ahkan'kam, tohou koloukuwoh ihkam harus bolum ahkan ngojorih ahtoi Pohotala. Kopuna ihkam jari bolum kolourih. Tahpi huntuh ngosan kowasan Tuhan Yesus, ihkai nyawot honong paham umba'kam, tutang nyuhu ihkam mangat paham bousaha hino a'ang hal orih!

1 TESALONIKA 4:18

Tului rih, hondakrih ihkam saling ngomba'as ahtoi honong hapan tuhtui-tuhtui tuh.

2 TESALONIKA 3:12

Ngosan kowasa Tuhan Yesus Kristus ihkai poretahoh ulun-ulun rih tutang nonga pongingat, mangat iro bogawi, honong tentram tutang ngurah bolanja iro bongoi.

1 TIMOTEUS 1:4

Nuhtui umba iro mangat a'ai hino rajin ngonih a'ang korimoi-korimoi, tutang sosana-sosana, asal-usul ijo eam pahtot-pahtotoh. Paringoh rih tihkas tou mpolombut kosangit iou, tutang eam mpomiar rancana Pohotala, ijo baya dahpot tongosono, nguha porocaya umba-Oh.

1 TIMOTEUS 4:13

Pondehan rih nyiring ahku lombut noin, ihko harus tu'u-tu'u mbasa Surat Borasih ahkan ulun-ulun, tutang njuhung hawui ngajar iro.

1 TIMOTEUS 6:2

Jihpon-jihpon ijo tuanoh ulun Kristen, eam tou mopohian tuanoh, tului iro sama-sama ulun Kristen. Malah iro koharusoh mohalu tuan iro rih honong labih pios hino, tului tuan ijo tonohaluoh umba pios orih rih uras sama-sama ulun porocaya ijo tonokasih. Koparingoh tuh harusrih ihko majar tutang ningakrih.

2 TIMOTEUS 4:2

Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.

TITUS 1:9

Io harus nambit segah aang ajaran ijo dahpot ulun tomorocaya, kolou ijo jari tongajarrih ahkaioh. Honong kodorih io sanggup moningak ulun hogalang ajaran ijo morong, tutang ngorinah kosalan ulun-ulun ijo molawanoh.

TITUS 2:15

Majarohrih iou paringoh tutang ningakoh hawui pingat dolang pongonih ajaran'mu, tutang tuwi pongaroh. A'ai mohonau ihcobehti ka, nopahjah ihko pinda.

TITUS 2:6

Kodorih ka'a, ningakohrih ulun-ulun biou mangat iro monjadi ulun bijaksana.

TITUS 2:9

Jihpon-jihpon harus tunduk umba tuan'ndo, tutang ngojorih ahtoioh a'ang kokaro hal. Iro eam tou molawan,

IBRANI 10:25

Hondakrih ihto tohtap hopuhpung hombo-homboh, tutang ara langak kolou ulun bohkon. Ihto justru harus labih te'et, saling komba'as, bain ihto ta'an ijo eam tahi hino Tuhan ahkan lombut.

IBRANI 13:22

Ahku nyawot mangat ihkam nohtoani tingak-tingak'ku tuh hawui sabar, bain surat'ku tuh eam dalau ombu.

IBRANI 3:13

Jadi, mangat eam anai ihcobehti ka tahkan louk'kam, ijo tonihpu bain dusa nyiring molawan Pohotala, hondakrih ihkam saling hotingak nyinong ondou, kotahin ihto magun bolum, ang jaman ijo konohawot ‘‘Ondou Tuh’’ a'ang Surat Borasih.

1 PETRUS 5:12

Surat'ku ijo iwak tuh, ahku nyurat ahkan'kam umba pondohop Silas, ijo ahku ngohu io ihcobehti konduang Kristen ijo te'et. Ahku jolik nonga juhungan ahkan'kam tutang moyahkin ihkam, bain inon ijo ahku nyurat tuh, borihta ijo tu'u, tohou pononganasi Pohotala. Hondakrih ihkam nambit segah ang ponongaasi rih.

YUDAS 1:20

Tahpi ihkam, Konduang-konduang'ku, mbinaoh toturus pombolum ihkam hogalang porocaya'mu umba Yesus Kristus. Koporocaya'mu rih paham borasih. Pondehan rih bodo'a umba kowasa Roh Pohotala,