1 KORINTUS 13:5 - BOWOT BOHUA

⁵ Io eam namamarop, eam kasar, io eam maksa ulun bohkon ahkan numbun konohuangoh bongoi, eam ka'a join tosinggung, tutang eam mondondam.

1 KORINTUS 13:5 ပူးပေါင်းရင်းမြစ်များ

MATEUS 5:22

Tahpi huntuh, Ahku nuhtui ahkan'kam, ia-iai bosingi umba ulun bohkon, ahkan tomosara; tutang ia-iai hololea ulun bohkon ahkan tomosara ang toharep Majelis Agama. Tutang ia-iai ngohawot umba ulun bohkon, ‘Uong’, harus tonyahkah nokuh ahpui norahka.

MATEUS 9:4

Yesus kota'an tiruk'ndo, nyolung Io nuhtui, “Ombai tiruk'kam koja'at orih?

MARKUS 3:5

Honong kosangitoh Yesus nohto hoponyila Io, tahpi Io porosahtoi ka'a, tului iro dalou mahang ahtoi'ndo. Turus Io nuhtui umba ulun rih, ‘‘Nuhcu longon'mu.’’ Ulun rih nuhcu longoioh ka tutang longoi pios.

LUKAS 7:39

Kotihka ulun Parisi ijo morawe Yesus nohto ang rih, io nuhtui ang ahtoioh, ‘‘Jahka Io tuh Nabi, puna Io ta'an iai ulunbawi tuh ijo ngendeh Io, tutang ijo ulunbawi rih bolum a'ang dusa!’’

1 KORINTUS 10:24

Ara ihcobehti ka bousaha ahkan gunan aropoh bongoi. Nyinong ulun harus bousaha ahkan gunan ulun bohkon.

1 KORINTUS 10:33

Bolumrih kolou ahku. Ahku ngurahjalan ngojorih ahtoi paring ulun, a'ang kokaron angihco, earo konohuang-konohuang ijo kogunan arop bongon. Titun aik'ku anairih, mangat ahkan iro paringoh dahpot tonyolamat.

1 KORINTUS 11:18

Aang pahtukoh ahku ngonih, ijo ang luwang puhpung-puhpung'kam anai hobarih-hobarih ijo saling hokolawan. Tutang ahku ngohu isut aro Kabar rih morong.

1 KORINTUS 12:25

Honong kolourih, behti rih eam topisah-pisah; nyino-nyinong ramui nohtoani ihco umba ijo bohkon.

1 KORINTUS 7:36

Amat ihcobehti komo eam molalus ijo kopahtutoh toharep kisokoh, amat io eam dahpot nahan kojolikbolaioh, tutang io komo perulu kawin umba dara orih rih. Nauhoh io nguan, inon ijo pokomooh pios; io eam bodusa, amat iro kawin.

2 KORINTUS 5:19

Ihkai mborihta ijo umba poholat Kristus, Pohotala nguan ulun hokopios huli umba arop-Oh. Pohotala nguan orih earo nutut kosalan-kosalan ijo jari konuan kolunon toharep arop-Oh. Tutang ihkai jari tonyuhu Pohotala ahkan mborihta kabar rih.

GALATIA 5:13

Konduang jari tona'ah, ahkan monjadi ulun ijo morodehka. Tahpi ara hapa komorodehka orih ahkan hototurus nguan inon iou ijo ihkam jolik nguai. Sobalikoh ihkam saling mongasih tutang saling mohalu.

PILIPI 2:21

Paring ijo bohkonoh baya urusan aiu bongoi iou, eam kogunan Yesus Kristus.

PILIPI 4:8

Laiuoh, Konduang-konduang, nyuangrih tiruk'kam umba hal-hal borega, ijo pahtut tonara, yorih hal-hal ijo morong, ijo tonohoromat, ijo adil, borasih, manih, tutang pios.

2 TESALONIKA 3:7

Ihkam bongom kota'an, ijo ihkam harus numbun sutun ihkai. Ihkai eam noka-nokas, kotihka ihkai anai ang louk ihkam.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

2 TIMOTEUS 4:16

Ang ohkot ahku sino tikat, nonga pombela arop'ku, eam anai ihcobehti ka ijo mambai ahku; paringoh nohtah ahku. Mudah-mudahan Pohotala eam nosalan iro a'ang hal tuh!

YAKOBUS 1:19

Nohtoaniohrih tuh pio-pios, Konduang-konduang ijo tonokasih. Nyinong ulun harus bojoin ahkan ngonih, tahpi borakah ahkan nuhtui, tutang borakah ahkan bosingi.