1 KORINTUS 13:4 - BOWOT BOHUA

⁴ Ulun ijo ngasi ulun bohkon; sabar tutang hinut ahtoi. Io eam nyambun umba kobehu, eam bobalik, eam bojuhu.

1 KORINTUS 13:4 ပူးပေါင်းရင်းမြစ်များ

MATEUS 27:18

Pilatus nuhtui kolou orih tului io kota'an, ijo pongowasa Yahudi monyarah Yesus ahkaioh tului kohiri ahtoi'ndo.

KESAH RASUL-RASUL 7:9

Amai-amai laluhur ihto rih ngobohu umba Yusep nyiring iro modagang io monjadi jihpon ang Misir. Tahpi Pohotala homboh io,

RUMA 1:29

Ahtoi iro tuwi umba paring ijo ja'at, ijo eam morong; tuwi umba kokuhuahtoi; komaram tutang nanyam bohiri; tuwi umba kojolik ahkan munu, hokolahi, ngobula, tutang dandam. Iro rajin nohou ulun bohkon;

RUMA 13:13

Ihto harus nguan hal-hal tonohoromat kolou ijo kopu'uoh, konuan ulun aang koloang ondou. Ara pesta rami molowi bahtasoh, ata'ai nyiring bobusau. Ara ngihal, ata'ai tobiat eam morong. Ara rajin hokolahi, ata'ai hiri ahtoi.

1 KORINTUS 3:3

kotului ihkam magun bolum numbun tobiat'kam cara kolunon. Kotului amat magun hiri ahtoi tutang hokolahi sama arop'kam, eamkah orih pokarah ijo ihkam magun numbun tobiat kolunon, kolou ulun-ulun ijo eam kosono Pohotala?

1 KORINTUS 4:18

Pira-pira ulun ang louk'kam, jari monjadi bojuhu, kobain iro eam ngohu, ahku eam ahkan lombut nakuh'kam.

1 KORINTUS 4:6

Konduang-konduang! Ahkan gunan'kam, ahku jari kehpan paringoh rih ahkan Apolos tutang ahkan arop'ku bongok. Konohuangoh mangat tahkan sutu ihkai rih, ihkam dahpot bajar inon rimai auhtuh, ‘‘Nambitrih aang aturan ijo anai.’’ Honong kodorih eam ihcobehti ka tahkan ihkam dahpot tara-tara umba ihcobehti, turus mohina ijo bohkon.

1 KORINTUS 5:2

Oluka kodorih, Konduang magun isung ahtoi. Tobalikoh Konduang sopunaoh porosahtoi, tutang hobarih tahkan louk Konduang, ulun ijo nguan hal orih.

1 KORINTUS 8:1

Uhuntuh tohou ukun ijo jari tonyorah kolou pononga ahkan Songiangdewa. Puna morong kolou hion ulun ‘‘Ihto paringoh uras ahpik.’’ Tahpi koahpik napa ulun monjadi bojuhu, rahatoh kasih mangun pribadi ulun.

2 KORINTUS 12:20

Ahku kowatir ijo aang ohkot ahku masap ihkam noin, ahku nyombang ihkam eam kolou inon ijo ahku harapoh, tutang ihkam ka ahkan nyombang ahku eam kolou ijo ihkam harapoh. Ara-ara noin anai ijo hokolahi, hiri ahtoi, bolasut ahtoi, gunan ahkai bongoi, pinah-mopitnah, hasut-mohasut, bojuhu tutang monderoh.

2 KORINTUS 6:6

Honong nguan kotulus, kopihtar, sabar tutang hinut ahtoi, ihkai ngorinah, ijo ihkai, anairih jihpon Pohotala. Ka'a hawui bohambin aang pondohop Roh Pohotala, tutang hawui kasih ijo ihlas,

GALATIA 5:26

Ihto eam tou monjadi bojuhu, tutang saling ngoporos ahtoi, honong hiri ahtoi ihco sama ijo-bohkon.

EPESUS 4:2

Hondakrih ihkam turus randah ahtoi, bolomu-lembai, tutang sabar. Ngorinahohrih asin'kam, honong hokodohop ihco umba ijo bohkon.

EPESUS 4:32

Sobalikoh, pios ihkam hinut ahtoi tutang tuwi sita-asi 'cobehti toharep ijo bohkon, tutang saling ngapun kolou Pohotala jari ngapun ihkam nguha Kristus.

PILIPI 1:15

Puna anai pira-pira ang parak iro ijo mborihta Kristus tului hiri ahtoi, tutang kani hojawab, tahpi ijo bohkon mborihta Kristus, tului anai maksud ijo hinut.

KOLOSE 1:11

Keleh umba kowasa tahkan Pohotala ijo pokohajoi, ihkam tonomba'as, nyiring ihkam duon tahan ngarot kokaro ang'co honong sabar tutang sanang ahtoi,

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

KOLOSE 3:12

Konduang anairih ukup Pohotala. Pohotala ngasih ihkam tutang mitih ihkam ahkan monjadi aiu-Oh ijo khusus. Iorih, kotuluioh ihkam harus pokarah balos ngasi, ihkam harus pios ahtoi, randah ahtoi, bolomu lembai, tutang ba'as ngarot.

1 TESALONIKA 5:14

Ihkai nyawot ka'a. Konduang-konduang, ningakrih iou hawui kopios umba ulun ijo eam kani bogawi, tabahrih ahtoi ulun ijo pomihkoh, dohoprih ulun ijo porulu tondohop, tutang sabarrih toharep paring ulun.

1 TIMOTEUS 6:4

anairih ulun ijo bojuhu, tutang eam kota'an ino-inon! Ponyahkitoh iorih jolik bodebat tutang hojawab, tohou istilah-istilah nyiring mopolombut hiri ahtoi, kopusitoh, pitnah, hokobohu ijo eam pios,

2 TIMOTEUS 2:25

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

2 TIMOTEUS 3:10

Tahpi ihko jari nutut ajaran-ajaran tahkan ahku, hadat aik'ku, tutang tihtun pombolum'ku, ihko jari nohto bongom, koloukuwoh ahku tu'u-tu'u porocaya umba Yesus Kristus, tutang ngasih sosama kolunon. Ihko ka'a ta'an kosabaran tutang kotabah'ku.

2 TIMOTEUS 4:2

Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

YAKOBUS 4:5

Ara ngohu ijo Surat Borasih earo alasan nuhtui, ‘‘Ang luwang arop ihto, Pohotala ngina Roh ijo karas kojolikoh.’’

1 PETRUS 2:1

Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.

1 PETRUS 3:8

Kolopuhtaioh iorih; hondakrih Konduang-konduang soiyoh sotutui tutang hihco-nanyam. Hondakrih ihkam saling ngasi-sayangoh kolou ulun-ulun ijo hokonduang. Tutang hondakrih ihkam saling hobalos-ngasihan rih, tutang sikap randah ahtoi.

1 PETRUS 4:8

Labih tahkanumba kokaro-karooh, hondakrih ihkam tu'u-tu'u mongasi ihco umba ijobohkon, kotului hawui saling masi ihkam ahkan bosodia ka'a ahkan saling mongapun.

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 4:11

Konduang-konduang ijo tonyita, amat Pohotala kolourih mongasih ihto, ihto ka harus ngasih ihco umba ijobohkon.