1 KORINTUS 13:3 - BOWOT BOHUA

³ Oluka paring ijo ahku tepuioh, ahku nyodahkahoh ahkan ulun-ulun porosbolum, tutang ahku nyarah behtik'ku ahkan tomahpong, tahpi ahku eam ngasi ulun-ulun bohkon, mahka paringoh rih eam anai gunaioh samasino.

1 KORINTUS 13:3 ပူးပေါင်းရင်းမြစ်များ

MATEUS 23:5

Paring ijo tonguan'ndo baya unuk ponopahjah ulun ih. Iro ha'at hapan tali sombayang ijo lumbah, tutang pokombu rumbai-rumbai jubah iro!

LUKAS 18:22

Ngonih orih, Yesus nuhtui, ‘‘Magun anai ihco hal, ijo harus ihko nguaioh: Modagangrih paring ramun'kam, nongarih duitoh ahkan ulun porosbolum, tutang ihko ahkan duon ponahtou ang soruga. Uliorih lombut ngahasu Ahku.’’

LUKAS 18:28

Turus Petrus nuhtui, ‘‘Topahjahrih! Ihkai jari nohtah lohpou kosalah mangat ngahasu Amai.’’

LUKAS 19:8

Pongohino rih ang lohpouoh, Zakheus tombok tutang nuhtui umba Yesus, ‘‘Tuhan soparu tahkan ponahtou'ku ahkan ahku nyadahkahoh ahkan ulun porosbolum; tutang iai beweu ijo pu'u ahku nihpuoh, ahkan ahku bayar huli ahkaioh opat kali lihpet!’’

YOHANES 12:43

Iro labih jolik ngondahpot tara tahkan kolunon, tahkanumba ponorega Pohotala.

YOHANES 13:37

‘‘Tuhan, ombai ahku eam duon ngahasu Tuhan huntuh?’’ kisok Petrus hino, ‘‘Ahku rela mahtoi bagi Tuhan!’’

YOHANES 15:13

Ulun ijo paling mongasihoh sobat-sobatoh, anairih ulun ijo nonga pombolumoh bagi iro.

YOHANES 6:63

Ijo nguan ulun bolum iorih Roh Pohotala. Koba'as ulun eam aro gunaioh. Auh-auh ijo tonuhtui-Ku ahkan'kam tuh, anairih auh-auh Roh Pohotala tutang auh-auh ijo nonga pombolum.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

GALATIA 5:26

Ihto eam tou monjadi bojuhu, tutang saling ngoporos ahtoi, honong hiri ahtoi ihco sama ijo-bohkon.

PILIPI 2:3

Ara nguan aang'co, tului kojuan kogunan arop bongon, ata'ai ahkan mopojuhu arop. Sobalikoh hondakrih ihkam nyino-nyinong honong randah ahtoi tutang ngohu ulun bohkon labih pios tahkan arop bongon.

1 TIMOTEUS 4:8

Molatih behti honjiot iou gunaioh, tahpi bolatih ahkan homboruan aro gunai a'ang karo hal, kotului bosuang bowot ahkan pombolum aang uhuntuh tutang uhun ijo ahkan lombut.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.