1 KORINTUS 13:2 - BOWOT BOHUA

² Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

1 KORINTUS 13:2 ပူးပေါင်းရင်းမြစ်များ

MATEUS 13:11

Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

MATEUS 17:20

Hion Yesus, “Bain ihkam kurang porocaya. Ingatrih! Amat ihkam anai kaporocaya kohajon luang sawi, ihkam duon nuhtui umba puruk tuh, ‘Hahtunrih nokuh anan!’ musti puruk tuh ahkan hahtun. Eam aro angihco ka ijo eam duon ihkam nguaioh! [

MATEUS 21:19

Io nohto ihcokobahtang pu'un sikun ang saran jalan. Io tulak nokuh pu'un rih, tahpi eam aro nyombangoh ihcokoluang-buaoh ka'a, kocoali karon-daui iou. Turus Yesus nuhtui umba pu'un sikun rih, “Ihko eam ahkan mua hino!” Hunrih pu'un sikun rih molanyu.

MATEUS 21:21

“Kotu'ui,” puhtah Yesus, “amat ihkam porocaya tutang eam bembang, ihkam duon nguan inon ijo ius Ahku nguai toharep pu'un sikun rih. Tutang eam baya orih iou, malah ihkam ahkan duon nuhtui umba puruk tuh, ‘Kuat tutang hahtun nokuh luwang tasik’; mahka hal orih ahkan nyolung.

KESAH RASUL-RASUL 13:1

Ang luwang ukup ang Antiokhia anai nabi-nabi tutang guru-guru iorih Barnabas, Simeon ijo konohawot Anak Mitom, Lukius tahkan Kirene, Menahem ijo tomohajo homboh Lahca Horodes tutang Saulus.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 15:14

Konduang-konduang! Ahku yahkin ijo anai aro samasino hal ijo pios aang ihko. Ihkam ka ngota'an kokaron paringoh tutang duon majar ihco umba ijobohkon ka'a.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

1 KORINTUS 11:4

Amat ihcobehti bahkas ang ohkot bodo'a, ata'ai aang ohkot nyapai borihta tahkan Pohotala ang toharep aro ulun, hapa tuhtup kuhung, mahka ulun rih mohina Kristus.

1 KORINTUS 12:28

Kodorih ka'a ang luwang ukup, Pohotala jari nahtap unuk ahkan mahca-mahcam ulun; Ijo pahtuk rasul-rasul, koduo nabi-nabi kotolu guru-guru, turus iro ijo nguan kahtahelan-kahtahelan, pongohuli iro ijo tononga pononga ahkan ngopios ulun, ata'ai ahkan ndohop ulun bohkon, ata'ai monjadi okonulun, ata'ai ka ahkan bopander umba mahca-mahcam basa ijo helan.

1 KORINTUS 13:1

Oluka ahku dahpot bopander umba bomahcam basan kolunon, nyiring umba basa karon-molehkat samasino ka, tahpi ahku earo mongasih ulun bohkon, mahka pander-pander'ku orih baya auh ijo muhing earo rimai.

1 KORINTUS 13:3

Oluka paring ijo ahku tepuioh, ahku nyodahkahoh ahkan ulun-ulun porosbolum, tutang ahku nyarah behtik'ku ahkan tomahpong, tahpi ahku eam ngasi ulun-ulun bohkon, mahka paringoh rih eam anai gunaioh samasino.

1 KORINTUS 13:8

Eam pu'u ahkan anai wayah, ang umoh ulun eam porulu saling hopongasih. Uhuntuh, tuh anai ulun ijo ahpik nyiar borihta tahkan Pohotala, tahpi noin io ahkan tondo nyiar borihta rih. Uhuntuh anai ijo ahpik bopander a'ang bomahcam basa ijo helan, tahpi noin io ahkan tondo bopander aang basa-basa rih. Huntuh anai ulun ijo ngota'an aro hal, tahpi noin inon ijo iro ngota'ai rih ahkan tonolingou.

1 KORINTUS 14:29

Duo ata'ai tolu behti ijo anaingina borihta tahkan Pohotala, harus nyapai mborihta rih pondehan ijo bohkon, nimbang inon ijo tonuhtui rih.

1 KORINTUS 14:39

Bain tului orih, Konduang-konduang ngurahjalan ahkan duon monyiar borihta tahkan Pohotala, tahpi a'ai ngohana ulun ijo kani bopander aang aro mahcam basa ijo helan.

1 KORINTUS 14:4

Ulun ijo bopander a'ang basa ijo helan tihkas hapan ngoba'as aropoh bongoi iou, rahatoh ulun ijo monyiar borihta tahkan Pohotala dohop ukup monjadi miar.

1 KORINTUS 15:51

Nohtoanilah rahasia tuh: Eam paringoh ihto ahkan mahtoi, tahpi ihto paringoh ahkan boubah.

1 KORINTUS 16:22

Ulun ijo eam sita Tuhan, nauhoh io buah tulut! MARANAHTA – Tuhan ihkai, lombut iou!

1 KORINTUS 4:1

Ngohurih ihkai pohalu-pohalu Kristus ijo botanggung-jawab mborihtaoh rancana-rancana Pohotala ijo jaha tongota'an kolunon.

1 KORINTUS 7:19

Tului nihtoi poroturan sunat, ata'ai eam nihtoioh koduo-duooh, sama-sama eam anai rimai ino-inon. Ijo mbahtang io rih numbun poretah-poretah Pohotala.

1 KORINTUS 8:4

Tohou soal kuman ukun ijo jari tonyorah ahkan songiangdewa ihto ngota'an ijo songiang, gambar angihco ijo kotu'uioh, eam aro. Tutang ihto ngota'an ka'a ijo Pohotala tihkas ihco, eam aro ihco bohkon.

2 KORINTUS 12:11

Tu'u ahku jari nguan 'jo kolou ulun uong – tahpi ihkam ijo nguan ahku jari kolouorih. Kotu'uioh ihkam ijo harus monara ahku. Tului oluka ahku eam anai bororima ino-inon, ahku samasino eam kalah toharep ‘‘rasul-rasul’’ ijo luar biasa rih.

GALATIA 5:16

Kohondak koloutuh: Nauhoh Roh Pohotala niting ihkam tutang ara bolum numbun kojolik tobiat kolunon.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

GALATIA 6:3

Amat ihcobehti ngohu aropoh boguna, podahal eam, ulun rih ngobalik aropoh bongoi.

EPESUS 3:4

tutang amat ihkam mombasaoh, ihkam ahkan ngumang rahasia tohou Kristus kolou ahku ngumangoh.)

EPESUS 6:19

Tutang bodo'a ka'a ahkak'ku mangat ang ohkot ahku mborihta, Pohotala nonga ahkak'ku tuhtui-tuhtui ijo kona. Tutang mangat ahku honong bohanyi dahpot mborihta rahasia Kabar Hinut rih.

KOLOSE 1:26

yorih borihta ijo kotahin boabad-abad ijo mohalou; tomorahasia bain Pohotala ahkan paring ulun, tahpi huntuh tongorinah ahkan ukup Aiu.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

1 YOHANES 4:8

Ulun ijo eam mongasi, io eam ngosono Pohotala; kotului Pohotala anairih pongasih.