1 KORINTUS 1:5 - BOWOT BOHUA

⁵ Kotului ihkam monjadi ain Kristus, mahka pombolum'kam tahtou a'ang dolang hal. Pongotaan'kam tohou dolang angihco puna timbon, tutang ihkam ahpik ngajar pongotaan rih.

1 KORINTUS 1:5 ပူးပေါင်းရင်းမြစ်များ

KESAH RASUL-RASUL 2:4

Iro paring konowasa bain Roh Pohotala tutang nopara hopander a'ang hokobohkon basa. Iro pander numbun inon ijo tononga Roh rih ahkan iro mangat konohawotoh.

RUMA 11:12

Tului uhtus Yahudi bosala tutang eam numbun konohuang Pohotala, mahka uhtus-uhtus bohkon tomorehkat bain Pohotala. Inon hino amat kohihcon uhtus Yahudi umba Pohotala monjadi pios huli; puna labih hajo borehkat ijo ahkan tononga bain Pohotala!

RUMA 15:14

Konduang-konduang! Ahku yahkin ijo anai aro samasino hal ijo pios aang ihko. Ihkam ka ngota'an kokaron paringoh tutang duon majar ihco umba ijobohkon ka'a.

RUMA 15:4

Paring ijo tonyurat ang luwang Surat Borasih anairih, mangat majar ihto. Tului ajaran ijo ihto torimaoh rih tahkan Surat Borasih ngonjorian ihto sabar tutang ba'as nyiring ihto tou bokoharap umba Pohotala.

1 KORINTUS 12:10

Ahkan ihcobehti tononga kowasa ahkan napa kahtahelan, tutang ahkan ihco bohkon tononga pononga ahkan mborihta rancana-rancana Pohotala. Ahkan ijo bohkon hino, Roh rih nonga kosanggup ahkan mombeda-beda, amoh pononga ijo tahkan Roh Pohotala, tutang umoh ijo bohkon. Anai ijo tononga kosanggup ahkan bopander umba mahca-mahcam basa ijo ajaib, tutang anai hino tononga kosanggup ahkan monarang riman auh-auh rih.

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

1 KORINTUS 13:2

Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

1 KORINTUS 13:8

Eam pu'u ahkan anai wayah, ang umoh ulun eam porulu saling hopongasih. Uhuntuh, tuh anai ulun ijo ahpik nyiar borihta tahkan Pohotala, tahpi noin io ahkan tondo nyiar borihta rih. Uhuntuh anai ijo ahpik bopander a'ang bomahcam basa ijo helan, tahpi noin io ahkan tondo bopander aang basa-basa rih. Huntuh anai ulun ijo ngota'an aro hal, tahpi noin inon ijo iro ngota'ai rih ahkan tonolingou.

1 KORINTUS 14:26

Jadi, Konduang-konduang, inon rimaioh paringoh rih? Amat ihkam hopuhpung ahkan nyembah Tuhan, anai ijo monyanyi, anai ijo majar, anai ijo mborihta angihco tahkan Pohotala, anai ijo bopander a'ang basa ijo helan, tutang anai ijo monarang inon ijo tonuhtui rih. Tahpi paringoh orih harus nguaioh mangat majar tutang mangat ahkan kopios paringoh.

1 KORINTUS 8:11

Tutang kotului rih, mahka koyahkinan Konduang nguan ulun ijo koyahkinanoh eam ba'as rih monjadi sosat. Podahal Kristus mahtoi ahkan ulun rih ka'a.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

2 KORINTUS 8:7

ihkam unggul a'ang pari-paringoh. Ihkam unggul a'ang hal kaporocaya, a'ang hal ngorinah tiruk, a'ang hal pongotaan, a'ang paring mahcam usaha, tutang a'ang sitan'kam umba ihkai. Kotului orihrih pios ihkam ka'a unggul ang luwang usaha ijo hinut tuh.

2 KORINTUS 9:11

Honong kodorih ihkam ahkan serba sukup aang kokaro hal, nyiring ihkam turus dahpot nonga hawui murah ahtoi. Tutang pononga-pononga'kam, ijo ihkai magi-magioh, kotuluioh aro ulun ngohawot torimakasih ahkan Pohotala.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 2:7

Pohotala nguan orih, mangat aang jaman ijo ahkan lombut kolunon dahpot nopahjah eaminon kohajoioh asin Pohotala. Asiu rih tongorinah Pohotala, nguha kohinut ahtoi-Oh ahkan ihto, umba poholat Kristus Yesus.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

EPESUS 6:19

Tutang bodo'a ka'a ahkak'ku mangat ang ohkot ahku mborihta, Pohotala nonga ahkak'ku tuhtui-tuhtui ijo kona. Tutang mangat ahku honong bohanyi dahpot mborihta rahasia Kabar Hinut rih.

PILIPI 1:9

Tuhrih do'a'ku ahkan ihkam; keleh ihkam mahi-mahi monyita Pohotala tutang hawuiarop tutang turus ndahang timbon pongotaan ijo morong tutang topahjah ijo kopihtar.

KOLOSE 2:3

Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

KOLOSE 3:10

Ihkam huntuh jari tononga pombolum ijo bohua. Ihkam anairih kolunon bohua, ijo rahat tombohua toturus bain Pona'oioh, yorih Pohotala, numbun tapai-Oh bongoi. Maksudoh iorih mangat ihkam ngosono Pohotala honong soporuna.

YAKOBUS 3:13

Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus