1 KORINTUS 1:18 - BOWOT BOHUA

¹⁸ Kotului ahkan ulun-ulun ijo nihtu korusak, borihta tohou popahtoi Kristus aang sopolahki, monjadi panderkouong. Tahpi ahkan ihto ijo nitu solamat kobain Pohotala, borihta rih puna tu'u caraoh Pohotala ngorinah kowasai-Oh.

1 KORINTUS 1:18 ပူးပေါင်းရင်းမြစ်များ

KESAH RASUL-RASUL 13:41

‘Nohtoani pio-piosoh ihkam ulun-ulun ijo jolik ngonja'at injahoh! Ihkam ahkan gagum, turus mahtoi! Tului ang jaman tuh Ahku rahat nguan ang'co ijo ihkam bongom eam ahkan porocayaoh, oluka anai ulun mborihtaoh ahkan'kam.’ ’’

KESAH RASUL-RASUL 17:18

Guru-guru aliran Epikuros tutang aliran Stoa hokolawan ka'a umba io. Pira-pira tahkan iro nuhtui, ‘‘Ulun tuh kota'an inon? Pongotaanoh baya honjiot, tahpi aro nyamaioh!’’ Pira-pira ijo bohkon nuhtui, ‘‘Kolouoh io mborihta tohou dewa-dewa uhtus bohkon.’’ Iro nuhtui kolouorih, tului Paulus pander tohou Yesus, tutang tohou bolum hoduli uli mahtoi.

KESAH RASUL-RASUL 17:32

Kotihka ulun-ulun rih ngonih tohou bolum hoduli uli popahtoi, anai tahkan louk iro ngota'oauh Paulus rih. Anai ka'a ijo nuhtui, ‘‘Ihkai jolik ngonih Konduang mborihta hino tohou hal orih.’’

KESAH RASUL-RASUL 2:47

Iro turus nara-nara Pohotala tutang tongonjorih paring ulun. Nyinong ondou jumbalah iro turus botambah. Tului Tuhan nonga rahat iro ulun-ulun ijo puna ahkan tonyolamat.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 KORINTUS 15:2

Amat ihkam nambit tehen, aang inon ijo ahku mborihtaoh rih, mahka Kabar Hinut rih monyolamat ihkam; kocoali amat Konduang porocaya earo horahtioh.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

1 KORINTUS 2:2

Tului ahku ius nehkat, ijo kotahin ahku anai hihco ihkam. Ahku eam ahkan monyorihta ino-inon, bohkon tohou Yesus Kristus; khususoh, ijo Io jari mahtoi nyopolahki.

1 KORINTUS 3:19

Kotului ijo ngohu aropoh horahti kobain kolunon, orih rih kouong ang toharep Pohotala. Aang Surat Borasih tonyurat, ‘‘Pohotala nyokohtung ulun-ulun horahti aang koahpik iro bongoi.’’

1 KORINTUS 4:10

Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

2 KORINTUS 10:4

Pokahkas-pokahkas ijo ihkai ngunaoh ang luwang kolahin 'kai eamoh pokahkas kolunon tuh, tahpi pokahkas-pokahkas Pohotala ijo bokowasa. Honong pokahkas-pokahkas orihrih ihkai moluhtek unuk botahan; ihkai mokila hojawab-hojawab,

2 KORINTUS 4:3

Amat Kabar Hinut ijo ihkai mborihtaoh tuh, magun ka'a jaha tongosonooh, mahka baya ulun-ulun ijo rahat nihtu korusak iou ijo eam mongosonooh.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

2 TESALONIKA 2:10

Io ahkan mongguna kokaro tipu muslihat ijo ja'at, ahkan monyosat ulun-ulun ijo ahkan binasa. Iro ahkan binasa kotului nulak, tutang eam rajin umba borihta ijo tu'u tahkan Pohotala ijo dahpot nyolamat iro.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 4:12

Auh Pohotala anairih auh ijo bolum tutang ba'as; labih bonyihi tahkan padang bonyihi hososila. Auh rih nusuk nyiring nokuh tihkas holat homboruan tutang roh; johcok nokuh tihkas holat sambung-sambung tutang tulang utok, nyiring ngota'an kotimbon-timbonoh tiruk tutang niat ahtoi kolunon.