1 KORINTUS 1:12 - BOWOT BOHUA

¹² Ijo ahku ngonihoh iorih ijo ang louk ihkam anai ijo nuhtui, ‘‘Ahku umba Paulus,’’ anai ka'a nuhtui, ‘‘Ahku umba Apolos,’’ ijo bohkon nuhtui ‘‘Ahku umba Petrus,’’ kodorih ka'a ijo bohkon hino nuhtui, hioi, ‘‘Ahku barih Kristus.’’

1 KORINTUS 1:12 ပူးပေါင်းရင်းမြစ်များ

MATEUS 23:8

Tahpi ihkam ara kani tona'ah, ‘Amai Guru,’ bain Guru'kam, tihkas anai ihco tutang ihkam paring hokonduang.

YOHANES 1:42

Andreas ngitot Simon nokuh Yesus. Yesus nutuneng Simon, hawui nuhtui, ‘‘Ihko Simon anak Yona. Ihko ahkan konohawot Kefas.’’ (Kefas sama umba Petrus, rimaioh: puruk bahtu.)

KESAH RASUL-RASUL 18:24

Pondehan rih, lombutrih nokuh Epesus ihcobehti ulun Yahudi konanak ang Aleksandria bogare Apolos. Io pihtar bopander tutang paham solembang usin Surat Borasih,

KESAH RASUL-RASUL 19:1

Pondehan Apolos anai ang Korintus, Paulus rahat nomuoikodiling podalaman tana rih turus johcok ang Epesus. Ang anan io hosombang umba pira-pira ulun ijo jari porocaya umba Yesus.

1 KORINTUS 1:11

Kotului ulun-ulun tahkan bobuhan Kloë mander ahkak'ku, ijo anai soaljawab ang louk ihkam.

1 KORINTUS 15:5

Ahku mborihta ahkan'kam, ijo Kristus jari tonombolum hoduli rih, ngorinah ka'a arop-Oh ahkan Petrus, tutang pongohino ahkan koduo balas rasul.

1 KORINTUS 15:50

Konohuang'ku, Konduang-konduang, iorih; behti ijo tonapa tahkan daha tutang usi, eam dahpot nyolong Kolunon Bohua Ain Pohotala; tutang behti ijo dahpot mahtoi, eam dahpot monjadi abadi.

1 KORINTUS 16:12

Tohou konduang ihto Apolos, jari pira tikat ahku nonga tiruk ahkaioh, mangat io homboh konduang ijo bohkonoh, tulak masap ihkam. Tahpi io jaha komo yakin, ijo io harus tulak uhuntuh. Olu kodorih, amat anai kosapet noin, puna io ahkan lombut.

1 KORINTUS 4:6

Konduang-konduang! Ahkan gunan'kam, ahku jari kehpan paringoh rih ahkan Apolos tutang ahkan arop'ku bongok. Konohuangoh mangat tahkan sutu ihkai rih, ihkam dahpot bajar inon rimai auhtuh, ‘‘Nambitrih aang aturan ijo anai.’’ Honong kodorih eam ihcobehti ka tahkan ihkam dahpot tara-tara umba ihcobehti, turus mohina ijo bohkon.

1 KORINTUS 7:29

Titunhuang'ku koloutuh, Konduang-konduang: Ihto eam anai aro ohkot hino. Nopara tahkan huntuh, nyinong ulun ijo jari ngoruh, hondakoh bolum koloujahka io eam ngoruh;

1 KORINTUS 9:5

Kuwoh ahku eam bohak ngomin oruh'ku ijo Kristen homboh ahku aang ponomuoi'ku, kolou ijo konuan bain konduang-konduang Tuhan Yesus, tutang bain rasul-rasul bohkonoh, totame Petrus?

2 KORINTUS 10:7

Hondakoh ihkam borendeng umba koada'an ijo kotu'uioh. Amat ihcobehti yakin, ijo io ain Kristus, hondakoh io mopingat aropoh bongoi, tutang borendeng ijo ihkai ka'a ain Kristus kolou io.

2 KORINTUS 9:6

Ingat! Ulun ijo noburan bonyi honjiot-honjiot, ahkan nipun buaoh ijo honjiot ka'a. Tahpi ulun ijo noburan bonyi aro-aro ahkan nipun buaoh ijo aro ka'a.

GALATIA 2:9

Yakobus, Petrus tutang Yohanes ijo gihtanoh ijo monjadi okon-okon ukup, mongahku ijo Pohotala jari nonga ahkak'ku tugas khusus tuh. Mahka iro hojuluk longo umba Barnabas tutang ahku, kolou tanda bosohabat. Turus iro tutang ihkai sotuju, ijo ihkai ahkan bogawi ang holat uhtus-uhtus ijo bohkon Yahudi, tutang iro ang tohun ulun Yahudi.

GALATIA 3:17

Ijo kani ahku nyorihtaoh ang ohtoi, iorih tuh; bowot Pohotala jari konuan tutang tonosyah labih houn. Hukum Agama ijo tononga 430 toun pongohino, eam duon mombatal ponosahoh hawui ngudap bowot Pohotala rih.