Павелонь сёрмац Филимононди 1:17 - Од Соткс Новый Завет на мордовском-мокша языке 2016

¹⁷ Эрь ина, кда лувсамак монь марстонь тевонь тии ялгакс, эста васьфтьк Онисимонь стане, кода васьфтелемайть монь.

Павелонь сёрмац Филимононди 1:17 ပူးပေါင်းရင်းမြစ်များ

Матфей 10:40

Кие тинь васьфнетядязь, ся Монь васьфнесамань, а кие Монь васьфнесамань, ся васьфнесы Монь Кучиезень.

Матфей 18:5

И ся, кие сявсы фкя тяфтама идть Монь лемсон, ся Монь сявсамань.

Матфей 25:40

Оцязорсь тейст корхтай: "Видеста корхтан тейнть: сяс мес тинь тиесть тянь Монь ёмла браднень эзда фкяти, стане тиесть тянь Тейне".

Апостолхнень тевсна 16:15

Авась и кудэряензовок кстиндафтсть пря, а сяльде сон эняльдсь тейнек: «Кда афкукс лувсамасть монь Азорти кемай ломанькс, эста сада и эряда пялон». И сон корхтамазь минь.

Павелонь омбоце сёрмац Коринфу 8:23

Кда корхтамс Титонь колга, азса, сон монь фкя тевонь ялгазе и покоди мархтон сембоса, мезсь сотф тинь мархтонт. Лия кафта кемай ялгатне – тя кемаень пуромкснень эзда кучфне, синь кандыхть Христости шнама.

Павелонь сёрмац Ефесу 3:6

Тя салавашись вага мезьса: лия ломаньтналхнень ули еврейхнень мархта пялькссна сембе ся паротнень эзда, конат максовихть Шкаень ломаньтналти. Синь арасть фкя-тяка ронгонь, и Пара кулять вельде тейстка максовихть Шкайть надияфтоманза Христос Иисусса.

Павелонь сёрмац Филиппав 1:7

Монь ули цебярь туфталозе тяфта арьсемс сембонь тинь колгант, сяс мес тинь фалу монь седисонтада. Тинь ули пяльксонте монь мархтон пароказнеть эзда: пякстамгудса ащемасонга, стане и Пара кулять араламасонза и кемокстамасонза.

Павелонь васенце сёрмац Тимофеенди 6:2

Сятненди, кинь азорсна кемай ломатть, аф эряви вятемс эсь прясна азорть мархта кода повсь, кемай ялгакс улемать инкса. Меколанкт, катк покодихть лангозост сядонга пяк, сяс мес сят, кинди синь тиендихть пара тефт, кельгома и кемай ялгат. Тонафтт тянди и кемокстайть ломаттнень тиендемс тя тонафтомать коряс.

Павелонь сёрмац Филимононди 1:10

эняльдян тейть Онисимонь инкса, кона монь вельден кармась кемама Шкайти, и стане жа арась тейне цёракс тяса, коса мон пякстафан.

Павелонь сёрмац Филимононди 1:12

А тон васьфтьк сонь, кода монь седибялькскязень.

Павелонь сёрмац Филимононди 1:18

Кда сон мезьса-бди обжанзе тонь али шуму ингольдет, лувк тянь монь мельган.

Еврейхненди сёрмась 3:1

Сяс, иняру кемай ялгат, конатненди минь мархтонк марса максовсь менелень тердемась, шарфтость сельмованфонтень Иисус Христосонь лангс. Минь сембонь инголе лемнесаськ Сонь Шкаень Кучфокс и Озксвятиень оцюнякс.

Еврейхненди сёрмась 3:14

Вдь минь суваме марстонь тевс Христость мархта, кда аньцек педа-пес кемоста ванфтсаськ ся кемамать, конац ульсь минь эсонк ушетксста.

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Пёторонь васенце сёрмац 5:1

Тяни мон пшкядян кемаень пуромксонь оцюнянтенди: монга лацост кемаень пуромксонь оцюнян и эсь сельмосон няине Христость маятаманзон и Сонь мархтонза явса ся иневалдть, кона эвондай эсь пингстонза. Мон эняльдян тейнть:

Иоаннонь васенце сёрмац 1:3

Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.