Павелонь сёрмац Титонди 3:9 - Од Соткс Новый Завет на мордовском-мокша языке 2016

⁹ Но кирдефт ёньфтома пялькстомада, шачемань юрда и сялондомада-тюремада койть колга, сяс мес синь аф кандыхть лезкс и прокс шавот.

Павелонь сёрмац Титонди 3:9 ပူးပေါင်းရင်းမြစ်များ

Павелонь васенце сёрмац Коринфу 13:2

Кда монь ули пророчендамань казнезе, и мон содасайне сембе салавашитнень, и монь кядьсон сембе содамошись и сембе кемамась, конаса тейне полафневихть панттнень вастсна, а кельгома эсон аш, – эста мон мезевок ашан.

Павелонь васенце сёрмац Коринфу 8:1

Тяни карман корхтама сивольть колга, конань каннесазь озксказнекс аф афкуксонь шкайхненди. Шарьхкотьф, минь сембонь улихть содамошиньке тянь колга. Но содамошись тиендьсы ломанть прянь няикс, а кельгомась ломанть касфтсы.

Павелонь васенце сёрмац Тимофеенди 4:7

Аньцек ётнек шкайфтома и бабань шава корхтаматнень вакска, и лама виень путозь тиентть Шкайть мяленц коряс.

Павелонь омбоце сёрмац Тимофеенди 2:14

Лятфнек семботь тянь ломаттненди и кемоста азк Азорть инголе, катк лоткафтсазь валса пялькстоматнень. Синь эздост аш кодамовок лезкс, синь кандыхть кулхцондыхненди аньцек срафтома.

Павелонь омбоце сёрмац Тимофеенди 2:16

Кирдефт шкайфтома шава корхнематнень эзда, сяс мес синь аерфтыхть сяда ичкози и ичкози Шкайть эзда.

Павелонь омбоце сёрмац Тимофеенди 2:23

Кирдефт ёньфтома пялькстомада, конат шачихть-лисихть мезевок аф шарьхкоди ломаттнень эзда. Вдь тон содасак, синь аньцек вятихть сялондомас.

Павелонь сёрмац Титонди 1:14

и катк аф кулхцонкшнесазь еврейхнень ёфксснон и ломаттнень кошарксснон, конат аердафтыхть видешить эзда.

Иаковонь сёрмац 4:1

Коста ина тинь ётксонт сявондевихть фкя-фкянь лангс врьгятнематне и сялондоматне? Дяряй аф визьксонь мялентень эзда, конат тюрихть ронгсонт.