Павелонь сёрмац Титонди 3:7 - Од Соткс Новый Завет на мордовском-мокша языке 2016

⁷ сяс мес Шкайть мялец лувомс минь аф муворукс Эсь пароказненц вельде и мялец максомс тейнек пефтома эряф минь надияманьконь коряс.

Павелонь сёрмац Титонди 3:7 ပူးပေါင်းရင်းမြစ်များ

Матфей 25:34

Эста Оцязорсь мярьги види кяденц ширеса ащихненди: "Сада тяза, Монь Алязень кядьса бславафне, сявость Оцязорксшить, кона тейнть аноклафоль нинге масторть тиевомста.

Марк 10:17

Мзярда Иисус лиссь ки лангс, ласьксь Тейнза фкя ломань, прась инголенза плманжа лангс, и кизефтезе Сонь: «Цебярь тонафты! Мезе тейне эряви тиемс пефтома эряфонь сатоманкса?»

Павелонь сёрмац Риму 11:6

Лисенди Шкайсь кочказе сонь Эсь пароказненц коряс, а аф ломаттнень тевснон коряс. Афток пароказнесь афоль уле пароказнекс.

Павелонь сёрмац Риму 3:24

Но сембонь муворшисна валхтови питнефтома, Шкайть пароказненц коряс Иисус Христость вельде, кона идезень-рамазень синь воляшис.

Павелонь сёрмац Риму 3:28

Сяс минь кемоста азсаськ: видексшись максови кемамать инкса, а аф коень ванфтоманкса.

Павелонь сёрмац Риму 4:16

Сяс надияфтомась максф кемаманкса: улеза сон Шкаень пароказнеть эзда. Тяфта Шкаень надияфтомась улеза кемокстаф Авраамонь сембе идензон-уноконзон мельге – аф аньцек сятнень, конат ванфтсазь койть, но сятненьге, конат кемайхть Авраамонь лаца. Сон сембонди тейнек аля,

Павелонь сёрмац Риму 4:4

Покодити макссихть аф казне, а пандыхть тевонкса.

Павелонь сёрмац Риму 8:17

А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

Павелонь васенце сёрмац Коринфу 6:11

Тинь эздонтка конат-конат ульсть тяфтапт! Но тяни тинь штадязь, тинь иняруяфтодязь, тинь луводязь видексшинь ломанькс Иисус Христос Азороньконь лемса и Шкаеньконь Ваймопожфса.

Павелонь сёрмац Галатияв 2:16

Но минь содасаськ: ломанць Шкайть инголе лувови видексшинь ломанькс аньцек Иисус Христости кемамать вельде, а аф Моисеень койть коряс тиф тефнень вельде. Сяс миньге кемаме Иисус Христости вага мес: мяленьке арамс видексшинь ломанькс Христости кемамать вельде, а аф тефнень вельде, конат тифт койть коряс. Вдь тиендемок койть кошардоманзон коряс, кивок аф лувови видексшинь ломанькс Шкайть инголе.

Павелонь сёрмац Галатияв 3:29

А кда тинь Христосоннетяда, лисенди, тинь Авраамонь полатксонза и тейнть максови ся, мезть Шкайсь надияфтозе Авраамонди.

Павелонь сёрмац Галатияв 4:7

Тяфта, тон тяни аф урят, а Шкаень идят; а кда идят, эста Иисус Христосонь инкса тейть максови уликс-парось, конань Шкайсь надияфтозе Эсь идензонды.

Павелонь омбоце сёрмац Фессалоникав 2:16

Сонць Иисус Христос Азороньке и Шкайсь, минь Аляньке, кона кельгомазь минь и макссь тейнек Эсь пароказнестонза пефтома пингонь ваймафтома-кемокстама и пара надияма,

Павелонь сёрмац Титонди 2:11

Вдь эвондась Шкаень пароказнесь, кона канды идема сембе ломаттненди.

Павелонь сёрмац Титонди 2:13

Минь учендсаськ павазу надиямать пяшкодеманц, инь оцю Шкайть и минь Идиеньконь Иисус Христость иневалдонц саманц.

Еврейхненди сёрмась 1:14

Дяряй аф сембе ангелхне – тя лезды ваймопожфт? Синь кучфт лездома сятненди, кинди максови идемась.

Еврейхненди сёрмась 11:7

Кемамать вельде Ной тись оцю венч эсь кудэряензон идеманкса. Сон ванозе Шкайть мяленц и кулхцондозе Сонь, мзярда тейнза азфоль ся, мезе нинге ашезь няев. Кемамать вельде сон судендазе тя масторлангть, а эстейнза максфоль видексши, кона сай кемамать вельде.

Еврейхненди сёрмась 11:9

Кемамать вельде сон эрясь надияфтф модать лангса, кода лия масторонь ломань. Сон эрясь кошева, тяконь лаца эрясть Исааконь мархта Иаковок. Тейст максфоль ся сяка надияфтомась, конань Шкайсь максозе Авраамонди.

Еврейхненди сёрмась 6:17

Шкайсь ёрась няфтемс Эсь мялень аф полафнеманц сятненди, кинди ульсь максф надияфтома. Сяс Сон кемокстазе Эсь надияфтоманц варамаса.

Иаковонь сёрмац 2:5

Кулхцондода, кельгома кемай ялгат: дяряй аф масторлангонь ашуфнень Шкайсь кочказень улемс козякс кемамаса и дяряй аф тейст максозе Эсь Оцязорксшинц, конань Сон надияфтозе Эсь кельгиензонды.

Пёторонь васенце сёрмац 3:7

Тяфта тиньге, миртть, эсь рьвантень мархта уледа шарьхкодикс, сяс мес синь тинь корязонт сяда лафчт. Кельгость синь и лувость синь питникс Шкайть сельмоса, сяс мес тейст, кода тейнтьке, казнекс максови Шкайть эзда пефтома эряф. Эста мезевок аф кармай шоряма тинь озондомантенди.