Павелонь сёрмац Титонди 3:5 - Од Соткс Новый Завет на мордовском-мокша языке 2016

⁵ эста Сон идемазь минь. Шкайсь тиезе тянь аф минь видексшинь тевоньконь коряс, но аньцек Эсь кельгозь ужяльдеманц коряс. Шкайсь аруяфтомазь ваймонь штамать вельде, конаса минь одукс шачеме, и Иняру Ваймопожфсь одкстоптомазь минь.

Павелонь сёрмац Титонди 3:5 ပူးပေါင်းရင်းမြစ်များ

Матфей 3:11

Мон кстиндатядязь тинь ведьса Шкайти шарфтомантень няфтеманкса, но мельган Молись мондедон вии. Мон аф кондястян кандомс Сонь сандалиянцка. Сон кармай кстиндамонт тинь Иняру Ваймопожфса и толса.

Лука 1:50

Сон сембе пинкнень максесы Эсь кельгозь ужяльдеманц сятненди, кит пелихть эздонза.

Лука 1:54

Сон лездсь Израильти, Эсь покодиенцты, и мяляфтозе Эсь кельгозь ужяльдеманц,

Лука 1:72

Тяфта Сон кельгозь ужяльдьсыне минь атянь-атяньконь и мяляфтсы иняру сотксонц,

Лука 1:78

Кельги и ужяльди седи Шкаеньке кучи тейнек менельста шинь стямань валда,

Павелонь сёрмац Риму 11:14

Мон надиян, пади сргозьфтян сельмонь каяма тинь лангозонт эсь веронь ломаньтналозень эса и тянь вельде конат-конат ёткстост идевихть.

Павелонь сёрмац Риму 11:6

Лисенди Шкайсь кочказе сонь Эсь пароказненц коряс, а аф ломаттнень тевснон коряс. Афток пароказнесь афоль уле пароказнекс.

Павелонь сёрмац Риму 12:2

Тяда эря стане, кода эряйхть тяни тя масторлангса, но эсь ёнентень-мялентень одкстоптоманц вельде полафтость седиентень. Эста тейнть шарьхкодеви Шкайть мялец: мезсь пара, мезсь Сонь мялезонза и мезсь афсатыксфтома.

Павелонь сёрмац Риму 3:20

Вдь кивок Сонь инголенза аф лувови видексшинь ломанькс сянкса, мес тиенди койть кошардоманзон коряс. Койть вельде ломанти аньцек шарьхкодеви пежесь.

Павелонь сёрмац Риму 3:28

Сяс минь кемоста азсаськ: видексшись максови кемамать инкса, а аф коень ванфтоманкса.

Павелонь сёрмац Риму 4:5

Но кда ломанць надияй аф эсь тевонзон лангс, а кемамать лангс и кемай Шкайти, кона нолясыне пежуть шумонзон, эста Шкайсь лувсы сянь видексшинь ломанькс кемаманц инкса.

Павелонь сёрмац Риму 9:11

Мзярда иттне нинге афи шачендсть и мезевок ашесть кенере тиемс, аф цебярь, аф кальдяв, Шкайсь ни мярьгсь Ревекканди: «Оцюсь кармай ёмлать лангс покодема». Тяфта Шкайсь няфтезе: Сон кочкась Эсь мяльсонза, аньцек тердеманц коряс, аф ломанень тевть коряс.

Павелонь сёрмац Риму 9:16

Тяфта, сембось тя ащи аф ломанть мяленц и путф виенц эзда, а Шкайть кельгозь ужяльдеманц эзда.

Павелонь сёрмац Риму 9:30

Ина мезе лисенди? Лия ломаньтналхне, конат ашесть вешенде видексшинь эряф, сатозь сонь, мусть видексшинь эряф, кона кемамать эзда.

Павелонь васенце сёрмац Коринфу 6:11

Тинь эздонтка конат-конат ульсть тяфтапт! Но тяни тинь штадязь, тинь иняруяфтодязь, тинь луводязь видексшинь ломанькс Иисус Христос Азороньконь лемса и Шкаеньконь Ваймопожфса.

Павелонь сёрмац Галатияв 2:16

Но минь содасаськ: ломанць Шкайть инголе лувови видексшинь ломанькс аньцек Иисус Христости кемамать вельде, а аф Моисеень койть коряс тиф тефнень вельде. Сяс миньге кемаме Иисус Христости вага мес: мяленьке арамс видексшинь ломанькс Христости кемамать вельде, а аф тефнень вельде, конат тифт койть коряс. Вдь тиендемок койть кошардоманзон коряс, кивок аф лувови видексшинь ломанькс Шкайть инголе.

Павелонь сёрмац Ефесу 2:4

Но Шкайсь, кона козя кельгозь ужяльдемаса, эвондазе Эсь инь оцю кельгоманц тейнек,

Павелонь сёрмац Ефесу 4:23

Тейнть эряви одкстоптомс ваймопожфонтень и ёнентень

Павелонь сёрмац Ефесу 5:26

Христос тянь тиезе ва мезенкса: иняруяфтомс сонь, штамок ведьса валть вельде;

Павелонь сёрмац Колоссав 3:10

и щафтоде эсь лангозонт од ломань, кона шиста-шис одкстомкшни. Тянь вельде тейнть сяда лац шарьхкодеви-содави Шкайсь, минь Тииеньке, и тинь аратада Сонь лацонза.

Павелонь омбоце сёрмац Тимофеенди 1:9

Шкайсь идемазь минь и тердемазь иняру тердемаса, аф минь тевоньконь коряс, а эсь мяленц-арьсеманц и пароказненц коряс. Тя пароказнеть Сон максозе тейнек Христос Иисусса нинге пингть ушедомда инголе,

Павелонь сёрмац Титонди 3:4

Но мзярда Шкайть, минь Идиеньконь, пароц и ломанень кельгомац эвондась масторлангти,

Еврейхненди сёрмась 10:22

Эрьда сашенттама Шкайть инголи панжада седиса, кеме кемамаса, стама седиса, конац аруяфтф верса мувору ваймовайгяльть эзда, и ронгса, конац штаф ару ведьса.

Еврейхненди сёрмась 4:16

Эрьда апак пельхть сатама пароказнень максы Шкайть озама вастонц инголи. Тоса минь мутама кельгозь ужяльдема и пароказне, конат лездыхть тейнек эрявикс пингста.

Еврейхненди сёрмась 6:6

но тяда меле кадозь кемамать. Тяфтапнень аш кода ни вятемс каендамати, сяс мес синь синць одукс эськодьсазь крёз лангс Шкаень Цёрать и сембонь инголе тиендьсазь Сонь пеедема вастокс.

Пёторонь васенце сёрмац 1:3

Улеза шнаф Шкайсь, Иисус Христос Азороньконь Аляц! Сон вельмафтозе кулофста Иисус Христосонь и тянь вельде, Эсь оцю кельгозь ужяльдеманц коряс, шачфтомазь минь од эряфонди и макссь тейнек кеме надияма.

Пёторонь васенце сёрмац 2:10

Инголи тинь уледе аф ломаньтналкс, а тяни тинь араде Шкаень ломаньтналкс. Инголи Сон ашезе эвондакшне тейнть Эсь кельгозь ужяльдеманц, а тяни максозе сонь тейнть.

Пёторонь васенце сёрмац 3:21

Тя ведсь няфнесы кстиндамать, кона тяни тиньге идетядязь. Кстиндамась – тя аф ронгть лангста рдазонь штама, а Шкайть кядьста ару ваймовайгялень вешема. Кстиндамась идетядязь тинь Иисус Христосонь вельмаманц вельде.