Павелонь сёрмац Титонди 3:2 - Од Соткс Новый Завет на мордовском-мокша языке 2016

² Катк киньге аф сялдыхть и аф сялонкшнихть, меколанкт, катк улихть сетьмот и сембоса няфнесазь эрь ломанти эсь лямбе седиснон.

Павелонь сёрмац Титонди 3:2 ပူးပေါင်းရင်းမြစ်များ

Матфей 11:29

Щафтость Монь ашкозень эсь лангозонт и тонадода эздон, сяс мес Мон сятяван и ляпе седиян. Тяфта мутада ваймонтенди ваймама васта.

Апостолхнень тевсна 23:5

«Мон ашине сода, ялгат, сон – озксвятиень оцюня. Сёрматфксса азф: Тяк сялда ломаньтналцень оцюнянц».

Павелонь васенце сёрмац Коринфу 6:10

салайхне, топафкста аф содайхне, симилатне, сюцихне-сялдыхне, ломанень васькафнихне – кивок эздост аф сувави Шкаень Оцязорксшити!

Павелонь васенце сёрмац Коринфу 9:19

Хуш мон воляшисан и киндиге аф урян, мон тиевонь сембонди урекс – Христости сяда лама ломанень вятеманкса.

Павелонь омбоце сёрмац Коринфу 10:1

Мон, Павел, кона тинь ширесонт улемста, кле, пяк сетьме и пели, а ширеса тинь эздонт – аф пелезь корхтай, тяни пшкядян тейнть Христость сятявшинц и лямбе седиенц вельде.

Павелонь омбоце сёрмац Коринфу 12:20

Тейнть самста пелян няйхтядязь тинь аф стамкс, кодамкс мялезе няемс. И тиньге няйсамасть монь аф стамкс, кодамкс мяленте. Мон пелян няемс тинь ширесонт сялондомат, сельмонь каямат, кяжиямат, пялькстомат-явомат, фкя-фкянь лангс васькафнемат, корхтафтомат, прянь няемат, аф ладямат.

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Галатияв 6:1

Кемай ялгат, кда кивок прай пежес, тинь, кит эряйхть Ваймопожфть вятеманц коряс, лездода тяфтамти мрдамс видешинь кити. Тя тиендема сетьмоста и ляпоста. Тяка пингть эсь мельгантка ванода, тинцьке тяда васькафтов пежеса.

Павелонь сёрмац Галатияв 6:10

Сяс, мзярс ули пинге, эрьда карматама сембонди тиендема цебярь, сембода пяк кемай ялгатненди.

Павелонь сёрмац Ефесу 4:2

Уледа фалу сятявкс, лямбе седикс, улеза куватьс кирдемшканте. Кельгозь кирдеда фкя-фкянь.

Павелонь сёрмац Ефесу 4:31

Кадость эрь кодама кяжень кирдемать и пяляскодомать, кяжть и пешкодомать, ломанень сялдомать эрь кодама кяж мархта.

Павелонь сёрмац Филиппав 4:5

Катк сембонди няеви тинь сятявшинте. Азорсь маласа.

Павелонь васенце сёрмац Фессалоникав 2:7

Улемок Христости апостолкс, минь ульсь азорксшиньке самс ширезонт кода оцю ломатть, но минь улеме мархтонт ляпе седикс и эжнедязь тинь, кода потяфты тядясь эсь идензон.

Павелонь васенце сёрмац Тимофеенди 3:11

Тяфта жа аватненди эряви улемс пара лувксса, аф васькафникс ломанень лангс, кятавкс, сембоса валонь кирдикс.

Павелонь васенце сёрмац Тимофеенди 3:3

аф симикс, аф тюрикс, аф изгордыкс, аньцек эстейнза паронь аф вешендикс, но сетьмокс, лиянь мархта ладяйкс, ярмаконь мельге аф панцикс.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Иаковонь сёрмац 4:11

Кемай ялгат! Тяда корхта кальдявста фкя-фкянь колга. Кие сялдсы эсь кемай ялганц али судендасы, ся сялдсы и судендасы койть. А кда тон судендасак койть, эста тон ни аф коень ванфтыят, а сонь судьяц.

Пёторонь васенце сёрмац 2:1

Сяс, кадость эрь кодама кяжть, васькафнемать, шамафксонь каннемать, сельмонь каямать и эрь кодама кяжи корхтафтомать.

Пёторонь васенце сёрмац 3:10

Сёрматфксса азф: «Кинь мялец кельгомс эряфть и няемс цебярь шит, ся катк кирдьсы кяленц кальдяв валда и кургонц – васькафнемада.

Пёторонь васенце сёрмац 3:8

И мекольцесь, уледа сембе фкя мяльса, марясть лиятнень седиень сярятьфснон, сембе седиса кельгода фкя-фкянь, ванфнесть ялгаксшить эсь ётковант и уледа сетьме ваймокс.

Пёторонь васенце сёрмац 4:4

Сяс тяни, мзярда тинь оду аф тиенттяда Шкаень аф содайхнень мархта визьксонь тефт, синь дивандакшнихть тянди и сялдыхть эсонт кальдяв валса.

Пёторонь омбоце сёрмац 2:10

а сембода пяк сятнень, конат якайхть ронгть аф ару мялензон-арьсеманзон мельге и мезькска аф лувсазь Шкайть азорксшинц. Синь аш визькссна, синь тиендихть стане, кода синцень мяльсна, и синь аф пелихть сялдомс менелень вийхнень,

Иудань сёрмац 1:10

А ня ломаттне сялдсазь сянь, мезть аф шарьхкодьсазь. А мезть шарьхкодьсазь, кода ёньфтома жувататне, эсь шачема обуцяснон коряс, сянь мархта и юмафтсазь эсь пряснон.

Иудань сёрмац 1:8

Тяконь лаца ня шкайфтомотне, ононь-няйфксонь няихне, тиендьсазь аф арукс эсь ронгснон, мезькска аф лувсазь оцюнятнень и сялдсазь менелень вийхнень.