Павелонь сёрмац Титонди 3:14 - Од Соткс Новый Завет на мордовском-мокша языке 2016

¹⁴ Катк и Критонь кемайхневок тонафнихть тиендемс пара тефт сятненди, кинди тя афкукс эряви, эста синь аф илядыхть иможфтома.

Павелонь сёрмац Титонди 3:14 ပူးပေါင်းရင်းမြစ်များ

Матфей 21:19

Сон няйсь кить трваса смоква шуфта и маладсь ваксозонза, но лопада башка шуфтть лангста мезевок ашезь му. Эста мярьгсь шуфтти: «Катк тонь лангсот мзярдовок аф шачихть имошт!» И смоква шуфтсь эстокиге коськсь.

Матфей 7:19

Эрь шуфтть, кона аф максси цебярь имошт, керсесазь и ёрясазь толс.

Иоанн 15:16

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Иоанн 15:8

Алязень иневалдоц няфтеви сянь эса: кда тинь канттада лама иможда и ульхтяда Тейне тонафникс.

Апостолхнень тевсна 18:3

Синь Павелонь мархта ульсть маштыкятть фкя-тяка тевса, стакшнесть котфонь кошт, сяс Павел лядсь ширесост и покодсь.

Апостолхнень тевсна 20:35

Тянь вельде мон няфтине: тейнтьке эряви тяфта покодезь лездомс лафчненди и кирдемс мяльса Иисус Азорть валонзон. Вдь Сон Сонць мярьгсь: "Сяда пара максомс, аф сявомс"».

Павелонь сёрмац Риму 12:13

Лездода кемай ялгантенди, мзярда синь повихть ашушис, фалу улест панжадот инжихненди кенкшенте.

Павелонь сёрмац Риму 15:28

Мзярда мон пяшкодьса тянь и педа-пес пачфтьса тейст кочкафть, туян Испанияв и ётамбачк суван варжамонт.

Павелонь сёрмац Ефесу 4:28

Кие салсесь, оду тяза салсе, а катк цебярьста покоди эсь кядензон мархта, и улеза сонь мезьста максомс сянди, кие эряй ашушиса.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Филиппав 4:16

Тинь тейне Фессалоникавга аф весть кучседе лезкс.

Павелонь сёрмац Филиппав 4:17

Мон тянь колга корхтан аф эстейне анамать инкса. Монь мялезе фкя: тя лездомантень вельде кочкаледе эстейнть сяда лама пара сай пингти.

Павелонь сёрмац Колоссав 1:10

эняльттяма: улель тинь эряфонте Шкаень лемть шнаманкса, сембоса тиенделеде Сонь мяленц коряс, и эрь кодама пара тевонте кандоль цебярь имож и касоледе Шкайть содамаса.

Павелонь васенце сёрмац Фессалоникав 2:9

Кемай ялгат, тинь мяляфтсасть минь стака покодеманьконь и виень путоманьконь тейнть Шкаень Пара кулять пачфнемста. Минь шинек-венек покодеме виень аф ужяльдезь, сяс мес ашель мяленьке арамс эздонт киндинге трямксокс.

Павелонь омбоце сёрмац Фессалоникав 3:8

и стак киньге кшидонза ашеме ярхца. Минь пелеме арамс тейнть сталмокс, сяс шинек-венек стакаста покодезь апак лотксек тиеме тев.

Павелонь сёрмац Титонди 2:8

и корхтамацевок улеза шумбра и аф сялдови. Эста эрь каршек молись ули визделготф, сяс мес аф азови колганк мезевок кальдяв.

Павелонь сёрмац Титонди 3:8

Ня валхне видет. И монь мялезе: кемоста корхталеть тянь колга. Катк Шкайти кемайхне улихть анокт тиендемс пара тефт. Тя пара и канды лезкс сембе ломаттненди.

Пёторонь омбоце сёрмац 1:8

Кда сембе тя эсонт ули и ламолгоды, эста тинь аф шавоста содасасть Иисус Христос Азороньконь, и тинь эряфонте канды лезкс.