Павелонь сёрмац Титонди 2:13 - Од Соткс Новый Завет на мордовском-мокша языке 2016

¹³ Минь учендсаськ павазу надиямать пяшкодеманц, инь оцю Шкайть и минь Идиеньконь Иисус Христость иневалдонц саманц.

Павелонь сёрмац Титонди 2:13 ပူးပေါင်းရင်းမြစ်များ

Матфей 16:27

Вдь Ломанень Цёрась сай Алянц иневалдсонза и Эсь ангелонзон мархта, и эста эрь ломанть казьсы тиф тевонзон коряс.

Матфей 25:31

«Мзярда Ломанень Цёрась сай Эсь иневалдсонза сембе ангелонзон мархта, Сон озай азоронь иневалдонь вастозонза.

Матфей 26:64

Иисус каршезонза корхтай: «Тон тянь азыть. И нинге тейнть мярьган: курок тинь няйсасть Ломанень Цёрать, кона ащи озада Виить види кядь ширесонза и кона сай менелень коволхнень лангса».

Марк 14:62

Иисус мярьгсь: «Тя Монан; и тинь карматада няемонза Ломанень Цёрать, кона ащи озада Виить види кядь ширесонза и кона сай менелень коволхнень лангса».

Марк 8:38

Кие виздьсамань Монь и Монь валнень тяниень пежу и Шкайти полафни ломаттнень инголе, сянь Ломанень Цёраське виздьсы, мзярда сай Эсь Алянц иневалдса иняру ангелхнень мархта».

Апостолхнень тевсна 24:15

Мон кемазь учан, кода ня ломаттневок учихть: Шкайсь вельмафтсыне кулофста кода видексшинь ломаттнень, стане аф видексшинь ломаттненьге.

Павелонь сёрмац Риму 15:13

Катк Шкайсь, надиямань лихтибрясь, пяшкоттядязь тинь кемамантень вельде оцю кенярдемаса и максы тейнть сетьмоши. Эста тинь надияманте апак лотксек касы-оцюлгоды Шкаень Ваймопожфть виенц вельде.

Павелонь сёрмац Риму 5:5

А надиямась аф васькафты, сяс мес Шкайсь Эсь кельгоманц валозе минь седиезонк Иняру Ваймопожфть вельде, кона максф тейнек.

Павелонь сёрмац Риму 8:18

Мон арьсян: минь тяниень маятаманьке – мезевок аш ся иневалдть ваксста, кона эвондай-панжеви эсонк.

Павелонь васенце сёрмац Коринфу 1:7

сяс тинь кядьсонт сембе казнетне Иисус Христос Азороньконь эвондаманц учемста.

Павелонь омбоце сёрмац Коринфу 4:4

Тя масторлангонь шкайсь сокоргофтозень ня аф кемай ломаттнень ёньцнон ва мес: афоль няев тейст Пара кулять валдоц, кона няфнесы Христость иневалдонц. Ина Христоссь Эсь Эсьсонза няфнесы аф няеви Шкайть.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь сёрмац Колоссав 1:5

Тинь эсонт ули тя кемамась и кельгомась, сяс мес тинь надиятада сянь лангс, мезе аноклаф тейнть менельса. Тя надиямать колга тинь ни куледе, мзярда тейнть азондозь видешинь валть, лиякс Пара кулять,

Павелонь сёрмац Колоссав 3:4

Христоссь – тинь эряфонте, и мзярда Сон эвондай, эста тиньге эвондатада Сонь мархтонза иневалдса.

Павелонь омбоце сёрмац Фессалоникав 2:16

Сонць Иисус Христос Азороньке и Шкайсь, минь Аляньке, кона кельгомазь минь и макссь тейнек Эсь пароказнестонза пефтома пингонь ваймафтома-кемокстама и пара надияма,

Павелонь омбоце сёрмац Фессалоникав 2:8

И эста лиси лангти тя койфтомось, конань Иисус Азороньке шавсы кургста лиси пожфонц вельде и Эсь иневалдонц вельде ся шиста, мзярда сай.

Павелонь васенце сёрмац Тимофеенди 1:1

Павел, Иисус Христосонь апостолоц, конань тя тевти путозе Шкайсь, минь Идиеньке и Иисус Христос Азорсь, минь надияманьке,

Павелонь омбоце сёрмац Тимофеенди 1:2

азы пара вал Тимофеенди, эсь кельгома цёранцты. Улеза тейть пароказне, кельгозь ужяльдема и сетьмоши минь Шкай Аляньконь и Христос Иисус Азороньконь эзда!

Павелонь омбоце сёрмац Тимофеенди 4:1

Мон кошартте тонь Шкайть и Азороньконь Иисус Христость инголе, кона кармай судендамост эряйхнень и кулофнень, мзярда сай Эсь Оцязорксшинц мархта:

Павелонь омбоце сёрмац Тимофеенди 4:8

Тяни тейне ванфневи видексшинь каштазсь, конань тейне макссы Азорсь, видексшинь Судьясь, ся мекольдень шиста. И аф аньцек тейне, а тяфта жа сембонди, конат седи ваксста учсезь Сонь саманц.

Павелонь сёрмац Титонди 3:4

Но мзярда Шкайть, минь Идиеньконь, пароц и ломанень кельгомац эвондась масторлангти,

Еврейхненди сёрмась 9:28

тяфта Христосовок весть максозе Эсь прянц озксказнекс ламоц ломаттнень пежеснон сявоманкса. Омбоцеда Сон сай аф пежеть инкса, а сай идемост сятнень, конат учихть Эсонза.

Пёторонь васенце сёрмац 1:3

Улеза шнаф Шкайсь, Иисус Христос Азороньконь Аляц! Сон вельмафтозе кулофста Иисус Христосонь и тянь вельде, Эсь оцю кельгозь ужяльдеманц коряс, шачфтомазь минь од эряфонди и макссь тейнек кеме надияма.

Пёторонь васенце сёрмац 1:7

Мянь зрняське варчсеви-серепневи толса, тянь вельде няфтеви сонь афкуксшиц. Тяконь лаца тинь кемамантевок, кона сяда питни юмай зрнять коряс, варжави-сяряптеви ня стакашитнень вельде: улеза тинь кемаманте шнама вастокс, иневалдокс и пара лувксокс Иисус Христосонь сама шистонза.

Пёторонь омбоце сёрмац 1:1

Симон Пётр, Иисус Христосонь покодиец и апостолоц, кучи пара вал сятненди, кинди, кода тейнековок, максф питнидонга питни кемамась – Шкаеньконь и Идить Иисус Христость видексшинц вельде.

Пёторонь омбоце сёрмац 3:18

Но, меколанкт, касода-кемокстада, сяда крхкаста содасть Азороньконь и Идиеньконь Иисус Христость и Сонь пароказненц. Улеза Тейнза шнама кода тяни, стане и пефтома пингс! Аминь.

Иоаннонь васенце сёрмац 4:14

Минь минць няеськ и аф сёпозь азонттама тянь колга: Шкай Аляньке кучезе Цёранц идемс масторлангть.

Иудань сёрмац 1:21

Ванфнесть прянтень Шкаень кельгомаса, учеда, мзярда минь Азороньке Иисус Христоссь Эсь кельгозь ужяльдеманц коряс максы тейнть пефтома эряф.

Иоаннонди панчф няйфкс 1:7

Ванода: Сон сай коволхнень лангса; эрь сельмось няйсы Сонь, няйсазь сятка, кит сялгозь Сонь. И масторлангонь сембе ломаньтналхне аварьгодыхть Сонь инголенза. Тяфта ули! Аминь.