Павелонь сёрмац Титонди 1:9 - Од Соткс Новый Завет на мордовском-мокша языке 2016

⁹ Тейнза эряви ванфнемс видешинь валть, конанди сон ульсь тонафтф. Тяфта, шумбра тонафтомать вельде сон машты виияфтомс ломаттнень, а каршек молихненди няфтемс синь аф видешиснон.

Павелонь сёрмац Титонди 1:9 ပူးပေါင်းရင်းမြစ်များ

Апостолхнень тевсна 18:28

Вдь сембонь ингольде сон вии валса лангу лихнезень еврейхнень аф видешиснон и Сёрматфксонь валхнень вельде няфтезе: Иисус – Христоссь.

Павелонь васенце сёрмац Коринфу 14:24

Но кда сембе пророчендайхть и ся пингть сувай тов аф кемай али аф содай ломань, эста сон кули эрть валстонза сянь, мезсь лихтьсы лангу пеженц и судендасы сонь.

Павелонь васенце сёрмац Фессалоникав 5:21

но семботь лацкас ваность-варжасть; и мезсь цебярь, сянь ванфтость.

Павелонь омбоце сёрмац Фессалоникав 2:15

Сяс, кемай ялгат, кемоста ащеда-кирдеда ся тонафтомаса, конанди минь тонафтодязь тинь вал вельде али сёрмаса.

Павелонь васенце сёрмац Тимофеенди 1:10

усксевихненди, аля мархта утци алятненди, ломанень мишендихненди, васькафнихненди, максф валонь аф кирдихненди, и семботи, мезсь моли каршек цебярь-шумбра тонафтомати.

Павелонь васенце сёрмац Тимофеенди 1:15

Ня валхне видет и синь эрявихть путомс седис: Иисус Христоссь сась масторлангти идемс пежуфнень, конатнень ёткста мон сембодонга пежусь.

Павелонь васенце сёрмац Тимофеенди 1:19

ванфнемок кемамацень и ару ваймовайгяльцень. Кой-конат сонь юмафтозь и кемамасна лазовсь, кода лазови венчсь, мзярда цяподи оцю кевти.

Павелонь васенце сёрмац Тимофеенди 4:9

Тя валсь виде и сон эряви марнек путомс седис.

Павелонь васенце сёрмац Тимофеенди 6:3

А кда кие лиянди тонафты и аф кулхцондсыне Азороньконь Иисус Христость шумбра валонзон и ся тонафтоманц, кона лезды эрямс Шкайть мяленц коряс,

Павелонь омбоце сёрмац Тимофеенди 1:13

Сявк кепотьксонди тя шумбра тонафтомать, конань тон кулить монь эздон, и эряк кемамаса и кельгомаса, конат улихть Христос Иисусса.

Павелонь омбоце сёрмац Тимофеенди 2:2

И ся, мезе кулеть монь эздон лама ломанень инголе, пачфтьк валонь кирди кемайхненди, конат маштольхть тонафтомс и лиятненьге.

Павелонь омбоце сёрмац Тимофеенди 2:25

и сетьмоста тонафнемс сятнень, кит ащихть тейнза каршек. Пади Шкайсь вятьсыне синь каендамати и шарьхкодьсазь видешить,

Павелонь омбоце сёрмац Тимофеенди 3:14

А тон киртть сянди, мезти тонафтфат и мезти кемат, сяс мес содасак, кит тонь тонафтыхне.

Павелонь омбоце сёрмац Тимофеенди 4:3

Сяс мес сай пинге, мзярда ломаттне аф кулхцондсазь шумбра тонафтомать, а эсь мяльснон коряс кочкайхть эстейст стама тонафтыхть, конат кармайхть корхтама тейст сянь, мезе синь мяльсна кулемс.

Павелонь сёрмац Титонди 1:11

Тяфтапнень кургсна эрявихть пякстамс, сяс мес синь вятнихть тапарямас марнек кутт, тонафтомок сянди, мезенди аф эряви. Синь ярмаконь сюнеда аф виздезь тиендьсазь тянь.

Павелонь сёрмац Титонди 2:1

Тон жа корхтак сянь, мезсь фкя мяльса ащи шумбра тонафтомать мархта.

Иудань сёрмац 1:3

Кельгомне! Монь пяк мялезель сёрмадомс тейнть марстонь идеманьконь колга, но тяни мон лувине сяда эрявиксокс сёрмадомс тейнть кошардома – тейнть эряви тюремс ся кемамать инкса, кона весть и сембе пинкненди максф Шкаень ломаттненди.

Иоаннонди панчф няйфкс 2:25

Аньцек сянь, мезенте ули, кирдесть Монь самозон.

Иоаннонди панчф няйфкс 3:11

Мон курок саян – тон ина кемоста киртть сянди, мезце тонь ули, кивок тязазе сяв сяськиень каштазцень.

Иоаннонди панчф няйфкс 3:3

Лятфтак, мезе тейть максфоль и мезе тон кулеть. Киртть сонь эсонза и каендак. А кда аф сргозят, Мон саян апак учт, салай лаца, содамонга аф кармат, мзярда кундате тонь.