Павелонь сёрмац Титонди 1:7 - Од Соткс Новый Завет на мордовском-мокша языке 2016

⁷ Вдь кемаень пуромксть мельге ваныти, кода Шкаень кудть тевонзон вятиенцты, эряви улемс аф муворукс, прянь вярьге аф кепсикс, вишкста кяжс аф сувайкс, аф симикс, аф тюрикс и ярмакнень мельге аф панцикс.

Павелонь сёрмац Титонди 1:7 ပူးပေါင်းရင်းမြစ်များ

Матфей 24:45

«Уледа ёню и кулхцонды покодить лаца, конань азорсь путозе сембе покодиензон лангса оцюнякс – эсь пингстонза ярхцамбялень макссема.

Лука 12:42

Азорсь мярьгсь: «Уледа ёню и кулхцонды кудвятить лаца, конань азорсь апак пельхть путозе сембе покодиензон лангс оцюнякс и кошардозе эрявикс пингста явондомс тейст ярхцамбяльть.

Павелонь сёрмац Ефесу 5:18

И тяда симе винада иредемас, сяс мес сонь эздонза лисихть аньцек визьксонь тефт-мяльхть. Меколанкт, пяшкодеда Иняру Ваймопожфса:

Павелонь сёрмац Филиппав 1:1

Павел и Тимофей, Христос Иисусонь покодиенза, кучихть пара вал сембе иняру ломаттненди, конат Христос Иисуссот и эряйхть Филиппа ошса, тяфта жа кемаень пуромксть мельге ваныхненди и кемаень пуромксонь лездыхненди.

Павелонь сёрмац Титонди 1:5

Вага мезенди мон кадыхтень тонь Критса: тейть эряви ладямс ся тефнень, конат педа-пес апак тикт, и путомс сембе ошева кемаень пуромксонь оцюнят, кода мон тейть мярьгондень.

Павелонь сёрмац Титонди 2:3

Тяфта жа сире аватнендивок прясна эряви вятемс кода ладяй иняруфненди, аф васькафнемс ломанень лангс, аф прафтомс симомати, а тонафнемс парошити.

Пёторонь васенце сёрмац 4:10

Катк эрсь тинь эздонт покоди-лезды фкя-фкянди ся казнеса, конань тейнза максозе Шкайсь. Эста тинь, кода цебярь покодихне, видеста нолдасасть тевс Шкайть эрь кодама пароказненц.

Пёторонь васенце сёрмац 5:2

ванода Шкайть стаданц мельге, кона максф тейнть. Ванода сонь мельганза седи ваксста, оцю мяльса, кода кельгсы Шкайсь, но аф сянкса, мес тинь кошардодязь тянди, и аф казненкса.

Пёторонь омбоце сёрмац 2:10

а сембода пяк сятнень, конат якайхть ронгть аф ару мялензон-арьсеманзон мельге и мезькска аф лувсазь Шкайть азорксшинц. Синь аш визькссна, синь тиендихть стане, кода синцень мяльсна, и синь аф пелихть сялдомс менелень вийхнень,