Павелонь сёрмац Титонди 1:5 - Од Соткс Новый Завет на мордовском-мокша языке 2016

⁵ Вага мезенди мон кадыхтень тонь Критса: тейть эряви ладямс ся тефнень, конат педа-пес апак тикт, и путомс сембе ошева кемаень пуромксонь оцюнят, кода мон тейть мярьгондень.

Павелонь сёрмац Титонди 1:5 ပူးပေါင်းရင်းမြစ်များ

Апостолхнень тевсна 11:30

Тяфта синь и тисть, и Варнавань и Саволонь вельде кучезь кемаень пуромксонь оцюнятненди кочкаф лезксть.

Апостолхнень тевсна 14:23

Апостолхне кочксесть тейст оцюнят эрь кемаень пуромксса, путнезь лангозост кядьснон и, озондомада и постта меле, макссезь Азорти ванфтомс синь, Азорти, конанди сят кармасть кемама.

Апостолхнень тевсна 2:11

Критонь и Аравиянь эряйхть. И сембе минь кульсаськ, кода синь корхтайхть Шкаень оцюдонга оцю тефнень колга минь кяльсонк!»

Апостолхнень тевсна 27:12

А сяс мес лоткама вастсь ашезь кондясте тялонь ащеманди, ламонцне аноктольхть уемс сяда тов, тяряфтомс пачкодемс Финику и ётафтомс тялоть тоса. Финиксь ульсь Критса оцю венчень лотксема вастокс, кона уфсевсь и лямбе-шивалгома ширде и кельме-шивалгома ширде.

Апостолхнень тевсна 27:13

И вов, мзярда уфазевсь лямбе ширдень тёждя варманя, синь арьсесть-тисть, кле, тевоньке лиси, кеподезь лоткамань кячказснон и тусть уезь Критть вакска, трвать малава.

Апостолхнень тевсна 27:21

Оцю венчса кунара ни кивок мезьдонга ашезь ярхца. Эста Павел арась ломаттнень ёткс и мярьгсь: «Ялгат, тейнть эряволь кулхцондомс монь и аф кадондомс Критть, эста вакска ёталемазь ня зияттне и юмафксне.

Апостолхнень тевсна 27:7

Мзярошка ши минь валомне уеме и, меколи, стакаста маладоме Книд ошти. Вармась ашемазь нолда уемс сяка шири, сяс минь уеме Критть аф уфави ширьганза Салмонть вакска.

Павелонь васенце сёрмац Коринфу 11:34

Кда кие вачеда, катк инголькиге ярхцай кудса, тяфта тинь марса кочксеманте аф улихть тейнть судендаманди. Лия тефнень ладясайне, мзярда саян.

Павелонь васенце сёрмац Коринфу 14:40

сембось тя тиендевоза видеста и ладяфть коряс.

Павелонь васенце сёрмац Коринфу 4:17

Тянкса мон кучине тейнть Тимофеень, конань мон кельгса и лувондса эстейне ваймопожфонь коряс цёракс, и конань лангс ули кода надиямс. Сон лятфтасы тейнть, кода мон эрян Христость эса и кода тонафтан сембе вастова, кемаень сембе пуромкснень эса.

Павелонь сёрмац Колоссав 2:5

Катк монь ронгозе аф мархтонт, но ваймозе мархтонт. Мон кеняртькшнян, мзярда няйса тинь марса ащемантень и тинь кеме кемамантень Христости.

Павелонь васенце сёрмац Тимофеенди 1:3

Македонияв тумстон мон мярьгонь тейть илядомс Ефесса и тоса кардамс кой-кона ломаттнень: катк аф пачфнихть лия тонафтомат,

Павелонь омбоце сёрмац Тимофеенди 2:2

И ся, мезе кулеть монь эздон лама ломанень инголе, пачфтьк валонь кирди кемайхненди, конат маштольхть тонафтомс и лиятненьге.

Павелонь сёрмац Титонди 1:12

Критса эряйхнень эзда фкясь, конань синь лувсазь смузю тонафтыкс, мярьгсь колгаст: «Критонь эряйхне фалу васькафнихть, кяжи жуватат и нолат, аф топафтови пект!»