Павелонь сёрмац Титонди 1:11 - Од Соткс Новый Завет на мордовском-мокша языке 2016

¹¹ Тяфтапнень кургсна эрявихть пякстамс, сяс мес синь вятнихть тапарямас марнек кутт, тонафтомок сянди, мезенди аф эряви. Синь ярмаконь сюнеда аф виздезь тиендьсазь тянь.

Павелонь сёрмац Титонди 1:11 ပူးပေါင်းရင်းမြစ်များ

Матфей 23:13

«Кальдяв тейнть, койти тонафтыхть и фарисейхть! Шамафксонь каннихть! Тинь сёлгондсасть ломаттнень эзда Менелень Оцязорксшить. Тинцьке аф сувсетяда и сятненьге, кинь мяльсна сувамс, аф нолясасть.

Лука 20:40

Тяда меле синь кяльсна ашезь шарфтов кизефнемс Иисусонь мезеньге колга.

Иоанн 10:12

А мзярда сивотьф ванысь, конань учанза аф сонценнет, няйсы малады врьгазть, сон кадсыне учатнень и ворьгоди. Врьгазсь салсесыне учатнень и срафнесыне синь.

Павелонь сёрмац Риму 3:19

Но минь содасаськ, сембось, мезень колга тяса корхтай койсь, азф сятненди, кит эряйхть койть коряс. Сяс киньге аф панжеви кургоц эсь прянь араламанкса. Марнек масторлангсь мувору Шкайть инголе.

Павелонь омбоце сёрмац Коринфу 11:10

Христость видешинц коряс, кона ули монь эсон, азса: Ахаиянь масторса киндинге аф лоткафтови монь тя прянь шнамазе.

Павелонь васенце сёрмац Тимофеенди 5:13

Тяфта жа кудста кудс яказь, синь тонадыхть нолашити, и аф аньцек нолашити, нинге корхтафтомати, ломанень тевс эцемати и азонкшнемс сянь, мезе аф эряви.

Павелонь васенце сёрмац Тимофеенди 5:4

Кда удавать улихть шабанза али уноконза, эста тейст васендакиге эряви няфтемс кемамаснон тевса: катк тонафнихть лездомс эсьснонды и тяфта пандсазь тядятнень-алятнень парснон: вдь тя Шкайть мялезонза.

Павелонь васенце сёрмац Тимофеенди 6:5

пефтома пялькстомас стама ломаттнень ёткса, конатнень ёньцна колаф и конатне юмафтозь видешить. Синь арьсихть: бта Шкайть мяленц коряс эрямась – тя ки, кона вяти козяшити. Ворьготькшнек тяфтапнень эзда.

Павелонь омбоце сёрмац Тимофеенди 2:18

Синь потасть видешить эзда, корхтамок, бта кулофнень эзда вельмамась ульсь ни и тяфта синь колсесазь кой-конатнень кемамаснон.

Павелонь омбоце сёрмац Тимофеенди 3:6

Ётксост улихть тяфтапт, конат салава сувсихть кудга и васькафнесазь аватнень, конат вайсихть пеже потмоса и вятневихть эрь кодама визькс мяльса.

Павелонь сёрмац Титонди 1:7

Вдь кемаень пуромксть мельге ваныти, кода Шкаень кудть тевонзон вятиенцты, эряви улемс аф муворукс, прянь вярьге аф кепсикс, вишкста кяжс аф сувайкс, аф симикс, аф тюрикс и ярмакнень мельге аф панцикс.

Павелонь сёрмац Титонди 1:9

Тейнза эряви ванфнемс видешинь валть, конанди сон ульсь тонафтф. Тяфта, шумбра тонафтомать вельде сон машты виияфтомс ломаттнень, а каршек молихненди няфтемс синь аф видешиснон.

Павелонь сёрмац Титонди 3:10

А сянь, кие калафты кемаень пуромкс, кардак весть-кафксть и сяда меле аертт эздонза.