Павелонь сёрмац Риму 8:3 - Од Соткс Новый Завет на мордовском-мокша языке 2016

³ Мезе ульсь аф вийс коре койти, кона лафчель минь колаф обуцяньконь сюнеда, сянь тиезе Шкайсь. Сон озксказнекс минь пеженьконь инкса кучезе масторлангти Эсь фкя-тяка Цёранц, конань ронгоц ульсь пежу ломаттнень ронгснон лаца. Тяфта Сон судендазе ломанень пежеть Христость ронгонц вельде.

Павелонь сёрмац Риму 8:3 ပူးပေါင်းရင်းမြစ်များ

Марк 15:27

Мархтонза эськодсть кафта салси-шавонды алят, фкять види, омбоцеть кержи ширезонза.

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 9:24

Эста омбоцеда тердезь ся ломанть, кона сокороль, и мярьгсть тейнза: «Макст Шкайть инголе вал корхтамс видеть. Минь содасаськ: Ся Ломанць пежес суваф».

Апостолхнень тевсна 13:39

Сонь вельденза нолдавихть пеженза эрть, кие кемай Тейнза.

Павелонь сёрмац Риму 3:20

Вдь кивок Сонь инголенза аф лувови видексшинь ломанькс сянкса, мес тиенди койть кошардоманзон коряс. Койть вельде ломанти аньцек шарьхкодеви пежесь.

Павелонь сёрмац Риму 6:6

вдь минь содасаськ: ташта ломаненьке эськотьф Христость мархта крёз лангс минь пежу обуцяньконь виенц юмафтоманкса, афолеме уле пежети урекс.

Павелонь сёрмац Риму 7:18

Мон содаса: монь эсон, лиякс мярьгомс, колаф обуцясон, аш мезевок цебярь. Монь мялезе тиемс пара, но сон тейне аф тиеви.

Павелонь сёрмац Риму 8:32

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?

Павелонь сёрмац Риму 9:3

ялганень – фкя веронь ломаннень инкса! Сяда пароль эстейне улемс вастозост сюдофокс и Христость эзда явфокс.

Павелонь омбоце сёрмац Коринфу 5:21

Шкайсь путозе муворшить сембе минь пеженьконь инкса Христость лангс, конань прокс ашельхть пеженза. Тянь вельде Христосса минь араме видексшинь ломанькс Шкайть инголе.

Павелонь сёрмац Галатияв 3:13

Христос минь нолдамазь койть сюдоманц эзда. Сон минь вастозонк сявозе тя сюдомать Эсь лангозонза. Тя азф Сёрматфксса: «Сюдоф эрсь, кие повфтаф шуфтти».

Павелонь сёрмац Галатияв 3:21

Лисенди, койсь ащи каршек Шкаень надияфтоматненди? Прокс аф! Кда максоволь кой, кона казель эряф, эста видексшись афкукс максоволь койть вельде.

Павелонь сёрмац Филиппав 2:7

меколанкт, Сон шамдозе Эсь прянц. Сон арась уре лаца и шачсь ломанькс, и эрясь кода ломань ломаттнень ёткса.

Еврейхненди сёрмась 10:12

А вага Христос весть и сембе пинкненди кандсь аньцек фкя озксказне пежетнень инкса и тяда меле озась Шкайть види ширезонза.

Еврейхненди сёрмась 10:14

Вдь фкя озксказне вельде Сон тиезень пефтома пингс афсатыксфтомокс сятнень, конат иняруяфтовихть.

Еврейхненди сёрмась 2:14

Ня иттне ащихть ронгста и верста, сяс Иисусовок арась синь лацост. И тяфта, куломать вельде Сон машфтозе вийда сянь, конань ули азорксшиц куломать лангса, лиякс мярьгомс, идемэвозть,

Еврейхненди сёрмась 2:17

Сяс Иисусонди эрявсь сембоса арамс брадонзон лаца. Эста Сон маштоль покодемс кельгозь ужяльди озксвятиень оцюнякс, кона тиенди Шкайть мяленц коряс, и маштоль максомс Эсь прянц озксказнекс ломаттнень пежеснон идемаснон-рамамаснон инкса.

Еврейхненди сёрмась 4:15

Вдь минь Озксвятиень оцюняньке аф стама, конанди афоль шарьхкодев минь лафчашиньке, меколанкт, Сон минь лацонк ульсь варжаф сембоса, аньцек Сон ашезь тие кодамовок пеже.

Пёторонь васенце сёрмац 2:24

Сон Сонць Эсь ронгсонза кеподезень минь пеженьконь крёз лангс вов мезенкса: кадомок пеженьконь, эрялеме видексшить коряс. Сонь сярятьфксонзон-аржензон вельде тинь уледе пчкафтфт.