Павелонь сёрмац Риму 8:1 - Од Соткс Новый Завет на мордовском-мокша языке 2016

¹ Тяни аш кодамонга судендама сятненди, конат Иисус Христость эса эряйхть аф колаф обуцять, а Ваймопожфть коряс,

Павелонь сёрмац Риму 8:1 ပူးပေါင်းရင်းမြစ်များ

Иоанн 14:20

Ся шиня тинь карматада содамонза: Мон Алязень эсан, тиньге Монь эсонотада, Монга эсонтан.

Иоанн 15:4

Уледа Монь эсон, Монга улян тинь эсонт. Кода тараткясь почкфтома сонць аф канды имошт, стане тиньге аф канттада имошт, кда аф ульхтяда Монь эсон.

Иоанн 5:24

Видеста корхтан тейнть: кие кулхцондсы Монь валозень и кемай Монь Кучиезти, сянь ули пефтома эряфоц. Сон аф ули судендаф, сон ни ётась куломать эзда эряфти.

Павелонь сёрмац Риму 16:3

Азода пара вал Прискилланди и Акиланди, мархтон марса Иисус Христости покодихненди,

Павелонь сёрмац Риму 16:7

Пара вал Андрониконди и Юниянди, монцень масторстон ломаттненди, конат мархтон ульсть пякстамгудса и конат лац содафт апостолхнень ёткса, и конат мондедон инголе кармасть кемама Христости.

Павелонь сёрмац Риму 5:1

Тяни минь лувфтама кемамать инкса видексшинь ломанькс, и сяс ладязь эрятама Шкайть мархта Иисус Христос Азороньконь вельде.

Павелонь сёрмац Риму 5:16

Фкя ломанть пежец коданга аф путови Шкаень казнеть ваксс. Сяс мес фкя зияну тевть инкса ульсь суд, кона судендась молемс аду, а Шкаень пароказнесь макссь сембе пежетнень эзда лихтема и видексшинь ломанькс арама.

Павелонь сёрмац Риму 7:17

Сяс лисенди, тиись аф мон, а потмосон эряй пежесь.

Павелонь сёрмац Риму 7:20

Но кда мон тиендьса сянь, мезе аш мялезе, лисенди, тянь тиендьса аф мон, а пежесь, кона эряй потмосон.

Павелонь сёрмац Риму 8:11

И кда эсонт эряй Сянь Ваймопожфоц, кие вельмафтозе Иисусонь кулофнень эзда, эста Иисус Христость Вельмафтыец вельмафтсыне тиньге кула ронгонтень Эсь Ваймопожфсонза, кона эряй тинь эсонт.

Павелонь сёрмац Риму 8:14

Сембе сят, конатнень вятьсыне Шкаень Ваймопожфсь – сембе синь Шкаень итть.

Павелонь сёрмац Риму 8:2

сяс мес Ваймопожфонь койсь, кона кази эряф Иисус Христость эса, мянтьфтемань пежень и куломань койть эзда.

Павелонь сёрмац Риму 8:34

Кинь ули виец судендамс синь аду? Киньге аш! Вдь Иисус Христос кулось, но тя аф сембе: Сон кулофнень эзда вельмафтфоль и тяни ащи Шкайть види кяденц ширеса, и озонды-эняльди минь инксонк.

Павелонь сёрмац Риму 8:39

аф вярдень вийхне, аф алдонь вийхне – аф явфтсамазь минь Шкаень кельгомать эзда, конань Сон няфтезе Иисус Христос Азороньконь вельде!

Павелонь сёрмац Риму 8:4

Сон тянь тиезе: пяшкодевольхть коень виде вешфксне минь эсонк, конат эряйхть Ваймопожфть коряс, а аф колаф обуцятнень коряс.

Павелонь сёрмац Риму 8:9

Но тинь вдь эрятада аф колаф обуцянтень коряс, а Ваймопожфть коряс, кда аньцек Шкаень Ваймопожфсь эряй эсонт. А кинь эсонза аш Христость Ваймопожфоц, ся аф Сонне.

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Павелонь васенце сёрмац Коринфу 15:22

И кода Адамонь эса сембе кулсихть, тяфта Христосса сембе мрдафтовихть эряфти.

Павелонь омбоце сёрмац Коринфу 12:2

Содан Христости кемай ломань, кона кемнилие кизода инголи кепотьфоль инь вяри, мянь колмоце менельть самс. Кодамкс сон тоза повсь: ронгса али ронгфтома – аф содаса, Шкайсь тянь содасы.

Павелонь омбоце сёрмац Коринфу 5:17

Ся, кие Христость эса, ся – од тифкс; сембе таштсь ётась, и тяни, вов, сась одсь!

Павелонь сёрмац Галатияв 3:13

Христос минь нолдамазь койть сюдоманц эзда. Сон минь вастозонк сявозе тя сюдомать Эсь лангозонза. Тя азф Сёрматфксса: «Сюдоф эрсь, кие повфтаф шуфтти».

Павелонь сёрмац Галатияв 3:26

Тяфта, сембе тинь араде Шкаень идькс Христос Иисусонди кемамать вельде.

Павелонь сёрмац Галатияв 3:28

И аш тяни аф еврей, аф лия тналонь ломань; аф уре, аф воляшистонь; аф аля, аф ава, сяс мес сембе тинь сотоводе фкя-фкянь мархта и тиеводе кода фкя ломань Христос Иисусонь эса.

Павелонь сёрмац Галатияв 5:16

Мон корхтан тейнть: эряда Ваймопожфть коряс, и эста тинь аф карматада якама пежу обуцянтень мельге.

Павелонь сёрмац Галатияв 5:25

И кда минь эрятама Ваймопожфть коряс, эста тейнек эряви тиендемска Ваймопожфть вятеманц коряс.

Павелонь сёрмац Ефесу 1:1

Павел, Шкайть мяленц коряс Иисус Христость апостолоц, кучи пара вал Ефесса эряй иняру ломаттненди, конат ванфнесазь эсь кемамаснон Иисус Христости.

Павелонь сёрмац Филиппав 3:9

Монь мялезе улемс марнек Христость эса и аф эсь видексшизень мархта, кона койть эзда, аф, а ся видексшить мархта, кона максови тейнек Христости кемамать вельде и конань Шкайсь макссы сятненди, кит кемайхть Тейнза.