Павелонь сёрмац Риму 7:6 - Од Соткс Новый Завет на мордовском-мокша языке 2016

⁶ А тяни минь куломе койти, кона тяда инголе кирдемазь эсь кядялонза. Тяфта минь мянеме койть эзда и тяни покоттяма Шкайти одкстоптф Ваймопожфса, а аф кода инголи, мзярда минь эряме сёрматф койть коряс.

Павелонь сёрмац Риму 7:6 ပူးပေါင်းရင်းမြစ်များ

Павелонь сёрмац Риму 1:9

Мон Шкайти сединек-ваймонек покодян, азондомок Пара кулять Сонь Цёранц колга. Сон няйсы-содасы: мон фалу лятфнетядязь тинь

Павелонь сёрмац Риму 12:2

Тяда эря стане, кода эряйхть тяни тя масторлангса, но эсь ёнентень-мялентень одкстоптоманц вельде полафтость седиентень. Эста тейнть шарьхкодеви Шкайть мялец: мезсь пара, мезсь Сонь мялезонза и мезсь афсатыксфтома.

Павелонь сёрмац Риму 6:11

Тяконь лаца тиньге, конат сотфт Иисус Христос Азороньконь мархта, лувость прянтень кулофокс пежети, но шистоннекс Шкайти.

Павелонь сёрмац Риму 6:19

Мон тянь корхтаса стама кяльса, кона сяда шарьхкодеви тейнть. И кода тинь мзярда-бди максость прянтень урексшис аф арушити и койфтомошити – тиендемс койфтома тефт, тяфта тяни максость ронгонтень урексшис видешити – тиендемс иняру тефт.

Павелонь сёрмац Риму 6:2

Вдь минь куломе пежети – кода ина тейнек тага эрямс пежеса?

Павелонь сёрмац Риму 6:22

Но тяни, мзярда тинь нолдафтада воляшис пежеть эзда и араде Шкайти урекс, тинь сяводе аруши, конань песта тейнть максови пефтома пингонь эряфсь.

Павелонь сёрмац Риму 6:4

Тяфта, кстиндамста минь куломе Сонь мархтонза и улеме калмафт мархтонза ва мес: кода Христос вельмафтфоль кулофста Алянц инь оцюшинц вийса, тяка лаца миньге карматама эряма од эряфса.

Павелонь сёрмац Риму 7:1

Кемай ялгат, (мон корхтан сятненди, конат содасазь койть), дяряй тинь аф содасасть, койсь азорондай ломанть лангса аньцек мзярда сон шиса?

Павелонь сёрмац Риму 7:2

Кепотьксонди, койсь сотнесы рьвакс туф авать мирденцты, мзярс ся шиса. Но кулондяряй мирдсь, авась мяни воляс койть эзда, кона сотнекшнезе мирденцты.

Павелонь сёрмац Риму 7:4

Тякось тиньге мархтонт, кемай ялгане: Христость куломста тиньге, кода Сонь ронгонь пяльксонза, кулоде койти. Тяфта тинь Лияти максфтада, Сянди, кие ульсь вельмафтф кулофнень эзда. И тяфта тейнек ули кода покодемс Шкайти.

Павелонь омбоце сёрмац Коринфу 3:6

Сон тяфта жа макссь тейнек маштомаши улемс од сотксонь покодикс. Тя сотксть юрсонза – аф койть букванза, а Ваймопожфсь. Вдь буквась канды кулома, а Ваймопожфсь максы эряф.

Павелонь омбоце сёрмац Коринфу 5:17

Ся, кие Христость эса, ся – од тифкс; сембе таштсь ётась, и тяни, вов, сась одсь!

Павелонь сёрмац Галатияв 3:13

Христос минь нолдамазь койть сюдоманц эзда. Сон минь вастозонк сявозе тя сюдомать Эсь лангозонза. Тя азф Сёрматфксса: «Сюдоф эрсь, кие повфтаф шуфтти».

Павелонь сёрмац Галатияв 6:15

Вдь керфат тон али аф, тя мезевок аш Иисус Христосонь эса. Сембода эрявикссь – эряви арамс Шкаень од тифокс.

Павелонь сёрмац Ефесу 4:24

и щамс эсь лангозонт од ломань, кона тиф Шкайть коряс, афкуксонь видексшиса и инярушиса.

Павелонь сёрмац Филиппав 3:3

Вдь афкуксонь керфне – тя минь, сяс мес минь сюконятама-покоттяма Шкайти Иняру Ваймопожфса, шнафттама пря Христос Иисусса и аф надиятама ломанень обуцятнень лангс.

Павелонь сёрмац Колоссав 3:10

и щафтоде эсь лангозонт од ломань, кона шиста-шис одкстомкшни. Тянь вельде тейнть сяда лац шарьхкодеви-содави Шкайсь, минь Тииеньке, и тинь аратада Сонь лацонза.