Павелонь сёрмац Риму 7:5 - Од Соткс Новый Завет на мордовском-мокша языке 2016

⁵ Мзярда минь эряме колаф обуцяньконь коряс, эста пежу мяльхнень, конатнень крьвяснезень койсь, ульсть вийсна ронгоньконь лангса, и синь покодсть аньцек куломати.

Павелонь сёрмац Риму 7:5 ပူးပေါင်းရင်းမြစ်များ

Матфей 15:19

Сяс мес ломанень седиста лисихть кальдяв мяльхне-арьсематне, шавоматне, полань полафтоматне, усксевоматне, саламатне, лиянь лангс васькафнематне и сялдоматне.

Иоанн 3:6

Ломаньцта шачфсь – ломань; Ваймопожфста шачфсь – ваймопожф.

Павелонь сёрмац Риму 1:26

Тянкса Шкайсь и максозень синь визькс мялень топафтомать кядялу. Авась ава мархта прашенды визькс тевс, мезсь моли эряфонь койть каршес.

Павелонь сёрмац Риму 3:20

Вдь кивок Сонь инголенза аф лувови видексшинь ломанькс сянкса, мес тиенди койть кошардоманзон коряс. Койть вельде ломанти аньцек шарьхкодеви пежесь.

Павелонь сёрмац Риму 4:15

Койсь таргай эсь мельганза Шкаень кяж; коса аш кой, тоса аш сонь колсемацка.

Павелонь сёрмац Риму 5:20

Но Моисеень коец максфоль меле, и вельденза ламолгодсь пежесь. А мзярда ламолгодсь пежесь, эста сяда пяк ламолгодсь Шкаень пароказнеське.

Павелонь сёрмац Риму 6:13

Тясть макссе пежети ронгонь кодамонга пяльксонтень кярьмодемакс кальдявонь тиеманди. Тянь вастс максость прянтень Шкайти, кода ломатть, конат ётасть куломаста эряфти. Эсь ронгонь пяльксонтеньге максость Шкайти кярьмодемакс пара тевонь тиеманди.

Павелонь сёрмац Риму 6:19

Мон тянь корхтаса стама кяльса, кона сяда шарьхкодеви тейнть. И кода тинь мзярда-бди максость прянтень урексшис аф арушити и койфтомошити – тиендемс койфтома тефт, тяфта тяни максость ронгонтень урексшис видешити – тиендемс иняру тефт.

Павелонь сёрмац Риму 6:21

Кодама лезкс тянь эзда тинь сяводе? Сяводе сянь, мезьда тяни визттяда, сяс мес сонь пец – тя куломась.

Павелонь сёрмац Риму 6:23

Питнесь, кона пантфтови пежень тиеманкса, – кулома, а Шкаень казнесь – пефтома эряма Иисус Христос Азороньконь мархта.

Павелонь сёрмац Риму 7:23

но ронгсон мон няян лия кой, кона тюри монь потмонь ёнезень мархта. Сон тиендьсамань монь урекс пежеть коенцты, кона покоди монь ронгсон.

Павелонь васенце сёрмац Коринфу 15:56

Куломать пупамац – тя пежесь, а пежеть виец койса.

Павелонь омбоце сёрмац Коринфу 10:3

Хуш минь и эрятама тя масторлангса, но аф тя масторлангонь ломаттнень лаца тюрьхтяма.

Павелонь сёрмац Галатияв 3:10

А сембонь сятнень, кит нежетькшнихть койть коряс тиф тефнень лангс, учсыне сюдома. Вдь Сёрматфксса азф: «Сюдови эрь ломанць, кона аф пяшкодьсы семботь, мезе сёрматф коень книгаса».

Павелонь сёрмац Галатияв 5:24

Сят, конат Христосонь ломатть, крёз лангс эськодезь ломанень пежу обуцять сембе визьксонь и кальдяв мялензон мархта.

Павелонь сёрмац Ефесу 2:11

Сяс мяляфтость, кикс тинь уледе инголи. Тинь шачема коряс уледе лия ломаньтналоннет и тинь лемнедезь «апак керфокс» сят, конат кядьса тиф ронгонь киськопень керомать вельде лемдевихть «керфокс».

Павелонь сёрмац Ефесу 2:3

Синь ётксост сембе миньге инголи эряме эсь ронгонь пежу мяленьконь-арьсеманьконь коряс, топафнемок ронгоньконь и мяленьконь. Сяс миньге, тя обуцяньконь инкса, улеме сембонь лаца Шкайть кяженц ала.

Павелонь сёрмац Колоссав 3:5

Сяс, кулофтость эсь эсонт сянь, мезсь масторлангонне: усксевомать, аф арушить, визькс мяльхнень, кяжи ёраматнень и ярмаконь кельгомать, кона фкя сяка аф афкуксонь шкаенди сюконямать-покодемать мархта.

Павелонь сёрмац Титонди 3:3

Вдь минь минцьке мзярда-бди ашеме шарьхкоде, ашеме кулхцонда, минь улеме васькафтфт-эрьготьфт, улеме урекс эрь кодама пежу таколдоматненди и синь топафтомаснонды. Минь эряме кяжса и сельмонь каязь, улеме нильготьксокс и прокс афолеме няе фкя-фкянь.

Иаковонь сёрмац 1:15

Мзярда ня мяльхне-арьсематне эвондайхть, синь шачфтыхть пеже, а мзярда пежесь касы-кемокстай, сон канды кулома.

Иаковонь сёрмац 4:1

Коста ина тинь ётксонт сявондевихть фкя-фкянь лангс врьгятнематне и сялондоматне? Дяряй аф визьксонь мялентень эзда, конат тюрихть ронгсонт.

Иоаннонь васенце сёрмац 3:4

Эрсь, кие тиенди пежет, колсесы Шкайть коенц, вдь пежесь – тя коень колама.