Павелонь сёрмац Риму 7:23 - Од Соткс Новый Завет на мордовском-мокша языке 2016

²³ но ронгсон мон няян лия кой, кона тюри монь потмонь ёнезень мархта. Сон тиендьсамань монь урекс пежеть коенцты, кона покоди монь ронгсон.

Павелонь сёрмац Риму 7:23 ပူးပေါင်းရင်းမြစ်များ

Павелонь сёрмац Риму 6:13

Тясть макссе пежети ронгонь кодамонга пяльксонтень кярьмодемакс кальдявонь тиеманди. Тянь вастс максость прянтень Шкайти, кода ломатть, конат ётасть куломаста эряфти. Эсь ронгонь пяльксонтеньге максость Шкайти кярьмодемакс пара тевонь тиеманди.

Павелонь сёрмац Риму 6:19

Мон тянь корхтаса стама кяльса, кона сяда шарьхкодеви тейнть. И кода тинь мзярда-бди максость прянтень урексшис аф арушити и койфтомошити – тиендемс койфтома тефт, тяфта тяни максость ронгонтень урексшис видешити – тиендемс иняру тефт.

Павелонь сёрмац Риму 7:14

Вдь минь содасаськ, койсь Ваймопожфонь. А мон ломанян ронгонек-пондонек и мифан урексшис пежети.

Павелонь сёрмац Риму 7:21

Тяфта, мон панжень эсьсон кой: мзярда ёран тиемс кодамовок цебярь, монь эздон лиси кальдяв.

Павелонь сёрмац Риму 7:25

Сюконян Шкаезти – Сон мянтьфтемань монь Иисус Христос Азороньконь вельде! Лисенди тяфта, эсь потмован мон покодян Шкайть коенцты, а эсь колаф обуцязень коряс – пежень койти.

Павелонь сёрмац Риму 7:5

Мзярда минь эряме колаф обуцяньконь коряс, эста пежу мяльхнень, конатнень крьвяснезень койсь, ульсть вийсна ронгоньконь лангса, и синь покодсть аньцек куломати.

Павелонь сёрмац Риму 8:2

сяс мес Ваймопожфонь койсь, кона кази эряф Иисус Христость эса, мянтьфтемань пежень и куломань койть эзда.

Павелонь сёрмац Галатияв 5:17

Пежу обуцянте кепси Ваймопожфть каршес, а Ваймопожфсь – пежу обуцянтень каршес. Синь фалу каршект фкя-фкянди. Сяс тинь тиендьсасть аф сянь, мезе мяленте тиемс.

Еврейхненди сёрмась 12:4

Тинь нинге ашесть вала веронтень тюремаса пежеть каршек.

Иаковонь сёрмац 3:2

Минь сембе тиенттяма лама пежеда. А кие корхтамста аф тии пеже, ся сембе ширде цебярь ломань, конанди овстави марнек ронгоцка.

Иаковонь сёрмац 4:1

Коста ина тинь ётксонт сявондевихть фкя-фкянь лангс врьгятнематне и сялондоматне? Дяряй аф визьксонь мялентень эзда, конат тюрихть ронгсонт.

Пёторонь васенце сёрмац 2:11

Кельгома ялгат, эняльдян тейнть, кода нюрьхкяня пингонди лия масторста сафненди, тяда вятнев ронгть визькс мялензон-арьсеманзон мельге, конат молихть ваймонтень каршек.