Павелонь сёрмац Риму 7:14 - Од Соткс Новый Завет на мордовском-мокша языке 2016

¹⁴ Вдь минь содасаськ, койсь Ваймопожфонь. А мон ломанян ронгонек-пондонек и мифан урексшис пежети.

Павелонь сёрмац Риму 7:14 ပူးပေါင်းရင်းမြစ်များ

Матфей 16:23

Иисус шарфтсь и мярьгсь Пёторонди: «Аертт ваксстон, Сатана! Тон шорсят Тейне ки лангсон, тонь мяльхне-арьсематне ломанень, а аф Шкайть эзда».

Матфей 18:25

Покодити ашель мезьса пандомс, сяс оцязорсь мярьгсь мимс сонь, рьванцка, шабанзонга и сембонц, мезец ульсь, и пандомс шумонц.

Матфей 5:22

А Мон корхтан тейнть: эрсь, кие туфталфтома кяжиякшни кемай ялганц лангс, ся ули судендаф; кие мярьги кемай ялганц лангс: "Шава пря", ся судендави Оцю пуромксса; а кие мярьги: "Ёньфтома", ся пови адонь толти.

Матфей 5:28

А Мон корхтан тейнть: ся, кие ваны авать лангс и ёрай удомс мархтонза, ся седисонза полафтозе ни рьванц.

Лука 5:8

Тянь няемста Симон Пётр прась плманжа лангс Иисусонь инголи и мярьгсь: «Азор, архт маластон! Мон ломанць пежуван».

Лука 7:6

Иисус тусь мархтост. Мзярда Сон ни аф ичкозель кудонц эзда, сядонь оцюнясь кучезень ялганзон азомс Тейнза: «Азор, тят томошинда пря. Мон аф кондястян сувафтомс Тонь эсь кудботмозон;

Павелонь сёрмац Риму 3:9

Кода ина эста? Кали минь, еврейхне, ащетяма аф сяда вяре лиятнень коряс? Прокс аф. Минь няфтеськ ни: сембе ломаттне, еврейхть синь али лия ломаньтналонь, сембе синь пежеть алот.

Павелонь сёрмац Риму 6:6

вдь минь содасаськ: ташта ломаненьке эськотьф Христость мархта крёз лангс минь пежу обуцяньконь виенц юмафтоманкса, афолеме уле пежети урекс.

Павелонь сёрмац Риму 7:18

Мон содаса: монь эсон, лиякс мярьгомс, колаф обуцясон, аш мезевок цебярь. Монь мялезе тиемс пара, но сон тейне аф тиеви.

Павелонь сёрмац Галатияв 4:3

Тяфта миньге, мзярс ашеме ара кемайкс, улеме шаба лаца, и улеме урекс тя масторонь вяти вийхненди.

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Еврейхненди сёрмась 4:12

Сяс мес Шкаень валсь эряй и вии, и кафцьке пяльде шоваф торда сяда оржа. Сон крхкаста сувай ломанень потмоти и пачкоди мянь тоза, коса ваймось и пожфсь, эзнетне и пакарь уйхне, и машты панжемс седиень мяльхнень и арьсематнень.