Павелонь сёрмац Риму 5:8 - Од Соткс Новый Завет на мордовском-мокша языке 2016

⁸ А Христос кулось минь сембонь инксонк, мзярда минь нинге улеме пежу ломанькс. Тяфта Шкайсь няфтезе тейнек Эсь кельгоманц.

Павелонь сёрмац Риму 5:8 ပူးပေါင်းရင်းမြစ်များ

Иоанн 15:13

Мзярда кивок путсы эсь эряфонц ялганзон инкса – тяда оцю кельгома аф эряй.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Павелонь сёрмац Риму 3:5

А кда минь аф видексшиньке тиендьсы нинге сяда няевиксокс Шкаень видексшить, эста мезе минь астама? Эста пади Шкайсь аф виде, кда шарфнесы Эсь кяженц минь лангозонк? Мон тяса корхтан ломанень арьсемать коряс.

Павелонь сёрмац Риму 4:25

кона максфоль куломас пеженьконь инкса и кона вельмафтфоль минь видексшинь ломанькс лувоманьконь инкса.

Павелонь сёрмац Риму 5:20

Но Моисеень коец максфоль меле, и вельденза ламолгодсь пежесь. А мзярда ламолгодсь пежесь, эста сяда пяк ламолгодсь Шкаень пароказнеське.

Павелонь сёрмац Риму 5:6

Мзярда минь ашель виеньке лездомс эстейнек, Христос ладяф пингть кулось минь инксонк, пежу ломаттнень.

Павелонь сёрмац Риму 5:7

Арьсян пяк стака мумс стама ломань, кона кулоль видексшинь тиить инкса; пади, муви аньцек стама, кие улель анок куломс паронь тии ломаненкса.

Павелонь сёрмац Риму 8:32

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?

Павелонь сёрмац Риму 8:39

аф вярдень вийхне, аф алдонь вийхне – аф явфтсамазь минь Шкаень кельгомать эзда, конань Сон няфтезе Иисус Христос Азороньконь вельде!

Павелонь сёрмац Галатияв 2:20

и эрян ни аф монць, а Христоссь эряй эсон. И мзярс мон эрян тя ронгса, мон эрян кемазь Шкаень Цёрати, кона кельгомань монь и максозе Эсь эряфонц монь инксон.

Павелонь сёрмац Ефесу 2:7

И тянь вельде Сон няфтьсы сай пингонь эряйхненди Эсь козя и аф ункстави пароказненц, ся оцю парошить, конань Сон максозе тейнек Христос Иисусонь вельде.

Павелонь сёрмац Ефесу 5:2

Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

Павелонь васенце сёрмац Тимофеенди 1:16

Но монь, сембодонга пежуть, Шкайсь кельгозь ужяльдемань, сяс мес Сон ёрась няфтемс Эсь куватьс кирдемшканц. И тиемань монь кепотьксокс сятненди, кит кармайхть кемама Тейнза и сувайхть пефтома пингонь эряфти.

Еврейхненди сёрмась 8:3

Эрь озксвятиень оцюнясь путневи казнень и озксказнень каннема; сяс тянь лаца миньге Озксвятиень оцюняньконди эряволь мезевок кандомс озксказнекс.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Иоаннонь васенце сёрмац 3:16

Тяфта минь содаськ, мезе стамсь афкуксонь кельгомась: Христоссь инксонк максозе эряфонц. Сяс тейнековок эряви максомс эряфоньке кемай ялганьконь инкса.