Павелонь сёрмац Риму 5:5 - Од Соткс Новый Завет на мордовском-мокша языке 2016

⁵ А надиямась аф васькафты, сяс мес Шкайсь Эсь кельгоманц валозе минь седиезонк Иняру Ваймопожфть вельде, кона максф тейнек.

Павелонь сёрмац Риму 5:5 ပူးပေါင်းရင်းမြစ်များ

Апостолхнень тевсна 10:45

Еврейхнень ёткста кемайхне, конат састь Пёторонь мархта, прасть дивас, мес Шкайсь валозе Иняру Ваймопожфть лия тналонь ломаттнень лангска.

Апостолхнень тевсна 2:17

"Вов мезе ули мекольдень шитнень, – корхтай Шкайсь, – Мон валса Эсь Ваймопожфозень сембе ломаттнень лангс. И кармайхть пророчендама тинь цёранте и стиренте, од ломаненте кармайхть няема няйфкст, атянте кармайхть няема отт, конат панчсазь сай пингть.

Апостолхнень тевсна 2:33

Шкайсь кеподезе Сонь види кядь ширезонза и максозе Тейнза надияфтф Иняру Ваймопожфть, конань Сон сяльде каязе минь лангозонк. И тинь тяни няйсасть тянь и кульсасть.

Павелонь сёрмац Риму 1:7

Мон кучан пара вал сембе ся римэряйхненди, конатнень кельгсыне Шкайсь и конатнень Сон тердезень улемс иняру ломанькс. Мон арьсян тейнть пароказне и сетьмоши Шкай Аляньконь и Иисус Христос Азороньконь эзда.

Павелонь сёрмац Риму 8:28

А минь содасаськ: сембось шары цебяренди сятненди, кит кельгсазь Шкайть, и конатнень Сон тердезень Эсь мяленц-арьсеманц коряс.

Павелонь сёрмац Риму 9:33

кода тяштьф Сёрматфксса: «Вов, Мон путан Сиону кев, и кармайхть ланганза пупоряма, кев, конань ланга синь прайхть. Но ся, кие кемай Тейнза, аф сувай визькс шамас».

Павелонь васенце сёрмац Коринфу 8:3

Но кда кие кельгсы Шкайть, сянди максовсь содамоши Шкайть эзда.

Павелонь омбоце сёрмац Коринфу 1:22

Сон тяштькстамазь минь Эсь тяштькссонза и максозе Эсь Ваймопожфонц минь седиезонк. Ваймопожфть вельде минь кемоста содасаськ: Сон макссы тейнек сянь, мезе надияфтсь максомс.

Павелонь омбоце сёрмац Коринфу 3:18

И сембе минь, конат аф вельхтяф шамаса ваныхть Азорть иневалдонц вандолдоманц лангс, кода ванома пачк, полафттама, арамок Сонь лацонза. Тянь вельде Сонь иневалдоц сядонга касы минь эсонк. Тянь тиендьсы Азорсь, кона Ваймопожф.

Павелонь омбоце сёрмац Коринфу 4:6

Сонць Шкайсь, кона мярьгсь: «Катк шобдаста валдопты валдсь», – валдоптозе минь седиеньконь. Тяфта Сон макссь тейнек содамоши Эсь иневалдонц колга, кона вандолды Христость шамаса.

Павелонь сёрмац Галатияв 4:6

Тяни ни тиньге Шкаень иттяда. Тянь няфтеманкса Шкайсь кучезе тинь седиезонт Эсь Цёранц Ваймопожфонц, кона тердьсы Шкайть: «Авва! Аляй!»

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Ефесу 1:13

Тиньге араде кемайкс Христости, мзярда кулесть видешинь валть, Пара кулять идемантень колга. И арамок кемайкс Христости, тейнть максовсь надияфтф Иняру Ваймопожфть тяштьксоц.

Павелонь сёрмац Ефесу 4:30

И тясть пичефте Шкайть Иняру Ваймопожфонц, конаса тинь тяштькстафтада Шкаень ломанькс идемань шить самс.

Павелонь сёрмац Филиппав 1:20

Мон сембе седиса учан и надиян: тейне мезенксонга аф сави якстерьготкшнемс визьксть эзда. Меколанкт, мон тянивок, кода и фалу, мезьдонга аф пелезь карман оцюлгофнемонза Христость эсь ронгсон эрямать вельде, али куломать вельде.

Павелонь васенце сёрмац Фессалоникав 4:8

Тяфта, кие шарфты тя тонафтомать эзда, ся аф ломанть эзда шарфты, а Шкайть, кона максозе тейнек Эсь Иняру Ваймопожфонц.

Павелонь омбоце сёрмац Фессалоникав 2:16

Сонць Иисус Христос Азороньке и Шкайсь, минь Аляньке, кона кельгомазь минь и макссь тейнек Эсь пароказнестонза пефтома пингонь ваймафтома-кемокстама и пара надияма,

Павелонь омбоце сёрмац Тимофеенди 1:12

Тянкса мон и кирдьсайне ня сталмотнень, но прокс аф виздьсайне, сяс мес содаса кинди кеман. И кемоста содаса: Сон машты ванфтомс семботь, мезе путф лангозон ся мекольдень шить самс.

Иоаннонь васенце сёрмац 4:19

Минь кельгсаськ Шкайть, сяс мес васенда Шкайсь кельгомазь минь.