Павелонь сёрмац Риму 5:2 - Од Соткс Новый Завет на мордовском-мокша языке 2016

² Тя Сон вятемазь минь кемамать вельде ся пароказнети, конаса минь тяни эрятама-ащетяма. Тяни минь кенярдезь и надиязь учсаськ сянь, мзярда суватама Шкайть мархта Сонь иневалдозонза.

Павелонь сёрмац Риму 5:2 ပူးပေါင်းရင်းမြစ်များ

Матфей 25:21

Азороц корхтай тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, и тяни мон максан тейть сяда оцю тев. Сак азорцень илазонза".

Иоанн 10:7

Сяс Иисус нинге мярьгсь тейст: «Видеста корхтан тейнть: Мон учатненди кенкшан.

Иоанн 10:9

Мон – кенкшсян: Монь эзган сувайсь идесы прянц. Сон сувай и лиси, ванома вастовок муй.

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 5:24

Видеста корхтан тейнть: кие кулхцондсы Монь валозень и кемай Монь Кучиезти, сянь ули пефтома эряфоц. Сон аф ули судендаф, сон ни ётась куломать эзда эряфти.

Апостолхнень тевсна 14:27

Антиохияв самста синь кочказь кемаень пуромксонь сембе ломаттнень и азондозь тейст, мезе Шкайсь тись синь вельдест и кода Сон панжезе лия тналонь ломаттненди кемамань кенкшть.

Павелонь сёрмац Риму 11:20

Пара! Афкукс, синь синдезь аф кемамаснон инкса, а тон кирдят кемамацень вельде. Сяс вельф тяк кепсе пряцень, но пельхть.

Павелонь сёрмац Риму 12:12

Надиямась кандоза тейнть кенярдема, уледа кемот стакашиса и апак лотксек озондода.

Павелонь сёрмац Риму 14:4

Кият тон тяфтамсь лиять покодиенц судендамс? Сон эсь Азоронц инголе стяда ащи али прашенды. Но сон сяка кармай ащема, сяс мес Шкайти вийс коре кирдемс сонь пильге лангса.

Павелонь сёрмац Риму 15:13

Катк Шкайсь, надиямань лихтибрясь, пяшкоттядязь тинь кемамантень вельде оцю кенярдемаса и максы тейнть сетьмоши. Эста тинь надияманте апак лотксек касы-оцюлгоды Шкаень Ваймопожфть виенц вельде.

Павелонь сёрмац Риму 2:7

Сятненди, конат апак сизек тиендихть пара тефт и вешендихть Шкайть эзда шнама, пара лем и аф кулома, Шкайсь максы пефтома эряф;

Павелонь сёрмац Риму 3:23

сяс мес сембе сувасть пежес и кадовсть Шкаень иневалдфтома.

Павелонь сёрмац Риму 5:5

А надиямась аф васькафты, сяс мес Шкайсь Эсь кельгоманц валозе минь седиезонк Иняру Ваймопожфть вельде, кона максф тейнек.

Павелонь сёрмац Риму 8:1

Тяни аш кодамонга судендама сятненди, конат Иисус Христость эса эряйхть аф колаф обуцять, а Ваймопожфть коряс,

Павелонь сёрмац Риму 8:24

Вдь минь идефтяма – тя минь кеме надияманьке. Кда минь надияманьке пяшкодеволь ни, эста афоль уле мезень лангс надиякшнемс. Кие надиякшни сянь лангс, мезец ни ули?

Павелонь васенце сёрмац Коринфу 15:1

Кемай ялгат, мон лятфтаса мялезонт Пара кулять, конань пачфтине тейнть, а тинь сявость сонь и эсонза кемоста ащетяда.

Павелонь омбоце сёрмац Коринфу 3:18

И сембе минь, конат аф вельхтяф шамаса ваныхть Азорть иневалдонц вандолдоманц лангс, кода ванома пачк, полафттама, арамок Сонь лацонза. Тянь вельде Сонь иневалдоц сядонга касы минь эсонк. Тянь тиендьсы Азорсь, кона Ваймопожф.

Павелонь омбоце сёрмац Коринфу 4:17

Вдь ня тёждя и аф кувака маятаманьке каннихть тейнек оцюдонга оцю и пефтома иневалда, конань аш кода ладямска ня маятаматнень ваксс.

Павелонь сёрмац Ефесу 2:18

Сяс мес Сонь вельденза тейнек – еврейхненди и лия ломаньтналхненди – панжевсь кись Аляти, фкя Ваймопожфть вельде.

Павелонь сёрмац Ефесу 3:12

Сонь Эсонза улемать вельде и Тейнза кемамать вельде минь аф пелезь и кемазь машттама пшкядемс Шкайти.

Павелонь сёрмац Ефесу 6:13

Тянь инкса щада марнек тюремань щамса, конань максозе Шкайсь, и тяфта, кяжи шиста, тинь карматада кемоста ащема тейст каршек и, ётамок тюремать педа-пес, кирттяда.

Павелонь омбоце сёрмац Фессалоникав 2:16

Сонць Иисус Христос Азороньке и Шкайсь, минь Аляньке, кона кельгомазь минь и макссь тейнек Эсь пароказнестонза пефтома пингонь ваймафтома-кемокстама и пара надияма,

Еврейхненди сёрмась 3:6

А Христоссь – Шкаень Цёра и Шкаень кудть лангса Азор, кона тиенди Шкайть мяленц коряс. Сонь кудоц – тя минь, кда аньцек минь кемоста и педа-пес ванфтсаськ аф пелемашить и надиямать, конаса минь кенярдезь шнафттама пря.

Еврейхненди сёрмась 6:18

Сяс тяни минь улихть ня кафттне, конат аф полафтыхть и конатнень эса Шкайсь коданга и мзярдонга аф васькафты: тя Шкаень варамась и надияфтомась. Синь кемокстасамазь минь, сятнень, кит музь инголе ащи надиямаса кяшема вастть.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Иоаннонди панчф няйфкс 21:11

Тя ошсь вандолдсь Шкаень иневалдса, и тя вандолфсь ульсь питни кевнянь пиндолдома лаца, кристаллкс ащи яшмань кондяма.

Иоаннонди панчф няйфкс 21:23

Ошти ашесть эряв аф шинь, аф ковонь валдсь, сяс мес сонь валдоптозе Шкайть иневалдоц, и сонь валдоптомац – Верозсь.

Иоаннонди панчф няйфкс 21:3

Мон кулень менельста кайги вайгяль, кона корхтась: «Ванода, Шкайть эряма вастоц ломаттнень ёткса. Сон кармай эряма синь мархтост. И синь арайхть Тейнза ломаньтналкс, и Сонць Шкайсь ули мархтост и кармай улема тейст Шкайкс.

Иоаннонди панчф няйфкс 3:21

Кие сяськи, сянди мярьган озамс Монь мархтон оцязоронь озама вастозон. Тяфта Монга, сяськомок, озань Алязень мархта оцязоронь озама вастозонза.