Павелонь сёрмац Риму 5:18 - Од Соткс Новый Завет на мордовском-мокша языке 2016

¹⁸ Лисенди, кода фкять зияну тевоц судендазень сембе ломаттнень аду, тяка лаца фкять видешинь тевоц тисыне сембонь Шкайть инголе видексшинь ломанькс и кази тейст эряф.

Павелонь сёрмац Риму 5:18 ပူးပေါင်းရင်းမြစ်များ

Иоанн 1:7

Сон сась кулянь пачфтема, Валдть колга азондома, тянь вельде сембе кемальхть.

Иоанн 12:32

И мзярда Мон масторть лангста кеподеван вяри, сембонь сявсайне Эсь ширезон».

Иоанн 3:26

Синь састь Иоаннонь ширес и мярьгсть тейнза: «Равви! Ся, кона ульсь мархтот Иорданть тона ширеса и конань колга тон азондоть, вага Сон кстиндай, и сембе молихть Тейнза».

Апостолхнень тевсна 13:39

Сонь вельденза нолдавихть пеженза эрть, кие кемай Тейнза.

Павелонь сёрмац Риму 3:25

Шкайсь Сонь арафтозе ладямань озксказнекс, конань версонза аруяфтсыне пежетнень эзда сембонь, кит кемайхть Тейнза. Тяфта Шкайсь няфтезе Эсь видексшинц. Оцю кирдемшканц сюнеда Сон ашезь пантфта шума инголи тиф пежетнень инкса. А тяниень пингть Сон няфнесы Эсь видексшинц тяфта: Сон Сонць видексшинь и лувсыне видексшинь ломанькс сятнень, кит кемайхть Иисусти.

Павелонь сёрмац Риму 4:25

кона максфоль куломас пеженьконь инкса и кона вельмафтфоль минь видексшинь ломанькс лувоманьконь инкса.

Павелонь сёрмац Риму 5:12

Кода фкя ломанть вельде масторлангти сувась пежесь, и пежеть мархта куломаське, стане куломаське ётась сембе ломаттнень лангс, сяс мес сембе сувасть пежес.

Павелонь сёрмац Риму 5:15

Но Шкайть казненц аш кода путомс Адамонь зияну тевонц ваксс. Кда фкя ломанть зияну тевоц кандсь кулома лама ломаненди, эста ламодонга сяда оцюфт Шкаень пароказнесь и Сонь пароказненц казнец, конат сембонди максовихть фкя Ломанть, Иисус Христосонь вельде.

Павелонь сёрмац Риму 5:19

Вдь кода фкять аф кулхцондомац ламотнень тиезень пежукс, тяфта фкять кулхцондомац ламотнень тисыне видексшинь ломанькс.

Павелонь сёрмац Риму 6:14

Катк оду аф азорондай лангсонт пежесь, сяс мес тинь Шкаень пароказнеть алотада, а аф койть.

Павелонь васенце сёрмац Коринфу 15:22

И кода Адамонь эса сембе кулсихть, тяфта Христосса сембе мрдафтовихть эряфти.

Еврейхненди сёрмась 2:9

Но минь няйсаськ Иисусонь, конань прязонза щафтф иневалдонь и шнамань каштаз маятамаса куломанц инкса. Сон нюрьхкяня пингонди путфоль ангелхнень коряс сяда алу, сяс мес Шкаень пароказнеть коряс Иисусонди эрявсь куломс эрь ломанть инкса.

Пёторонь омбоце сёрмац 1:1

Симон Пётр, Иисус Христосонь покодиец и апостолоц, кучи пара вал сятненди, кинди, кода тейнековок, максф питнидонга питни кемамась – Шкаеньконь и Идить Иисус Христость видексшинц вельде.

Иоаннонь васенце сёрмац 2:20

А тейнть максовсь Иняруть эзда Ваймопожфонь вадема, и сембонь тинь улихть содамошинте.