Павелонь сёрмац Риму 4:18 - Од Соткс Новый Завет на мордовском-мокша языке 2016

¹⁸ Мзярда ашель мезень лангс надиямс, Авраам сяка ашезе юмафне надияманц: сон кемась и арась ламоц ломаньтналхненди алякс, кода тейнза азфоль: «Тонь уноконь-уноктот ули ламодонга лама».

Павелонь сёрмац Риму 4:18 ပူးပေါင်းရင်းမြစ်များ

Лука 1:18

Захария мярьгсь ангелти: «Кода содаса – видет тонь валхне али аф? Мон сирян, рьвязевок эряфкшу».

Апостолхнень тевсна 27:25

Сяс тясть ноля прянтень, ялгат! Мон кеман Шкайти! Сембось ули стане, кода Сон мярьгсь тейне.

Павелонь сёрмац Риму 4:17

кода азф Сёрматфксса: «Мон тиихтень тонь ламоц ломаньтналхненди алякс». Тяфтамкс сон и ули Шкайть сельминголе, Шкайть, конанди сон кемась, кона мрдафтсыне кулофнень эряфти, и кона Эсь валсонза най тии од, мезе тяда инголе ашель.

Павелонь сёрмац Риму 4:19

Сонь кемамац ашезь лафчема, хуш сон содазе: кизодонза ни сядоть малаволь, алянь виензонга маштсть, и Сарраньге потмоц кунара пужсь.

Павелонь сёрмац Риму 5:5

А надиямась аф васькафты, сяс мес Шкайсь Эсь кельгоманц валозе минь седиезонк Иняру Ваймопожфть вельде, кона максф тейнек.

Павелонь сёрмац Риму 8:24

Вдь минь идефтяма – тя минь кеме надияманьке. Кда минь надияманьке пяшкодеволь ни, эста афоль уле мезень лангс надиякшнемс. Кие надиякшни сянь лангс, мезец ни ули?

Еврейхненди сёрмась 6:19

Тя надиямась минь ваймоньконди, кода кемоста кирди и вии якорь, кона сатни иняру кошть потмонцты, мянь котфонь перяфксонц фталу.