Павелонь сёрмац Риму 3:9 - Од Соткс Новый Завет на мордовском-мокша языке 2016

⁹ Кода ина эста? Кали минь, еврейхне, ащетяма аф сяда вяре лиятнень коряс? Прокс аф. Минь няфтеськ ни: сембе ломаттне, еврейхть синь али лия ломаньтналонь, сембе синь пежеть алот.

Павелонь сёрмац Риму 3:9 ပူးပေါင်းရင်းမြစ်များ

Лука 7:39

Тянь няемста фарисейсь, Иисусонь серьгядиец, арьсесь эсь пачканза: «Улендяряль тя Ломанць афкуксонь пророк, содалезе, кие и кодама ава токсесы Сонь, вдь авась пежу».

Павелонь сёрмац Риму 1:18

Шкайть кяжень пандомац валги менельста эрь кодама пежень и зиянонь тиихнень лангс, конат эсь кальдявшисост кяшендьсазь ломаттнень эзда видешить.

Павелонь сёрмац Риму 11:32

Шкайсь сембонь пякстазень аф кулхцондомас, тиезень пякстафокс эсь аф кулхцондомаснон потмос, сяс мес Сонь мялец кельгозь ужяльдемс сембе ломаттнень.

Павелонь сёрмац Риму 11:7

Мезе тянь эзда лисенди? Израильсь ашезе сата сянь, мезе вешендсь. Тянь сатозь кочкафне, а лиятнень кевонзасть седисна,

Павелонь сёрмац Риму 2:1

Сяс, ялгай, кикс тязат уле, тейть аф аралави эсь пряце, кда судендасайть лиятнень. Лиянь судендамста тон судендафтсак эсь пряцень, сяс мес судендасайть лиятнень, а тонць тиендят синь лацост.

Павелонь сёрмац Риму 3:1

Эста мезьса сяда цебярьхть еврейхне лиятнень коряс? И кодама лезкс киськопень керомать эзда?

Павелонь сёрмац Риму 3:19

Но минь содасаськ, сембось, мезень колга тяса корхтай койсь, азф сятненди, кит эряйхть койть коряс. Сяс киньге аф панжеви кургоц эсь прянь араламанкса. Марнек масторлангсь мувору Шкайть инголе.

Павелонь сёрмац Риму 3:5

А кда минь аф видексшиньке тиендьсы нинге сяда няевиксокс Шкаень видексшить, эста мезе минь астама? Эста пади Шкайсь аф виде, кда шарфнесы Эсь кяженц минь лангозонк? Мон тяса корхтан ломанень арьсемать коряс.

Павелонь сёрмац Риму 6:15

Тяфта ина мезе? Карматама тиендема пежет, сяс мес минь лангсонк тяни аф койсь, а Шкаень пароказнесь? Прокс аф!

Павелонь сёрмац Риму 7:14

Вдь минь содасаськ, койсь Ваймопожфонь. А мон ломанян ронгонек-пондонек и мифан урексшис пежети.

Павелонь васенце сёрмац Коринфу 10:19

Мезе мон ёран азомс тянь вельде? Ули кодамовок виец озксказнеть, кона кантф аф афкуксонь шкайти, али ули кодамовок виец аф афкуксонь шкайть?

Павелонь васенце сёрмац Коринфу 14:15

Кода ина улемс? Карман озондома ваймопожфсон, карман озондома эсь ёньцонга. Карман моразь шнамонза Шкайть ваймопожфсон, тяконь лаца карман моразь шнамонза Шкайть эсь ёньцонга.

Павелонь васенце сёрмац Коринфу 4:7

Кие мярьгсь, бта тон лияда сяда цебярят? Мезце тонь ули стама, мезть максолезе тейть аф Шкайсь? И кда тейть сембось максф кода казне, мезенди шнасак пряцень, бта тонць семботь сатыть?

Павелонь сёрмац Галатияв 3:10

А сембонь сятнень, кит нежетькшнихть койть коряс тиф тефнень лангс, учсыне сюдома. Вдь Сёрматфксса азф: «Сюдови эрь ломанць, кона аф пяшкодьсы семботь, мезе сёрматф коень книгаса».

Павелонь сёрмац Галатияв 3:22

Но Сёрматфкссь корхтай: сембе ломаттне пежеть кядялот. Лисенди, надияфтомась максови аньцек кемамать вельде Иисус Христости и аньцек сятненди, кит кемайхть.

Павелонь сёрмац Филиппав 1:18

Тейне сяка! Кода афолезь пачфне Христость колга Кулять, аф виде мяльса али ару седиса, мон сянди кеняртькшнян и карман кеняртькшнема.