Павелонь сёрмац Риму 3:4 - Од Соткс Новый Завет на мордовском-мокша языке 2016

⁴ Прокс аф! Шкайсь фалу кирдьсы валонц, а эрь ломанць кяльготни, кода азф Сёрматфксса: «Тонь сембе валхне най лувовихть видекс, и сятнень лангса, кит муворгофнетядязь Тонь, сявсак вярть».

Павелонь сёрмац Риму 3:4 ပူးပေါင်းရင်းမြစ်များ

Матфей 11:19

Сась Ломанень Цёрась, ярхцай и сими, синь корхтайхть колганза: "Ванода, вов тетькись и симилась, каяфксонь кочкайхнень и лия пежуфнень ялгасна". Но Шкаень смузьшить видешиц няфтеви тевса».

Лука 20:16

Сон сай, машфтсыне ся виноградонь касфтыхнень и макссы виноградонь переть лия покодихнень кядьс». Тянь кулиенза мярьгсть: «Тяфта мзярдонга тяза лисе!»

Иоанн 3:33

Кие путсы седизонза Сонь азондоманц, ся кемокстасы: Шкайсь корхтасы видеть.

Павелонь сёрмац Риму 11:1

Сяс кизефнян: кали Шкайсь кадозе Эсь ломаньтналонц? Ёфси аф! Мон монць израиленнян, Авраамонь полатксоц, Вениаминонь юромста.

Павелонь сёрмац Риму 11:11

Мон кизефнян: кали еврейхне пупордасть и прокс прасть? Ёфси аф! Синь прамаснон вельде сась идема лия ломаньтналхненди, эвондаза еврейхнень эса седиень палома.

Павелонь сёрмац Риму 3:31

Тяшкава вяри кемамать путомста минь аф машфнесаськ койть? Ёфси аф. Минь тянь вельде кемокснесаськ койть.

Павелонь сёрмац Риму 6:15

Тяфта ина мезе? Карматама тиендема пежет, сяс мес минь лангсонк тяни аф койсь, а Шкаень пароказнесь? Прокс аф!

Павелонь сёрмац Риму 6:2

Вдь минь куломе пежети – кода ина тейнек тага эрямс пежеса?

Павелонь сёрмац Риму 7:13

Но кали тя парось кандсь тейне кулома? Прокс аф! Пежесь тиезе тянь. Тяфта сон няфтезе эсь афкуксонь шаманц и пароть вельде кандсь тейне кулома. Лисенди, кошардомвалть вельде сядонга шарьхкодевсь, конашкава кальдяв пежесь.

Павелонь сёрмац Риму 7:7

Мезе тянь лангс астама? Дяряй койста лисенди пежесь? Прокс аф! Но кда аф койсь, мон афи содалине, мезе стамсь пежесь. Кда койсь афолезе аза: «Тят пута сельме маластоцень уликс-паронц лангс», – мон афи содалине, мезе стамсь сельмонь путомась.

Павелонь сёрмац Риму 9:14

Мезе тянь лангс астама? Шкайсь тиенди аф видеста? Прокс аф!

Павелонь васенце сёрмац Коринфу 6:15

Кали тинь аф содасасть: тинь ронгонте – Христость ронгонцты пялькст? Кали мон сявсайне Христость ронгонь пяльксонзон и тисайне синь пяльксокс усксеви авать ронгонцты? Мзярдонга аф!

Павелонь омбоце сёрмац Коринфу 1:18

Шкайсь, кона фалу кирдьсы Эсь валонц, кемокстасы тянь: минь корхтамасонк тейнть ашель «тяфта» и «аф тяфта».

Павелонь сёрмац Галатияв 2:17

Минь мяленьке арамс Шкайть инголе видексшинь ломанькс Христость мархта сотовомать вельде. А кда сембе сяка минь минценьге лувсамазь пежу ломанькс, эста лисенди – Христос лезды пежети касомс? Афтонга аф!

Павелонь сёрмац Галатияв 2:21

Мон аф шарфтан Шкаень пароказнеть эзда. Вдь кда видексшись ломанти максови койть вельде, эста Христоссь кулось стакащемда.

Павелонь сёрмац Галатияв 6:14

А монь аш мялезе шнамс эсь прязень мезьсовок, Иисус Христос Азороньконь крёздонза башка. Тя крёзть лангса масторлангсь эськотьф-кулоф тейне, и монцьке эськотьфан-кулофан тя масторлангти.

Павелонь васенце сёрмац Тимофеенди 3:16

И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Еврейхненди сёрмась 6:18

Сяс тяни минь улихть ня кафттне, конат аф полафтыхть и конатнень эса Шкайсь коданга и мзярдонга аф васькафты: тя Шкаень варамась и надияфтомась. Синь кемокстасамазь минь, сятнень, кит музь инголе ащи надиямаса кяшема вастть.

Иоаннонь васенце сёрмац 5:10

Кие кемай Шкаень Цёрати, сянь седисонза ули ся кемокстафты валсь. Кие аф кемай Шкайти, ся тиендьсы Шкайть васькафникс, сяс мес сон аф кемай Шкайть кемокстафты валонцты, конань Шкайсь азозе Эсь Цёранц колга.

Иоаннонь васенце сёрмац 5:20

Содасаськ тяньге: Шкаень Цёрась сась и макссь тейнек шарьхкодема: содалеськ афкуксонь Шкайть. Минь эрятама Шкайть афкуксонь Цёранц, Иисус Христосонь эса. Сон афкуксонь Шкайсь и пефтома эряфсь.

Иоаннонди панчф няйфкс 3:7

«Филадельфиянь кемаень пуромксть ангелонцты сёрматт: "Вов мезе корхтай Инярусь и Видесь, конань кядьса Давидонь панжемац; Сон ся, кие панчсы кенкшть – и киндинге аф пякстави; Ся, кие пякстасы кенкшть – и киндинге аф панжеви: