Павелонь сёрмац Риму 2:4 - Од Соткс Новый Завет на мордовском-мокша языке 2016

⁴ Кали тон мезькска аф лувсак Шкайть оцюдонга оцю парошинц, сятявшинц и куватьс кирдемшканц? Шкаень парошись вяттянза тонь каендамати. Дяряй тон тянь аф шарьхкодьсак?

Павелонь сёрмац Риму 2:4 ပူးပေါင်းရင်းမြစ်များ

Павелонь сёрмац Риму 10:12

Тя азф сембонди, и еврейти, и лия ломаньтналоннети. Азорсь сембонди фкя, и козяста казьсыне сембонь, кие тердьсы Сонь.

Павелонь сёрмац Риму 11:22

Мяляфтк, Шкайсь ляпе седи и казяма. Казяма Сонь эздонза потайхненди, тейть ляпе седи, кда тонць сяда товга аф аердат Сонь ляпе седиенц эзда. А кда аердат, тонга улят керф.

Павелонь сёрмац Риму 11:33

Вай кодама пефтома Шкаень козяшись, смузьшись и содамошись! Аф панжевихть Сонь мяленза-арьсеманза, аф кочксевихть кинза-янонза!

Павелонь сёрмац Риму 3:25

Шкайсь Сонь арафтозе ладямань озксказнекс, конань версонза аруяфтсыне пежетнень эзда сембонь, кит кемайхть Тейнза. Тяфта Шкайсь няфтезе Эсь видексшинц. Оцю кирдемшканц сюнеда Сон ашезь пантфта шума инголи тиф пежетнень инкса. А тяниень пингть Сон няфнесы Эсь видексшинц тяфта: Сон Сонць видексшинь и лувсыне видексшинь ломанькс сятнень, кит кемайхть Иисусти.

Павелонь сёрмац Риму 6:1

Мезе ина тяда меле минь астама? Тага карматама ингольцеть лаца тиендема пежет Шкаень пароказнеть касфтоманкса? Прокс аф!

Павелонь сёрмац Риму 6:15

Тяфта ина мезе? Карматама тиендема пежет, сяс мес минь лангсонк тяни аф койсь, а Шкаень пароказнесь? Прокс аф!

Павелонь омбоце сёрмац Коринфу 8:2

Хуш синь улендсть варчсефт лама стакашиса, сембе сяка синь седисна пяшкотьфтольхть кенярдемада, и прокс ашушиса эрязь, синь ульсть анокт козяста лездомс лиятненди.

Павелонь сёрмац Ефесу 1:18

Катк Сон валдоптсыне тинь шарьхкодемантень сельмонзон, эста тинь няйсасть, кодама ся надиямась, конанди Сон тердедязь, и конашкава козя Сонь иневалдонь аноклафоц иняру ломаттненди,

Павелонь сёрмац Ефесу 1:7

И Цёрать эса улемать вельде минь идефтяма Сонь версонза, лиякс, тейнек нолдафт пеженьке. Тяфтама козя Шкайть пароказнец!

Павелонь сёрмац Ефесу 2:4

Но Шкайсь, кона козя кельгозь ужяльдемаса, эвондазе Эсь инь оцю кельгоманц тейнек,

Павелонь сёрмац Ефесу 2:7

И тянь вельде Сон няфтьсы сай пингонь эряйхненди Эсь козя и аф ункстави пароказненц, ся оцю парошить, конань Сон максозе тейнек Христос Иисусонь вельде.

Павелонь сёрмац Ефесу 3:16

Мон эняльдян, катк Сон Эсь Иняру Ваймопожфонц вельде и козя иневалдонц коряс кемокстасыне вийса тинь седиентень,

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Павелонь сёрмац Филиппав 4:19

И монь Шкаезе, Эсь иневалдонь козяшинц коряс, Христос Иисусть вельде пяшкодьсыне тинь эрь кодама ашушинтень.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Павелонь васенце сёрмац Тимофеенди 1:16

Но монь, сембодонга пежуть, Шкайсь кельгозь ужяльдемань, сяс мес Сон ёрась няфтемс Эсь куватьс кирдемшканц. И тиемань монь кепотьксокс сятненди, кит кармайхть кемама Тейнза и сувайхть пефтома пингонь эряфти.

Павелонь васенце сёрмац Тимофеенди 6:17

Азк тя эряфса козятненди, катк аф няйсазь пряснон и аф надияйхть козяшить лангс, конац аф кеме, но катк надияйхть эряй Шкайть лангс, кона козяста макссесы семботь, мезе эряви тейнек кенярдеманди.

Пёторонь васенце сёрмац 3:20

конат кунардонь пингста ульсть аф кулхцондыкс Шкайти. Шкайсь оцю кирдемшка мархта учендозе синь каендамаснон Ноень пингста, мзярда сон тиендезе оцю венчть. Тя оцю венчса, ведть пачк ётазь, идевсть аф ламотне, аньцек кафкса ломатть.

Пёторонь омбоце сёрмац 1:11

И эста тейнть келеста панжевихть кенкшне минь Азороньконь и Иисус Христос Идиеньконь пефтома Оцязорксшизонза.

Пёторонь омбоце сёрмац 3:15

И лувость Сонь куватьс кирдемшканц эстейнть идемакс. Тянь колга сёрмадсь тейнть минь кельгома ялганьке Павел, ся смузьшиса, кона максфоль тейнза вярде.

Пёторонь омбоце сёрмац 3:3

Васендакиге содасть: мекольдень шитнень эвондайхть кяжиста пеедихть-рахсихть, конат кармайхть пряснон вятема эсь визькс-нулготькс мяльснон коряс.

Пёторонь омбоце сёрмац 3:9

Азорсь аф тарксесы надияфтомать пяшкодема пингонц, кода арьсихть кой-кит. Меколанкт, тянь эса Сон няфнесы тейнек эсь куватьс кирдемшканц, сяс мес Сонь аш мялец киньге юмафтомс-арафтомс. Сон ёрай: сембе шарфтольхть пежеснон эзда.

Иоаннонди панчф няйфкс 2:21

Мон максонь тейнза пинге каендамс эсь усксевомасонза, но сонь аш мялец тянь тиемс.

Иоаннонди панчф няйфкс 3:20

Вов ащан кенкш фтала и чакан: кие кульсы Монь тердемазень и панчсы Тейне кенкшть, сянь пяли суван и карман ярхцама мархтонза, а сон – Монь мархтон.