Павелонь сёрмац Риму 2:12 - Од Соткс Новый Завет на мордовском-мокша языке 2016

¹² Сят, конат сувасть пежес Моисеень коенц аф содазь, койфтома и юмайхть. Сят, кит сувасть пежес коень содазь, койть коряс улихть судендафт.

Павелонь сёрмац Риму 2:12 ပူးပေါင်းရင်းမြစ်များ

Матфей 11:22

Сяс корхтан тейнть: Тирти и Сидонти судонь шиня ули сяда тёждя тинь корязонт.

Матфей 11:24

Корхтан тейнть: Содом масторти судонь шиня ули сяда тёждя тонь корязт».

Иоанн 19:11

Иисус каршезонза мярьгсь: «Монь лангсон вийце ули аньцек сяс, мес сон тейть максф вярде. Сяс сяда оцю пежец сянь, кие Монь максомань тейть».

Апостолхнень тевсна 2:23

Сонь, Иисусонь, максозь тинь кядезонт Шкайть арьсефонц коряс и инголькиге содаманц коряс, и тинь коень аф содайхнень кядьснон вельде эськодесть Сонь крёзти, и шавость.

Павелонь сёрмац Риму 1:32

Синь содасазь, Шкаень видексшинь койть коряс тяфта тиендихне максовихть куломас. И сяка, синь аф аньцек синць тяфта тиендихть, но и шнасазь лацост тиендихнень.

Павелонь сёрмац Риму 4:15

Койсь таргай эсь мельганза Шкаень кяж; коса аш кой, тоса аш сонь колсемацка.

Павелонь сёрмац Риму 8:3

Мезе ульсь аф вийс коре койти, кона лафчель минь колаф обуцяньконь сюнеда, сянь тиезе Шкайсь. Сон озксказнекс минь пеженьконь инкса кучезе масторлангти Эсь фкя-тяка Цёранц, конань ронгоц ульсь пежу ломаттнень ронгснон лаца. Тяфта Сон судендазе ломанень пежеть Христость ронгонц вельде.

Павелонь васенце сёрмац Коринфу 9:21

лия ломаньтналонь ломаттненди, конат аф содасазь койть, улень кода коень аф содай, – хуш монць эрян Шкаень койть коряс и пря максонь Христость коенцты, – коень аф содайхнень Христости вятеманкса.

Павелонь сёрмац Галатияв 3:10

А сембонь сятнень, кит нежетькшнихть койть коряс тиф тефнень лангс, учсыне сюдома. Вдь Сёрматфксса азф: «Сюдови эрь ломанць, кона аф пяшкодьсы семботь, мезе сёрматф коень книгаса».

Павелонь сёрмац Галатияв 3:22

Но Сёрматфкссь корхтай: сембе ломаттне пежеть кядялот. Лисенди, надияфтомась максови аньцек кемамать вельде Иисус Христости и аньцек сятненди, кит кемайхть.

Иаковонь сёрмац 2:10

Кие пяшкотькшнесы марнек койть, и аньцек мезьсовок фкаса тии пеже, эста сембоса арси муворукс.