Павелонь сёрмац Риму 16:2 - Од Соткс Новый Завет на мордовском-мокша языке 2016

² Васьфтесть сонь Азорть лемса, кода ладяй Шкаень ломаттненди, и лездода сембоса, мезе тейнза эряви, сяс мес сон ламонди лезнесь, тянь лувксса тейненьге.

Павелонь сёрмац Риму 16:2 ပူးပေါင်းရင်းမြစ်များ

Матфей 25:40

Оцязорсь тейст корхтай: "Видеста корхтан тейнть: сяс мес тинь тиесть тянь Монь ёмла браднень эзда фкяти, стане тиесть тянь Тейне".

Апостолхнень тевсна 9:13

Анания пшкядсь: «Азор! Ламотнень кургста кулендень тя ломанть колга, содаса, мзяра кальдяв сон тись Тонь ломаттненди Иерусалимса.

Апостолхнень тевсна 9:15

Но Азорсь мярьгсь тейнза: «Архт! Сон Монь кочкаф кядьгозе, кона пачфтьсы Монь лемозень ломаньтналхненди, оцязорхненди и Израилень ломаттненди.

Апостолхнень тевсна 9:36

Иоппияса эрясь фкя ава, Иисусонь тонафниец, лемоцоль Тавифа. Лемонц смузец «пандонь сяваня, серна». Авась фалу тиендсь цебярь тефт и лездсь ашуфненди.

Апостолхнень тевсна 9:39

Пётр срхкась и эстокиге тусь мархтост. Мзярда пачкодсь, сонь вятезь вярцень кудбяльксу. Тоса сонь перьфканза пуромсть удаватне, синь авардезь няфнезь панархнень, лангань щапнень, конатнень стакшнезень Тавифа шиса улемстонза.

Апостолхнень тевсна 9:41

Пётр максозе кяденц, лездсь стямс, меле серьгядезень сембе кемайхнень и удаватнень, и арафтозе авать инголест шиса-парса.

Павелонь сёрмац Риму 15:7

Сяс, Шкаень лемть шнаманкса, сявода фкя-фкянь эсь седизонт, кода Христоска сяводязь тинь Эсь седизонза.

Павелонь сёрмац Риму 16:15

Пара вал Филологонди и Юлиянди, Ниреенди сазоронц мархта и Олимпанонди, и мархтост сембе иняру ломаттненди.

Павелонь сёрмац Риму 16:23

Пара вал кучи тейнть Гаий, монь инжиень кельги азорозе, конань кудса пуромкшни марнек кемаень пуромкссь. Пара вал тейнть Ерастонь, ошень ярмаконь ванфтыть эзда, и Кварт кемай ялганьконь эзда.

Павелонь сёрмац Риму 16:6

Пара вал Мариамонди, кона тяшкава лама тейнек тись.

Павелонь сёрмац Риму 16:9

Пара вал Урбанонди, мархтонк Христости покодити, и кельгома ялгазти Стахиенди.

Павелонь сёрмац Ефесу 5:3

А усксевомать, аф арушить, аф топафтовиксшить колга тинь ётксонт корхтаматка тяст кепсев. Аф ладяй тя иняру ломаттненди.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Павелонь сёрмац Филиппав 2:29

Сяс васьфтесть сонь оцю кеняртькс мархта и Азорть кельгомаса. Тяфтама ломаттнень кирдесть пара лувксса.

Павелонь сёрмац Колоссав 4:10

Аристарх, кона пякстаф монь мархтон, кучи тейнть пара вал, тяфта жа пара вал кучи Марковок, Варнавань радняц. Сонь кувалманза тейнть максфоль кошаркс: кда сай тейнть, васьфтесть сонь.

Павелонь васенце сёрмац Тимофеенди 2:10

а пара тевса, кода ладяй аватненди, конат максозь эсь пряснон Шкайти и тиендихть Сонь мяленц коряс.

Павелонь омбоце сёрмац Тимофеенди 1:18

Катк Азорсь макссы тейнза Эсь кельгозь ужяльдеманц ся мекольдень шиня. А конашкава сон тейне лездсь Ефесса, тон сядонга лац содасак.

Павелонь сёрмац Титонди 2:3

Тяфта жа сире аватнендивок прясна эряви вятемс кода ладяй иняруфненди, аф васькафнемс ломанень лангс, аф прафтомс симомати, а тонафнемс парошити.

Павелонь сёрмац Филимононди 1:12

А тон васьфтьк сонь, кода монь седибялькскязень.

Павелонь сёрмац Филимононди 1:17

Эрь ина, кда лувсамак монь марстонь тевонь тии ялгакс, эста васьфтьк Онисимонь стане, кода васьфтелемайть монь.

Иоаннонь омбоце сёрмац 1:10

Кда кие сай ширезонт и аф кандсы тя тонафтомать, сянь тясть сявонде пялонт и тяда шумбраксне мархтонза.