Павелонь сёрмац Риму 13:8 - Од Соткс Новый Завет на мордовском-мокша языке 2016

⁸ Тяда уле шумукс киндинге мезьсовок, фкя-фкянь кельгомада башка. Вдь кие кельги лия ломань, ся пяшкодезе койть.

Павелонь сёрмац Риму 13:8 ပူးပေါင်းရင်းမြစ်များ

Матфей 7:12

Тяфта, сембоса тиендеда ломаттнень мархта стане, кода мяленте синь тиендельхть мархтонт. Тяса койть и пророкнень тонафтомаснон смузьсна».

Иоанн 13:34

Мон максан тейнть од кошардомвал: кельгода фкя-фкянь. Кода Мон кельгодязь тинь, стане кельгода фкя-фкянь.

Павелонь сёрмац Риму 13:10

Кельгись аф тии маластонцты кальдяв. Сяс кельгомась – тя койть пяшкодемац.

Павелонь сёрмац Риму 13:7

Тяфта, максость-пандость тейст сянь, мезе эрти эздост эряви: кинди каяфксонь максома – каяфксонь максома, кинди дацькянь пандома – дацькянь пандома, кинди пелема – пелема, кинди пара лувксс путома – пара лувксс путома.

Павелонь сёрмац Галатияв 5:14

Вдь марнек койсь сюлмаф фкя-тяка валхнень эса: «Кельк маластоцень, кода эсь пряцень».

Павелонь сёрмац Колоссав 3:14

А сембодонга пяк уледа кельгикс, сяс мес кельгомась семботь сотсы марса и семботь тисы афсатыксфтомокс.

Павелонь васенце сёрмац Тимофеенди 1:5

Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Иаковонь сёрмац 2:8

Сёрматфксса максф Шкайть Оцязорксшинь коец: «Кельк мала ломанцень, кода эсь пряцень». Кда тинь пяшкотькшнесасть тя койть, эста видеста тиенттяда,

Иоаннонь васенце сёрмац 3:10

Шкаень иттне и идемэвозень иттне вага кода содавихть: кие аф тиенди видексшить коряс, ся аф Шкайть эзда, кода и сявок, кие аф кельгсы эсь кемай ялганц.